Isa. 49:1 - Ebaibul

¹ Iyes ŋituŋa ŋulu iboiyete anakwapin a ŋuna idunyito anam, kiirasi ŋakiro kaŋ, iyes ŋituŋa ŋulu iboiyete anakwapin a ŋuna alwanak, topupokisi! Abu Ekapolon okonyarau ayoŋ eriŋa ayoŋ nyeuruuna, apaki ŋina ariŋaakar ayoŋ ayai nakook a toto kaŋ, abu iŋes okolimok ayoŋ ekiro.

Isa. 49:1 Iomraidhean Croise

Ŋikiru. 22:10

Ŋinapei anakidounet aponi ayoŋ ekewuakin neni kon; ŋinapei eriŋa ayoŋ ayai nakook a toto kaŋ irae iyoŋ Akuj kaŋ.

Isa. 11:11

Akoloŋit ŋin, isitiyae nabo Ekapolon apedor keŋ kinyaku ŋipiya a ŋituŋa keŋ alo Asiriya, alo Ijipit, alo Pasiros, alo Esiopia, alo Elam, alo Sinar, alo Amas ka anakwapin a ŋuna idunyito anam.

Isa. 24:15

Aŋun, emaikina ŋituŋa ŋulu alo Kide kitopoloosi Ekapolon, emaikina ŋituŋa ŋulu iboiyete alodiyete anam kitopoloosi ekiro a Ekapolon Akuj a Isirael.

Isa. 33:13

Iyes ŋulu iboiyete aneni alwanan, kiirasi ŋakiro ŋuna adau ayoŋ akitiya ka iyes ŋulu iyapiyete toyenutu agogoŋ kaŋ.

Isa. 41:1

Ebala Akuj ebe; “Okoe ŋituŋa ŋulu iboiyete alodiyete anam, kililiŋa, topupokinae ayoŋ. Emaikina ŋituŋa toryamut agogoŋu kec nabo; emaikina ikes potu kiŋaren kaŋ, ido kirworo; emaikina iwon oyakaun kaapei neni etubere ŋakiro.

Isa. 42:12

Emaikina ikes kitopoloosi Ekapolon, kipuro iŋes anakwapin a ŋuna alodiyete anam.

Isa. 44:2

Alimu Ekapolon ŋolo ikisubuni iyes, ŋolo abu ikiyeu iyes anakookyes atatoto kus ka ŋolo abu ikiŋarak ebe, “Nyikuryaketa, okoe ŋiletok a Yakob a eketiyan kaŋ, okoe iyes ŋiletok a Isirael ŋulu adau ayoŋ aseun;

Isa. 44:24

Alimu Ekapolon Ekalakunan kus, ŋolo abu ikiyeu iyes anakookyes atatoto kus ebe, “Arae ayoŋ Ekapolon ŋolo asubuni ŋiboro daadaŋ, ayoŋ abu opetak kidiama, ayoŋ elope abu opetak akwap.

Isa. 45:22

Toboŋutu neni kaŋ, ido toiunos. iyes ŋituŋa anakwapin a daadaŋ; anerae ayoŋ Akuj ka emam akuj ace.

Isa. 45:3

akainakini ayoŋ iyoŋ ebari ŋolo iwuaitae anakiryonut ka ebari ŋolo iwuaitae anakiboisyo a ŋuna emam ituŋanan eyeni, ikotere iyoŋ iyenuni atemar ayoŋ Ekapolon, Akuj a Isirael iŋes ikinyar iyoŋ a ekiro kon.

Isa. 46:3

“Okoe ŋituŋa a ekal a Yakob, kiirasi ŋakiro kaŋ, iyes daadaŋ ŋipiya a ekal a Isirael, kiirasi ŋakiro kaŋ, kiirasi ŋakiro kaŋ iyes ŋulu abu ayoŋ ekedar ameun anapaki a ŋina ikidounere, iyes ŋulu abu ayoŋ okodak tari eriŋa iya nakookyes atatoto kus.

Isa. 49:12

Kiirasi, epote ŋirotin ŋul aneni alwanan, kiirasi epote ŋirotin ŋul alo Kuju ka alo To, epote ŋirotin ŋul anakwap a Sinim.”

Isa. 49:5

Alimu tokona Ekapolon ŋolo akayeuni ayoŋ anakook atoto kaŋ aruwor eketiyan keŋ, ŋolo akaseuni ayoŋ akinyakar neni keŋ ŋiletok a Yakob ka acunar Ŋisirael neni keŋ; ŋolo eketopoloorit ayoŋ, Akuj kaŋ ŋina aruwor agogoŋu kaŋ,

Isa. 51:5

Abuni ayoŋ alakun ŋituŋa kaŋ atipei, aapuu aiunio ŋina ebunit aneni kaŋ epukae ayoŋ ŋituŋa a apedor kaŋ; ekedarito ayoŋ ŋituŋa ŋulu iboiyete anakiboisyo a ŋuna alodiyete anam, idarito ikes anakigeno apedor kaŋ.

Isa. 52:13

Kiirasi, isiyookini eketiyan kaŋ etic keŋ, itopolooryo iŋes ka epoloor akilo daadaŋ.

Isa. 55:3

Topupokisi, ido ipotu neni kaŋ; kiirasi ŋakiro kaŋ ikotere iyarete. Ewuakini ayoŋ acamunet kaŋ ka iyes ŋina a ŋikaru ka ŋikaru, acamunet ŋina ikicamunor ayoŋ ka iyes, amina ŋina nyiryaŋiryaŋa ŋina abu ayoŋ eik Daudi.

Isa. 57:19

Eyakaun ekisil neni a ŋulu eapiyete ka ŋulu elwaka, etaŋaleuni ayoŋ ikes.

Isa. 60:9

Kire jik, ekewarete ayoŋ ŋituŋa ŋulu iboiyete alodiyete anam; iŋarenunete ŋameeli ŋuna a Tarisis, eyaunete ikes ŋidwe kus ŋulusapa aneni alwanan, eyaunete ikes esilipa ka egolid kec aŋuna ka akitopoloor ekiro a Ekapolon, Akuj kus ŋina asegan ŋina a Isirael, anerae ikitopoloo iŋes iyes.

Isa. 66:19

Ewuakini ayoŋ neni kec akitoodikinet, ido eyakiyari ayoŋ ŋipiya kec nakwapin, eyakiyari ikes Tarisis, Put ka Lud nakwapin a ŋituŋa a ŋulu eyenete akisitiya ŋikaleŋeleŋe; eyakiyari ikes Tubal ka Yapan nakwapin ŋuna alwanak ŋuna idunyito anam, neni a ŋituŋa a ŋulu nyiirarito ŋuna ka arwonu kaŋ, kori nyiŋolikina apolou kaŋ, elimorete ŋikiyakia ŋul apolou kaŋ nakwapin.

Isa. 7:14

Aŋun, Ekapolon elope iŋes ikiinakini iyoŋ akitoodikinet. Topupok, epotiuni apese ŋina nyiryamakina ka ekile ikoku, idouni iŋes ikoku ŋinisapat, elimokini iŋes ekiro a ikoku a ŋin Emmanuel

Isa. 9:6

Edoun ikoku aŋuna yok, ikiinakin iwon ikoku ŋinisapat, eruwor iŋes ekepukan, enyarao iŋes, “Ekesirworiunan ŋolo ajokan nooi, Akuj ŋina etiron, Papa ŋolo a ŋikaru ka ŋikaru, Ekapolon a ekisil.”

Yer. 1:5

“Eriŋa ayoŋ nyeyeuna iyoŋ anakook a toto kon, akayeni ayoŋ iyoŋ, ani eriŋa nyidouno iyoŋ, aris ayoŋ keketaleiyo iyoŋ, abu ayoŋ eketuruwo iyoŋ ekadwaran aneni a ŋituŋa a ŋakwapin.”

Sepan. 2:11

Eryenyaanikini Ekapolon ikes nooi; kire jik, emunyari iŋes ŋakujo daadaŋ ŋuna eya nakwapin. Ilipete neni ke Ekapolon ŋituŋa daadaŋ ŋulu iboiyete alodiyete ŋanamyo ka ŋulu iboiyete aloculeta a ŋanamyo.

Luk. 1:15

anerae erwoniar iŋes alokiŋaren Ekapolon. Nyitemokino iŋes tomat epiini kori idiobore ŋini ikitemerakini, ilelebun iŋes Etau ŋolo Asegan, tari eriŋa eyai nakook a toto keŋ.

Luk. 1:31

ipotiuni iyoŋ kidou ikoku ŋini sapat, tolimok ekeekiro Yesu.

Yoa. 10:36

Ani nai kikote nen, ikokinete iyes ai ibasi, ‘Iyanyi iyoŋ Akuj!’ anerae abu ayoŋ olimu atemar, ‘Arae Ayoŋ Lokoku ka Akuj,’ ikwapei araakar ayoŋ abu Akuj okotyaku ekeyakuu nakwap.

Ŋigal. 1:15

Nai abu Akuj tolakar okoseu ayoŋ eriŋa tari nyidouno, okonyar ayoŋ anajokis keŋ akitiyanakin iŋes. Abu iŋes eketoodik ayoŋ Lokoku keŋ, ikotere olimonok Ŋakiro ŋuna Ajokak ŋuna ikamunito iŋes lotuŋa ŋulu nyerae Ŋiyudayan. Apaki ŋina atakanuniata ŋun, abu ayoŋ nyecanican apaki alosit neni a idiotuŋanan aryamun ŋakiro ŋuna eŋarakinak;

Ŋiep. 2:17

Abu nai Kristo bu alimonokin ŋakiro ŋuna ke ekisil neni a ŋituŋa a daadaŋ--neni kus a ŋulu nyirae Ŋiyudayan, a ŋulu sek ilwaka nooi aneni ka Akuj ka neni a Ŋiyudayan a ŋulu sek aapiyete aneni ka Akuj.

Ŋibur. 12:25

Tocoito iŋerete akiirar ŋakiro a ŋolo irworo. Ani nai pa kebucara Ŋisirael anatubokino apaki ŋina aŋeryoto ŋakiro a ŋolo eciki ikes anakwap, ikibucar nai iwon ikwaani, erae kikiŋer iŋes ŋolo ikiciki iwon anakuj?

1 Pet. 1:20

Abu Akuj toseu iŋes eriŋa nyesubuna akwap ka aponi kitoodiunae iŋes aŋuna kus ŋirwa lu ŋulu esidyok.