Isa. 48:20 - Ebaibul

²⁰ Towotokisi alo Babilon, toema alo Babilon tolimosi ŋakiro ŋun ke ecelet a ŋolo ka alakara, kiserautu ŋakiro ŋun. kitodolo ŋakiro ŋun nakisaleta ka akwap, temasi iyes, “Alaku Ekapolon ŋiketiyak keŋ ŋiletok a Yakob.”

Isa. 48:20 Iomraidhean Croise

2 Sam. 7:23

Ata ŋae ŋituŋa ikwaan ka ŋituŋa kon, Ŋisirael? Eya mono ŋituŋa ŋice ikwaanatar ikes anakwapin a akwap ŋulu abu Akuj kec tolot alakun ikwapei ŋituŋa keŋ, ido toruunio ekiro keŋ a? Eya mono ŋituŋa ŋulu abu Akuj kitiya ŋuna ka aumokin neni kec anakiritanar ŋituŋa a ŋakwapin ka ŋakujo kec alokiŋaren kec a?

Esir 2:1

Arae lu Ŋisirael ŋulu apotu toboŋut alo Babilon Yerusalem, nakwap a Yudaya; arae ikes ŋulu koloŋ kebu erwosit Nebukadinesar ŋolo a Babilon ya erae ŋirikon nakwap a Babilon abu ŋinituŋanan toboŋo lotaun keŋ.

Ŋikiru. 126:1

Ani apaki ŋina ikinyakunia isua Ekapolon Sion, aneni ikirikoritae, ikisibit isua ŋituŋa ŋulu ikirujae.

Isa. 12:1

Ebuni akoloŋit ŋina eokinioto ŋituŋa ebasi, “Okoe Ekapolon, alakar ayoŋ neni kon, anerae tari ŋina iŋoitor iyoŋ aŋuna kaŋ, ibu iyoŋ tojoŋo aŋoit aŋuna kaŋ ka ibu iyoŋ ikisirworiu ayoŋ.

Isa. 12:4

Akoloŋit ŋin etemarete ŋituŋa, “Tolakaros neni ke Ekapolon, tonyarata ekiro keŋ, kiteyenikisi ŋituŋa a ŋakwapin ŋuna adau Ekapolon akitiya, kiserautu atemar itopolooritae ekiro keŋ.

Isa. 24:14

Ecelunete ŋipiya, eeikinete ka alelyanu; elimorete ŋulu alo To ailiil a Ekapolon.

Isa. 26:1

Akoloŋit ŋin, eeikinio eete lo anakwap a Yudaya: Ikiyakar isua etaun ŋolo agogoŋon, Akuj ikiinanakini isua akiloun, lopite ŋolo ikiinakinia arwatata, kori aduketait ŋinajiet.

Isa. 42:10

Toeikisi eete ŋolokitete neni ke Ekapolon, toeikisi ipurosi iŋes anakisaleta ka akwap. Iyes ŋulu ilosete ananam kipuro Ekapolon, iyes ŋisubuna daadaŋ ŋulu iyarete alotooma anam kipuro Ekapolon, iyes ŋituŋa ŋulu iboiyete alodiyete anam kipuro Ekapolon.

Isa. 43:1

Nai tokona Ekapolon ŋolo ikisubuni iyes ŋiletok a Yakob, iŋes ŋolo ikisubuni iyes ŋituŋa a Isirael iŋes alimu atemar: Nyikuryaketa, anerae adau ayoŋ alakun iyes; akanyar ayoŋ iyes a ekiro, ido iruworosi iyes ŋituŋa kaŋ.

Isa. 44:22

Alema ayoŋ ŋasecisya kus, lopite ŋolo eakarya edou, alema ayoŋ ŋasecisya kus, lopite ŋolo eŋopiyarya ekuno. Toboŋutu neni kaŋ, anerae akalaku ayoŋ iyes.

Isa. 48:6

“Idaut iyes akiirar ka akiŋolikin ŋun daadaŋ, nyipedorete tokona iyes alimor ŋakiro ŋun a? Ameun tokona ekesiirari ayoŋ iyes ŋakiro ŋunakitet, ŋakiro ŋuna sek ewuaitae, ŋuna nyeyenuna iyes.

Isa. 49:13

Okoe iyes ŋisubuna ŋulu alokidiama, toeikisi ka alakara, okoe iyes ŋisubuna ŋulu alokwap, tocelutu ka alelelyanu; okoe iyes ŋisubuna ŋulu iya lomoru tocelutu ieosi, anerae esirworiu Ekapolon ŋituŋa keŋ ka isyoni ŋituŋa keŋ ŋulu eryamunito ŋican.

Isa. 49:6

ebe, “Epataka mono ŋakiro ŋuna iraakar iyoŋ eketiyan kaŋ a? anerae ilosi iyoŋ akinyakun ŋikabilae a Yakob neni kaŋ ka ayaun neni kaŋ Ŋisirael ŋulu erae ŋipiya; eketuruwori ayoŋ iyoŋ akica ŋina a ŋulu nyerae Ŋiyudayan, ikotere itodoli iyoŋ aiuno ŋina ebunit aneni kaŋ nakisaleta a akwap.”

Isa. 51:14

Elakunio atipei ŋulu isicanitae, nyetwakete ikes ka nyelomarete nakipany, kori nyicanakinosi akimuj.

Isa. 52:10

Etoodik Ekapolon apedor keŋ, neni a ŋituŋa a ŋakwapin a daadaŋ; iŋolikinete ŋituŋa a ŋakwapin a daadaŋ aiuno ŋina ka Akuj yok.

Isa. 52:11

Torotokisi, torotokisi toloto a nen! Nyitapa ibore idio ŋini itoroniyaritae, toloto aneni eya ŋiboro ŋulu itoroniyaritae, kitaleutu ŋawat kus iyes ŋulu iyakatar ŋiboro ŋulu ke Ekapolon.

Isa. 52:9

Toeikisi iyes daadaŋ kaapei, ŋaduketa a Yerusalem ŋuna eritakinitae kwap, anerae eŋarak Ekapolon ŋituŋa keŋ, ido alaku iŋes Yerusalem.

Isa. 62:11

Eserak Ekapolon ŋituŋa a akwap daadaŋ ebe, ‘Tolimokisi ŋituŋa a Sion atemar ebunit Ekapolon aiun iyes, eyaunit iŋes ŋituŋa ŋulu adau iŋes aiun.’

Isa. 63:9

alocan kec a daadaŋ. Pa arae ekiyakia kori emalaika, nai ayakau a Ekapolon kaapei ka ikes abu toiu ikes; abu iŋes anamina ka anakisyon keŋ tolaku ikes, abu todak ikes, kidar ikes ŋirwa daadaŋ ŋinapei koloŋ sek.

Yer. 31:10

Iyes ŋituŋa a ŋakwapin, kiirasi ŋakiro a Ekapolon, tolimosi ŋakiro ŋun anakwapin a ŋuna alodiyete anam, anakwapin a ŋuna alwanak. Temasi iyes, “Ecunakini nabo Ŋisirael ŋolo sek eelari ikes, iyoki ikes lopite ŋolo iyokiyo ekeyokon ŋamesekin keŋ.

Yer. 31:11

Aiu Ekapolon ŋituŋa a Yakob, alaku ikes aneni a ŋulu egogoŋ akilo ikes.

Yer. 31:21

Toryamutu aŋuna kus ŋakitoodyanakineta ŋuna ikitenarete neni icamit alosit, kiwuakisi aŋuna kus ŋakitoodyanakineta lorotin, toanyutu erot ŋolo ipotu iyes kiwuapa apaki ŋina irotokinioto iyes. Okoe Ŋisirael, toboŋutu, toboŋutu nege lotaunio kus.

Yer. 50:2

“Tolimosi anakwapin a daadaŋ ka kiserata, kikyaasi abendera ka kiserata, nyimunono ŋakiro nu, temasi iyes, ‘Ekamar Babilon, esirumi Bel ŋileec, akadaki Merodak. Esirumi ŋitorubei a ŋakujo kec ŋileec, akadaki ŋakujo kec.’

Yer. 50:28

“Kiirasi! Eponito ŋikerimitok ka ŋikadokinok anakwap a Babilon, alimor alo Sion epite ŋolo enyaŋarya Ekapolon Akuj yok ŋakiro a Ŋibabiloniyae, inyaŋi iŋes ŋuna apotu ikes kitiyata Kai ka Akuj.

Yer. 50:8

“Toema alo Babilon, toloto anakwap a Ŋibabiloniyae, kitiyata ikwa ŋikorwa ŋulu erikito ŋakinei,

Yer. 51:45

“Okoe ŋituŋa kaŋ, tolomutu kiŋa alo Babilon, iyes a ŋinituŋanan emaikina toiu akiyar keŋ, anaŋoit a Ekapolon a ŋina apolon.

Yer. 51:48

Ekaku ŋun, ecelunete ka alelyanu, ŋisubuna daadaŋ ŋulu alokwap ka ŋulu alokidiama, aŋuna ka akinyasuno a Babilon, anerae epote ŋikenyasak alo Kuju akitijikin Babilon.

Yer. 51:6

“Toema alokidiŋ Babilon, iyoŋ ŋinituŋanan, toiu akiyar kon, nyimunyarosi aŋuna ka asecit a ŋituŋa a Babilon, anerae erae na apaki ŋina inyaŋarya Ekapolon ŋakiro kec, inyaŋi Ekapolon ŋakiro ŋuna itiyato ŋituŋa a Babilon.

Sakar 10:8

“Anyarauni ayoŋ ŋituŋa kaŋ, ido ocunak ikes daadaŋ nakwap kec. Aiuni ayoŋ ikes, ido etipituni ikes, tolalata ikwapei sek ayakatar.

Sakar 2:10

Ebala Ekapolon, “Iyes ŋituŋa a Sion, toeoto ka tolelyana, anerae abunit ayoŋ, ido eboiyoto kaapei ka iyes.”

Ŋikis. 30:4

Tari kikirikoritae nakisaleta a akwap, ikicununi iyes Ekapolon Akuj kus, ikinyaku iyes nakwap kus,

Akis. 18:20

Nakuj, tolakari! Ŋituŋa ŋulu ka Akuj ka ŋikiyakia ta ŋikadwarak, tolakaros! Anerae adau Akuj atubokin iŋes aŋuna abu iŋes kitiya neni kus!

Akis. 18:4

Abu nabo eira etoil ece anakuj ebala, “A ŋituŋa kaŋ, tolomutu aneni keŋ! Ikotere nyiseca ikwa ŋituŋa keŋ, ido toryamut ŋakisicaneta keŋ!