Isa. 48:13 - Ebaibul

¹³ Arae ayoŋ asubuni akisyakinet a akwap, ayoŋ apetakini kidiama. Ani kanyara ayoŋ akwap ka kidiama epote ikes neni kaŋ.

Isa. 48:13 Iomraidhean Croise

Yob 37:18

Ipedori iyoŋ apetakin ŋidouwon kidiama lopite ŋolo itiyaa Akuj a? ipedori iyoŋ akitogogoŋ ikes ikwa eburonis ŋolo ikirouni a?

Ŋikiru. 102:25

Koloŋo sek, ibu iyoŋ tosub akwap, ido ibu iyoŋ anapedor kon tosub nakuj.

Ŋikiru. 147:4

Ekapolon iŋes abu kiwuak ekimar a ŋikacer, ido tolimonok ikes ŋirorwa kec.

Awos. 20:11

anerae ŋirwa ŋikanikapei, abu Ekapolon kitiya, tosub nakuj, akwap, anam ka ibore daadaŋ ŋini eyai tooma kec. Aŋun, abu Ekapolon kiterereŋ akoloŋit ŋina a Sabato kitesegu.

Isa. 40:12

Ŋae epedori akipim ŋakipi a anam a akan keŋ, kori akipim kidiama a akan keŋ? Ŋae epedori akiwuakin ŋalup a akwap daadaŋ nakan keŋ, kori akipim apotis a ŋimoru ka ŋikamukumukui a aratil?

Isa. 40:21

Nyeyenuna iyes a? Nyiirara iyes a? Nyelimokina iyes ŋakiro ŋinapei anakisyakinet akwap a? Nyeyenuna iyes ŋakiro ŋinapei etiyaunere akwap a?

Isa. 40:22

Erae ŋolo iboi alokicoloŋ keŋ a ŋolo eyai kidiama akwap ka kidiama ariwo iŋes asubuni akwap. Ite iŋes alokidiama ŋituŋa esibito ŋabeerei; iŋes abu topeta kidiama ikwa anaŋga, topeta iŋes lopite ŋolo igurorere eema, ikotere iboikinoi tooma.

Isa. 40:26

Kireosi kidiama kiŋolikis neni ikoni. Ŋae asubuni ŋiboorei daadaŋ ŋulu eya kidiama? Erae Akuj ŋina iwuakinit ikes esibit ŋajoresyo ka eyeni ekimar kec, enyarit ikes daadaŋ a ŋirorwa kec; anerae egogoŋ iŋes nooi, eyakar apedor ŋina etiron, mam ibore ipei daŋ ŋini icana iŋes.

Isa. 42:5

“Alimu Akuj, Ekapolon ŋakiro nu atemar, Ŋae asubuni kidiama, ido topetak ariwo? Ŋae apetakini akwap ka etolomuni ibore ŋini elomunit anakwap? Ŋae einanakini ekieŋanu neni a ŋituŋa a ŋulu iboiyete anakwap ka neni a ibore a daadaŋ a ŋini elosi anakwap?

Isa. 44:24

Alimu Ekapolon Ekalakunan kus, ŋolo abu ikiyeu iyes anakookyes atatoto kus ebe, “Arae ayoŋ Ekapolon ŋolo asubuni ŋiboro daadaŋ, ayoŋ abu opetak kidiama, ayoŋ elope abu opetak akwap.

Isa. 45:12

Ayoŋ asubuni akwap ka abu osub ŋituŋa ŋulu eya nakwap; ayoŋ abu opetak kidiama ka abu olimu atemar toyakaun nen ŋisubuna ŋulu eya kidiama.

Isa. 45:18

Ŋuna alimu Ekapolon ŋolo asubuni kidiama, (Iŋes Akuj) ŋolo ayeuni ka etiyauni akwap, (iŋes esyakini akwap, pa asubuni iŋes akwap erae ŋina a egurigur, abu iŋes toyeu akwap ikotere iboiyoto ŋituŋa alotooma keŋ.) Alimu Ekapolon atemar ayoŋ Ekapolon, emam ekapolon ece eyai.

Isa. 51:13

Ikimuryak iyes Ekapolon ekasuban kus, ŋolo abu topetak kidiama ka kiwuak ŋawoeta a akwap a? Ikuryaka iyes apaaran daadaŋ aŋuna ka adedeŋu a ekesicanan a ŋolo erae etic keŋ amunyar. Nai ai tokona eyai adedeŋu a ekesicanan?

Yer. 51:15

“Ekapolon koloŋ asubi akwap a apedor keŋ, iŋes ewuakini akwap a aosou keŋ, ka iŋes abu topetak kidiama anayenut keŋ.

Ŋirom. 4:17

ikwapei igiritere Nakigireta ebe, “Ayoŋ Akuj eketuruwo iyoŋ papa a ŋibukui a ŋulu alalak.” Aŋun, erae Aburaam Paapa yok alokiŋaren Akuj ŋina abu iŋes tonup--Akuj ŋina iteyarununui ŋikatwak, ŋina iteyakauni analimunet keŋ ibore ŋini sek pa ayai.