Isa. 48:12 - Ebaibul

¹² Kiirasi ŋakiro kaŋ okoe ŋiletok a Yakob, iyes Ŋisirael ŋulu abu ayoŋ onyarau, arae ayoŋ iŋes; arae ayoŋ ŋina eŋarenon ka arae ayoŋ ŋina esidyon.

Isa. 48:12 Iomraidhean Croise

Ŋakit. 7:24

Nai tokona ŋidwe kaŋ, kiirasi ŋakiro kaŋ, topupokisi ejok ŋakiro ŋuna erworo ayoŋ.

Ŋakit. 8:32

“Tokona nai ŋidwe kaŋ, kiirasi ŋakiro kaŋ nu: Erereŋ ŋulu iwuapete ŋuna alimu ayoŋ.

Isa. 34:1

Okoe ŋituŋa a ŋakwapin, toapuutu kiirasi, okoe ŋituŋa topupokisi! Emaikina akwap kiira ka ŋinibore daadaŋ eyai nakwap; emaikina akwap kiira ka ŋinibore daadaŋ ŋini elomununui alokwap.

Isa. 40:26

Kireosi kidiama kiŋolikis neni ikoni. Ŋae asubuni ŋiboorei daadaŋ ŋulu eya kidiama? Erae Akuj ŋina iwuakinit ikes esibit ŋajoresyo ka eyeni ekimar kec, enyarit ikes daadaŋ a ŋirorwa kec; anerae egogoŋ iŋes nooi, eyakar apedor ŋina etiron, mam ibore ipei daŋ ŋini icana iŋes.

Isa. 41:4

Ŋae etiyae ŋun ka ŋae eturubak ŋun itiyasi? Ŋae enyaraununui ŋanyameta ŋinapei anakisyakinet? Ayoŋ Ekapolon, arae ŋolo a ekiŋaren, ayakaun ayoŋ tari apaki ŋina esidyon.

Isa. 43:10

Ebala Ekapolon, irae iyes ŋisuudae kaŋ ka ŋiketiyak kaŋ ŋulu abu ayoŋ oseu, ikotere iyes ikiyenunete ayoŋ ka ikinupete ayoŋ, ido toyenut atemar ayoŋ bon arae Akuj. Ayoŋ bon arae Akuj, mam akuj ace mam akuj ace ayai ekiŋaren, mam ace jik eyakaun ekaku.

Isa. 43:11

Ayoŋ arae Ekapolon, mam akaiunan ace mati ayoŋ bon.

Isa. 44:1

Kiirasi tokona, okoe iyes ŋiletok a Yakob a eketiyan kaŋ, kiirasi tokona, okoe Ŋisirael ŋituŋa kaŋ ŋulu adau ayoŋ aseun.

Isa. 44:6

Alimu Ekapolon, erwosit a Ŋisirael ka ekalakunan kec Ekapolon a ŋajoresyo ebe, “Arae ayoŋ ŋolo esyaunan ka ŋolo esidyon; emam akuj ace mati ayoŋ bon.

Isa. 46:3

“Okoe ŋituŋa a ekal a Yakob, kiirasi ŋakiro kaŋ, iyes daadaŋ ŋipiya a ekal a Isirael, kiirasi ŋakiro kaŋ, kiirasi ŋakiro kaŋ iyes ŋulu abu ayoŋ ekedar ameun anapaki a ŋina ikidounere, iyes ŋulu abu ayoŋ okodak tari eriŋa iya nakookyes atatoto kus.

Isa. 46:4

Arubakini ayoŋ arae Ekapolon kus tari anapaki a ŋina imojoŋiata iyes, tari apaki ŋina ekwaŋuniata ŋitim anakyes kus akadaki ayoŋ iyes. Abu ayoŋ okosub iyes, ido akadaki ayoŋ iyes, akadaki ayoŋ iyes ka akalakuni.

Isa. 49:1

Iyes ŋituŋa ŋulu iboiyete anakwapin a ŋuna idunyito anam, kiirasi ŋakiro kaŋ, iyes ŋituŋa ŋulu iboiyete anakwapin a ŋuna alwanak, topupokisi! Abu Ekapolon okonyarau ayoŋ eriŋa ayoŋ nyeuruuna, apaki ŋina ariŋaakar ayoŋ ayai nakook a toto kaŋ, abu iŋes okolimok ayoŋ ekiro.

Isa. 51:1

Iyes ŋulu iwarito akiyookino, topupokinae ayoŋ, iyes ŋulu iwarito Ekapolon, topupokinae ayoŋ. Totamutu ataaba ŋina ikityakunere iyes; totamutu neni ibesere ŋamoru neni ikibetunere iyes.

Isa. 51:4

Okoe ŋituŋa kaŋ topupokisi ŋakiro kaŋ, okoe ŋituŋa a akwap kaŋ, kiirasi ŋakiro kaŋ; alosi ayoŋ akitatam iyes ŋikisila, eruwor akitub kaŋ ŋakiro anakiyookino ŋina eyauni akica nakwapin.

Isa. 51:7

Topupokisi ŋakiro kaŋ iyes ŋulu eyenete ŋuna ka akiyookino, iyes ŋituŋa ŋulu iwuakinito akitatam kaŋ lotai kus nyikuryaketa aŋuna ŋituŋa a ŋulu ikiyanyete iyes, nyikikadak iyes apaki ŋina ikiyanyata ikes iyes,

Isa. 55:3

Topupokisi, ido ipotu neni kaŋ; kiirasi ŋakiro kaŋ ikotere iyarete. Ewuakini ayoŋ acamunet kaŋ ka iyes ŋina a ŋikaru ka ŋikaru, acamunet ŋina ikicamunor ayoŋ ka iyes, amina ŋina nyiryaŋiryaŋa ŋina abu ayoŋ eik Daudi.

Mat. 20:16

Kirikak Yesu erwor ebala, “Ŋituŋa ŋulu esidyok, eruworosi ŋulu eŋarenok ka ŋulu eŋarenok, eruworosi ŋulu esidyok.”

Ŋirom. 1:6

Iyes daŋ ŋulu iyakasi Roma, iraakasi ŋipei ka ŋulu anyara Akuj aruwor ŋulu a Yesu Kristo.

Ŋirom. 8:28

Ikiyeni iwon atemar aloboro a daadaŋ, itiyae Akuj ŋuna ajokak kaapei ka ŋulu eminasi iŋes, ikes ŋulu adau iŋes anyarare akitiya ŋuna ecamit iŋes.

1 Ŋikor. 1:24

Nai neni a ŋulu adau Akuj anyarare, kerae Ŋiyudayan kori Ŋigirik, erae Kristo apedor ka aosou ŋina ka Akuj.

Ŋikis. 32:39

Toyenutu tokona atemar ayoŋ arae Akuj, emam Akuj ace mati ayoŋ, aari ayoŋ ka eteyari, awani ayoŋ ka etaŋaleuni, emam ituŋanan elakuni ituŋanan anapedor kaŋ,

1 Pet. 2:9

Nai irae iyes ebuku ŋoloseuna, ŋisacaradotin ŋulurwosi, ŋituŋa ŋulu etyakaritae neni ka Akuj, ŋituŋa keŋ ka alope. Ikiseu iŋes iyes akisera ŋiticisyo ŋulu apolok nooi, ŋulu a ŋolo ikinyarau iyes anakiryonut tooma nakica keŋ, ŋina ka aumokin.

Akis. 1:11

Tolimu ebe, “Kigir ibore ŋini iŋolikini iyoŋ daadaŋ lokitaabo, ido kiyakiya natukon ŋunakanikaarei ŋuna a Ŋikristo alo Epeso, Simirina, Perigamo, Tyatira, Sardis, Piladelipia ka Laodikeya.”

Akis. 1:8

Ebala Ekapolon Akuj ŋina etiron, ŋina erae ka ŋina arae ka ŋina ebuni, “Arae ayoŋ Alpa ka Omega” (iŋes atemar Akisyakinet ka Asalunet).

Akis. 17:14

Itijiyete ikes Imesek, nai ilouni ikes Imesek kaapei ka ŋulu enyaritae, ŋulu eseunitae ka ŋikewuapak ŋulu erubakinito enupito iŋes, anerae erae iŋes Ekapolon a ŋikapolok ka Erwosit a ŋirwosi.”

Akis. 2:8

“Kigir neni ke emalaika a ŋolo ka atukot a Ŋikristo alo Simirina atemar: “Erae ŋakiro nu ŋuna eponito aneni a ŋolo erae ŋolo Eŋarenon ka ŋolo Esidyon, ŋolo abu totwan ka toyaru nabo.

Akis. 22:13

Arae ayoŋ Alpa ka Omega, ŋolo Eŋarenon ka ŋolo Esidyon--Akisyakinet ka Asalunet.”