Isa. 47:9 - Ebaibul

⁹ Itiyakin ŋakiro ŋun ŋaarei neni kon alotooma apaki ŋina nyiyeni iyoŋ ka alotooma akoloŋit apei bon. Icakari iyoŋ ŋidwe kon ka iruwor apuserut, epote ŋun neni kon ka itiyakin jik, epote ŋun neni kon tari kiyakatar iyoŋ ŋikekukujak ŋulu alalak ka ŋimurok ŋulu ka apedor a ŋina apolon ŋulu enyaraununeete ŋimuno.

Isa. 47:9 Iomraidhean Croise

Ŋikiru. 73:19

Emunyaryo ikes atipei, emunyaryo ikes toŋopiyasi jik.

Isa. 13:16

Enyilinyilaaryo ŋidwe kec ŋulu enakete iteete ikes, eŋataryo ŋiboro anakais kec ka ereikinio ŋaberu kec akiryamakin ka ŋikilyok ŋulu nyerae ŋulu kec.

Isa. 21:9

Kiŋolik, eki apotu, apotu ŋikametok ŋagaari ŋuna iritae a ŋaŋolei, ŋikametok ŋaŋolei erukito a ŋiareerei!” Etemari nabo ekeyokon ŋol ebe, “Enyasun, enyasun Babilon. Eperete alokwap ebwaŋabwaŋaara ŋitorubei daadaŋ a ŋakujo a ŋuna sek elipete ikes.”

Isa. 47:11

Nai ebuni neni kon aronis ŋina nyipedori iyoŋ amuroiyor; epote ŋican neni kon ŋulu nyipedori iyoŋ akilokonyiyar a ibore idio ka epote ŋinyas neni kon pa iyeni iyoŋ, ŋican ŋulu nyitamakinit sek iyoŋ atemar epote neni kon.

Yer. 15:9

Eyaloloŋ aberu ŋina sek ayakar ŋidwe ŋikanikaarei ka eridak, aruwor akica daŋ aneni keŋ akiryonut, eruma iŋes ŋileec ka aruwor ajamuwara. Ainakini ayoŋ ŋimoe kus tomunyasi ŋulu eriŋa idoŋito eyarete alotuŋa kus. Ayoŋ Ekapolon erworo ŋun!”

Yer. 51:29

Emarani akwap ka iryaŋiryaŋa aŋuna a ŋakiro a ŋuna aseu Ekapolon akitiya nakwap a Babilon, akituruwor akwap a Babilon ereŋorot, neni emam ŋituŋa iboiyete alotooma keŋ.

Dan. 2:2

Aŋun, abu erwosit tolimu atemar tonyaraunae ŋikekukujak, ŋimurok ka ŋimurok ŋulu enyaraeneneete ŋimuno tolimokis iŋes ŋakiro ŋuna erujat iŋes. Ani epote ŋituŋa ŋul, apotu towua alokiŋaren erwosit.

Dan. 4:7

Apotu nai potu neni ayai ayoŋ ŋikekukujak, ŋimurok ŋulu enyaraununeete ŋimuno, Ŋibabiloniyae ka ŋimurok, ido abu ayoŋ olimok ikes ŋakiro ŋuna abu ayoŋ eruja, apotu nai ikes nyepedosi alimokin ayoŋ apolou a ŋakiro a ŋun.

Dan. 5:30

Akoloŋit ŋinapei ŋin nakwaare, aponi toarae Balisasar ŋolo arae erwosit a Ŋimedes,

Dan. 5:7

Kiworou erwosit ke etoil a ŋolo apolon irworo atemar yaunae ŋimurok ŋulu enyaraununeete ŋimuno, Ŋibabiloniyae, ŋimurok, tolimok erwosit ŋikaosok ŋulu a Babilon tema, “Ituŋanan ŋini epedori asyomun ŋakiro ŋuna igiritae ŋun, ido okolimok ayoŋ apolou kec, itanapikinio elou ŋolo kipurat areŋan ka eenikinio lodokole keŋ erikot ŋolo itiyaunitae a egolid ka ituruworyo iŋes ekapolon ŋolo a ŋiuni ŋolo ekewuapit ayoŋ anapukan kaŋ.”

Naum 3:4

Ikwapei etiyaa Ninepe esibit amalaat, aŋuna a ŋipitesyo keŋ a ŋulu etamalaaniasi ŋituŋa ka aŋuna ka akikukuja keŋ a ŋina arikokinia iŋes ŋituŋa napitoonut,

1 Ŋites. 5:3

Erae apaki ŋina etemaryata ŋituŋa ebe, “Eyai ekisil ka emam awasya,” iŋes atipei eŋesunor akinyasuno neni kec! Eŋesun iŋes lopite ŋolo eŋesunor aryebo neni ka aberu a ŋina eapi akidoun, ka emam ŋituŋa ebucarosi.

Akis. 21:8

Nai ŋikakuryanak, ŋikalukinok, ŋulu nyenupito, ŋikaarak, ŋimalaanotin, ŋikekukujak, ŋulu ilipete neni a ŋakujo ka ŋikalyokonok daadaŋ imasakinio ikes nanam ŋina ka akim ka ŋina a Sulpa. Erae ŋin atwanare ŋina a ŋaarei.”

Akis. 22:15

Nai kiŋa etaun ŋolo apolon eyakaunosi ŋisiilyanotin, ŋikapilak, ŋimalaanotin, ŋikaarak, ŋulu ilipete neni a ŋakujo car ka daadaŋ ŋulu irworosi ka kitiyaete alyokonu.

Rus. 1:20

Tolimok Naomi ikes tema, “Nyikinyarata ayoŋ nabo Naomi, (A ŋaburaniyae apolou a Naomi iŋes atemar alakar ) tonyarae ayoŋ Mara, (A ŋaburaniyae apolou a Mara iŋes atemar amamu alakar.) anerae etiya Ekapolon ŋolo etiron erono nooi neni kaŋ.

Rus. 1:5

totwaka Malon ka Kilion daŋ. Kidoŋ Naomi esilikinit emam ŋisapa keŋ ŋuluarei ka ekile keŋ daŋ.