Isa. 47:8 - Ebaibul

⁸ “Aŋun tokona kiirasi ŋakiro nu, iyes ŋulu iminasi ŋakiro ŋuna ikitalakarito iyes ŋikulepek, iyes ŋulu iboiyete emam ŋace, iyes ŋulu itamete make alotai kus ebe, ‘Ayai ayoŋ ikikwaan ka Akuj, emam ice mati ayoŋ bon; nyeboikin ayoŋ esibit arae apuserut, kori nyetwakete ŋidwe kaŋ.’

Isa. 47:8 Iomraidhean Croise

Isa. 14:14

Adokari ayoŋ kidiama ŋidouwon, ikikwaanikin ayoŋ ka Akuj ŋina eyai kidiama nooi.’

Isa. 32:11

Iyes ŋaberu ŋuna iboiyete emam ŋace, tomarana, tomarana, iyes ŋaberu ŋuna idelasi tolacas, toruwor ŋuna ilerete, tonapa ŋiguniyae anacirin kus.

Isa. 32:9

Iyes ŋaberu ŋuna iboiyete emam ŋican, tonyoutu, kiirasi ŋakiro kaŋ; iyes ŋidwe ŋulupesur ŋulu idelasi, kiirasi ŋakiro ŋuna erworo ayoŋ.

Isa. 45:18

Ŋuna alimu Ekapolon ŋolo asubuni kidiama, (Iŋes Akuj) ŋolo ayeuni ka etiyauni akwap, (iŋes esyakini akwap, pa asubuni iŋes akwap erae ŋina a egurigur, abu iŋes toyeu akwap ikotere iboiyoto ŋituŋa alotooma keŋ.) Alimu Ekapolon atemar ayoŋ Ekapolon, emam ekapolon ece eyai.

Isa. 45:5

Arae ayoŋ Ekapolon, emam ece mati ayoŋ bon; ayoŋ bon arae Akuj emam akuj ace, akainakini ayoŋ iyoŋ ŋiboro ŋulu ke ejie tari pa kikiyeni iyoŋ ayoŋ,

Isa. 45:6

ikotere eyenunete ŋituŋa ŋinapei alo Kide tari To atemar emam akuj ace mati ayoŋ bon; arae ayoŋ Ekapolon, emam ece mati ayoŋ bon.

Isa. 47:10

Ibu iyoŋ kitusubun anaronis kon ŋina iboi emam awasya; ibu iyoŋ tema, ‘Mam ituŋanan ekete ayoŋ.’ Apotu aosou kon ka apiiryanut kon ikitooliyosi iyoŋ, ido ibu iyoŋ totamak alotau kon ebe, ‘Ayai ayoŋ ikikwaan ka Akuj, emam ice ituŋanan ekete ayoŋ mati ayoŋ bon.’

Yer. 49:31

“Tonyoutu, toloto kitijikis ŋituŋa a akwap a ŋina iboi emam ŋace, akwap ŋina emam ŋimoe imanito. Akwap ŋina emam ŋipukei, kori ŋasuwa ŋuna egolere ŋipukei a etaun, akwap ŋina iboi bon.

Yer. 50:11

“Okoe ŋikaŋatarak ŋiboro a ŋituŋa kaŋ, tari kilakara iyes, tari kilelyanete iyes, tari kitopolooro iyes, tari kicurosi iyes ikwa ŋatak alonya, tari kicelasi isibito ŋaŋolei,

Yer. 51:53

Tari kedokasi ŋituŋa a Babilon neni aoyan, tari keduko ikes ŋaduketa ŋunajiet neni eyakasi ikes alokidiama, eyakuuni ayoŋ ŋikenyasak ŋulu epote amunaar iŋes.

Esek. 16:49

Asecit anakaato kon Sodoma iŋes na, abu iŋes ka ŋirerya keŋ kiturokinos, todakakiata nooi ka kiboiyoto anakinapakina, nai pa apotu ikes kiŋarakis ŋikulyak ka ŋulu ayakatar akiitanit.

Esek. 28:2

“Lokoku a ituŋanan, tolimok erwosit a Tiro atemar, alimu Ekapolon Akuj ŋakiro nu, ‘Anakituro ŋina eyai lotau kon,’ ibala iyoŋ ebe, ‘Arae ayoŋ akuj; eboi ayoŋ alokicoloŋ ikwapei iboiyoto ŋakujo, ayai ayoŋ kidiŋ jik ŋanamyo.’ Nai irae iyoŋ ibore ŋini etwani, meere iyoŋ akuj, tari daŋ kisikwaanit iyoŋ ŋatameta kon ka ŋuna ka akuj.

Esek. 30:9

“Akoloŋit ŋin, elosete aneni kaŋ ŋikiyakia edokito ŋameeli, kitukuryana ŋituŋa a Kuc ŋulu atenito akinup ŋakiro. Emini ekabule neni kec akoloŋit ŋina isicanere Ijipit, ebunit kire jik akoloŋit ŋin.

Dan. 11:36

“Itiyae nai erwosit ŋolo alo Kuju ŋuna italakarito iŋes. Itopoloor iŋes bon kitusubun epol akilo ŋakujo daadaŋ ka irwori iŋes ŋakiro ŋuna aronok itoroniyarit Akuj a ŋakujo. Itiyae iŋes ŋakiro daadaŋ ejok akitodol apaki ŋina ebunio anyunyura ŋina ka Akuj neni keŋ, anerae ŋuna emaikina kitiyae, itiyakin.

Dan. 4:22

Okoe erwosit, iyoŋ ekitoe ŋol! Ipoloor iyoŋ ka igogoŋior, eyatakin apolou kon adol kidiama ka abu apukan kon kiryam akwap daadaŋ.

Dan. 4:27

Aŋun, okoe erwosit, kiwuap ŋuna akalimok ayoŋ iyoŋ; toŋer ŋasecisya kon, kitiya ŋuna iyookino ka toŋer aronis kon, kitiya irimaana aneni a ŋulu iteryamunitae ŋican. Ani kitiya iyoŋ ŋun, acepaki irubakini iyoŋ itiyae ŋinibore ejok.

Dan. 4:30

abu erwosit tema, “Meere mono etaun a Babilon ŋoloti apolon lo a? Etaun ŋolo adau ayoŋ adukokin erae neni iboiyo erwosit, ŋolo adau ayoŋ adukokin a apedor kaŋ aŋuna ka akitoodiunia apolou kaŋ ŋina ailiilon a?”

Dan. 4:4

“Eboi ayoŋ emam ŋace alore kaŋ ka aryamunit ibore daadaŋ alokai kaŋ a ŋina ka apukan.

Dan. 5:23

idau iyoŋ akitopoloor bon anaŋerit Ekapolon ŋolo eyai nakuj. Adaun ayaun ŋiboro ŋulu ka Akai keŋ neni kon, ido isitiyata iyoŋ ka ŋikapolok kon, ŋaberu kon ka ŋaberu kon ŋuna nyiisitae ŋiboro ŋul amasya epiini. Ipur iyoŋ ŋakujo ŋuna itiyaunitae a egolid, a esilipa, a eburonis, a ŋasuwa ka a akitoe ta a amoru, ŋakujo ŋuna nyiteete kori nyepupete, kori nyeyenete ŋakiro; nai nyitopolooro iyoŋ Akuj ŋina ikiinit iyoŋ ekieŋanu, Akuj ŋina ikidarit iyoŋ aloticisyo kon a daadaŋ.

Dan. 5:30

Akoloŋit ŋinapei ŋin nakwaare, aponi toarae Balisasar ŋolo arae erwosit a Ŋimedes,

Naum 1:10

Iyes ŋikamerak, ikicunyaryo iyes lopite ŋolo icunyarere ŋikukwa ŋulu eenikina, kori ŋinya ŋulu aonok.

Naum 3:4

Ikwapei etiyaa Ninepe esibit amalaat, aŋuna a ŋipitesyo keŋ a ŋulu etamalaaniasi ŋituŋa ka aŋuna ka akikukuja keŋ a ŋina arikokinia iŋes ŋituŋa napitoonut,

Abak. 1:7

Ekerito ŋituŋa a ŋakwapin a ŋunace ikes nooi, iturosi ikes nooi, ido etamete atemar ŋuna daadaŋ itiyaete ikes erae ŋuna iyookino ka ecamakinitae.

Sepan. 2:15

Arae sek Ninepe etaun ŋolo alakara ŋituŋa keŋ kiboiyete pa ekuryaka, ebasi make, ‘Iwon bon ikidedeŋ, mam ice?’ Kiŋolikisi tokona epite ŋolo aruworor iŋes ereŋorot, neni eperete ŋityaŋ ŋulu ka ariet! Eumokini ituŋanan daadaŋ ŋini itori nen iŋolikini Ninepe ikoni nen, ido kimuŋumuŋak akou.”

2 Ŋites. 2:4

Itepegi iŋes ibore daadaŋ ŋini enyaritae akuj kori ibore daadaŋ ŋini isitiyaete ŋituŋa akitopoloonorya ŋakujo ka itopoloori iŋes bon akilo ŋakujo daadaŋ. Iboikin tari Kai ka Akuj, ido kitusubun bon Akuj.

Ŋikat. 18:27

Kedaut ŋituŋa a ekabila a Dan akiya ŋiboro ŋulu kitiyauni Mika ka akiya esacaradoti keŋ, apotu todolo Lais, neni a ŋituŋa a ŋulu eliliŋak, a ŋulu amam ituŋanan imanatar. Toara ŋituŋa a Dan ŋituŋa ŋul a ekileŋ kicunyakis etaun kec.

Ŋikat. 18:7

Toloto nai ŋikarebok ŋulukan ŋul, todolo Lais, kiŋolikis ikes ŋituŋa ŋulu eboiyete a nen iboiyete emam ŋace, lopite ŋolo eboiyoto Ŋisidoniani. Arae ikes ŋituŋa ŋulu eboiyete emam ecelet ka emam ŋini imanatar, ayakatar ikes ibore daadaŋ ŋina eitanito ikes anakwap ka ayakatar abaru. Nabo daŋ, alwaka ŋituŋa a Lais aneni a Ŋisidoniani ka amam ŋakiro amorete ikes ka ŋituŋa ŋuluce.