Isa. 47:6 - Ebaibul

⁶ Abu ayoŋ oŋoik ŋituŋa kaŋ, abu ayoŋ etiya neni kec esibit nyerae ikes ŋituŋa kaŋ; abu ayoŋ oinak ikes napedor kon, ido ibu iyoŋ nyitoodik ikes akisyon; ibu iyoŋ totiŋ erono nooi tari ŋulu amojoŋito.

Isa. 47:6 Iomraidhean Croise

2 Sam. 24:14

Toboŋok Daudi Gad tema, “Akaryebete ayoŋ ŋakiro nu nooi, emyekisi Ekapolon ikisican iwon, anerae epol nooi akisyon keŋ; nai nyeruwor ŋituŋa ikisicanete iwon.”

2 Ŋakiro a ŋirwa 10:11

Abu papa kaŋ ikiinak iyes egogos ŋolo apotyon, nai eturuwori ayoŋ egogos ŋol ŋolo apotyon nooi akilo neni sek. Abu papa kaŋ ikida iyes a akulit, nai akadai ayoŋ iyes a adaset.’ ”

2 Ŋakiro a ŋirwa 28:9

Nai ayai Samaria ekadwaran ŋolo ke Ekapolon ŋolo anyaritae Oded. Abu iŋes toloma kiŋa etaun akisiryam ŋasigarya ŋuna aboŋunete alojie. Tema neni kec, “Aŋuna aŋoikinitor Ekapolon ŋolo erae Akuj atapapaa kus ŋituŋa a Yudaya, abu itojalak iyes ŋituŋa a Yudaya, nai iara iyes ikes nooi ka anyunyura, ido eira Akuj ŋakiro ŋun.

2 Ŋakiro a ŋirwa 36:17

Aŋun, abu Akuj tocamak erwosit a Babilon ebuni akirem ikes. Abu toar ŋisorok kec anakibois kec a ŋina asegan, abu nyisyon esorokit, kori asorokit, ekasikout, kori akimat, kori ituŋanan idio daadaŋ ŋini apalag. Abu Akuj kipotok ŋituŋa ŋul daadaŋ neni a Nebukadinesar toar.

2 Ŋakiro a ŋirwa 36:20

Toriko Nebukadinesar Babilon ŋituŋa daadaŋ ŋulu keponi nyeari, ido apotu ŋul toruwor ŋiketiyak keŋ ka ŋulu a ŋidwe keŋ a ŋulusapa akitodol ŋina esyakinere apukan ŋina a Perisia.

Esir 5:12

Nai aŋuna aponiata atapapaa kosi kitoŋoeta Akuj ŋina anakuj, abu iŋes inak ikes napedor a erwosit Nebukadinesar a ŋolo a Babilon, a ŋolo arae Ekalideait, ŋolo abu kinyas Akai na, ido toriko ŋituŋa Babilon.

Ŋikiru. 69:26

anerae isicanete ŋituŋa ŋul ŋituŋa ŋulu idau iyoŋ akisican; irworotor ikes ŋican a ŋituŋa a ŋulu idau iyoŋ akiwan.

Isa. 10:6

Eyakiyari ayoŋ ŋituŋa ka Asiriya akirem ŋituŋa ŋulu nyiwuapito ŋakiro ŋuna ka Akuj. Alimokini ayoŋ ikes toremo ŋituŋa ŋulu anyunyurikina ayoŋ, kiwoko ŋiboro kec ka toŋatasi ŋiboro kec ka kipudata ikes lopite ŋolo ipudaere aoret alorotin a etaun.

Isa. 13:16

Enyilinyilaaryo ŋidwe kec ŋulu enakete iteete ikes, eŋataryo ŋiboro anakais kec ka ereikinio ŋaberu kec akiryamakin ka ŋikilyok ŋulu nyerae ŋulu kec.

Isa. 14:17

Erae mono lo ekile ŋolo abu kisikwaanik akwap ka aloŋisat ka kikama ŋitaunio a akwap? erae mono ekile ŋolo pa emyekini ŋimabus keŋ toboŋosi lorerya kec a?’

Isa. 14:6

a ŋulu kepotu kisicana ŋituŋa anaryenyeo a ŋina pa eeŋanaryo, a ŋina epukatotor ikes ŋituŋa anaŋoit.

Isa. 43:28

Aŋun, abu ayoŋ ojamuwa ŋikapolok anakibois kaŋ a ŋina asegan ka abu epotok ŋiletok a Yakob namunyaro ka emyek ŋiletok a Isirael erae ŋulu ejamuwaritae.”

Yer. 50:42

Etiŋito ikes ŋakawo a ŋikaleŋeleŋe ka ŋakwaaras, ededeŋ ŋituŋa ŋul ka nyisyonioko. Epol eruye ŋolo ebunit aneni kec ikwaan ka eruye ka anam, emeto ikes ŋaŋolei, ŋaŋolei ŋuna icodorito esibit ŋikajiok eya lojie, eponito ikes akitijiore iyes ŋituŋa a Babilon.

Aum. 1:14

“Abu Ekapolon kiŋolik ŋasecisya kosi daadaŋ, tocunak ŋasecisya ŋun daadaŋ iwapei, kituruwo egogos aneni kosi, apotu ŋasecisya ŋun ikinuwasi isua. Abu Ekapolon ikipotok isua napedor a ŋimoe kosi a ŋulu pa ikipedorit awoikin.”

Aum. 1:21

“Adaut ŋituŋa akiirar aumen kosi, nai mam ŋini ebuni akisirworiun isua. Adaut ŋimoe kosi daadaŋ akiirar ŋican kosi; elelyanete ikes aŋuna idau iyoŋ akitiya. Kitodolu kareca akoloŋit ŋina sek ilimunit iyoŋ, ikotere ŋimoe kosi ekwaanikinos ka isua.

Aum. 2:2

Amunya Ekapolon emam akisyon ŋirerya daadaŋ ŋulu a ŋituŋa a Yakob; amunyumunyaki kwap ŋaduketa ŋunajiet ŋuna agogoŋok ŋuna a ŋituŋa a Yudaya. Eturuwo apukan a Yudaya akoŋinait ka eturuwo ŋikepukak a Yudaya ŋikoŋinae.

Aum. 4:16

Abu Ekapolon kiela ikes, nyemitak ikes nabo jik. Abu Ekapolon nyitopoloo ŋisacaradotin ka nyeminak ŋikasikou kec.

Aum. 5:12

Arikonor ŋikarikok kosi, enenonokin lopirin; mam ituŋanan itopoloorit ŋikasikou kosi.

Esek. 24:21

“Tolimok Ŋisirael atemar ebala Ekapolon Akuj ebe, ‘Eapi ayoŋ amunaar akibois kaŋ ŋina asegan, ŋina erae iŋes iryamunitotor iyes agogoŋu ŋina iturotor, akibois ŋina ikibobokinit iyes akitere ka ŋina iburit ŋitai kus. Earyo a ekileŋ ŋidwe kus ŋulusapa ka ŋulupesur ŋulu ipotu iyes kimyekis alo Yerusalem.

Esek. 28:16

Anakicuruta kon a ŋina alalan nooi, abu aryenyeo kilelebun neni kon, ido ibu iyoŋ tosec; aŋun, abu ayoŋ okojal iyoŋ ikwa ibore ŋini eturuwor ikoŋinait alomukura a ŋolo ka Akuj, abu nai emalaika ŋolo ikiyoki iyoŋ a nen ikirita iyoŋ alokidiŋ ŋamoru ŋuna anepete.

Obad. 1:10

“Aŋuna ibunio iyoŋ toarya iryanyana ŋiletok a Yakob, ikirumete iyoŋ ŋileec ka ikitoŋopiyaryo iyoŋ jik.

Obad. 1:16

Ikwapei iponiata iyes ŋituŋa kaŋ toryamut ŋican, alomukura kaŋ a ŋolo asegan, erubakinete ŋakwapin daadaŋ eryamununeete ŋican; kire jik, eryamunete ikes ŋican ŋulu apolok nooi, ido etakanuni esibit pa keyakasi sek ikes nen.”

Sakar 1:12

Kiŋit nai emalaika Ekapolon tema, “Ekapolon ŋolo Etiron, tari ori iwounit iyoŋ ainakin akisyon neni a Yerusalem ka lotaunio ŋulu a Yudaya, ŋulu irubak iyoŋ iŋoikinit tari tokona ŋikaru ŋatomonikanikaarei?”

Sakar 1:15

nai aŋoikinit ayoŋ ŋakwapin ŋuna ebasi kori mam ikes ŋace. Pa sek aŋoikinit ayoŋ ikes nooi, nai eyatakis ikes akitiya aronis.’

Mat. 7:2

anerae ikitubonokinio iyes ikwaŋinapei itubonokiniata iyes ŋuluce ka etyae ŋolo iinakinete iyes, iŋes ikiinakinio iyes.

Ŋikis. 28:50

Epote ŋituŋa ŋul erae ŋulu aryenyaanak, ŋulu nyitopoloorito ŋikasikou, kori nyerimaaka aneni a ŋidwe.

Yak. 2:13

Anerae emam akisyon anatubokino a ŋina a ituŋanan a ŋini nyisyoniyenene ŋituŋa ŋuluce, nai ŋulu isyoniyete ŋuluce, nyikerito ikes atubokino.