Isa. 47:2 - Ebaibul

² Tolemutu ŋamoru ŋunakiryeet, kiryeut akimuj, tolemasi ŋakitambarae anakyes kus, tolacasi ŋikaasoi kus, tolacasi ŋamuk anakejen kus, todoka ŋaŋololin.

Isa. 47:2 Iomraidhean Croise

Akisy. 24:65

Kiŋit Rebeka eketiyan tema, “Ŋae ekile ŋolo ebunit anariet akisiryam iwon ye?” Toboŋok eketiyan tema, “Erae ekapolon kaŋ,” Tolemu Rebeka anaŋga keŋ ŋina ka akou kimukokin.

1 Ŋakiro a ŋirwa 19:4

Aŋun, abu Anun kikama ŋituŋa ŋulu eyakit Daudi, tobanya ŋipeneka kec, totub ŋilowi kec alokidiŋ anacirin, ido kirita ikes toloto nariet;

Yob 31:10

emaikina aberu kaŋ toruwor akeryen a ituŋanan a ice ka emaikina ŋikilyok ŋice toloma iŋes.

Awos. 11:5

Aari ayoŋ ŋikiyae ŋulusapa daadaŋ anakwap a Ijipit, akisyakin anikiyae a Parao a ŋinisapat a ŋini emaikina kisiboikinoe lokicoloŋ akipuka, tari nikiyae ŋinisapat ŋini a apito a ŋina eyai diyete amoru ŋinakiryeet. Aari ayoŋ tari ŋikiyae daadaŋ ŋulu a ŋibaren.

Ekal. 12:4

Nyipedorete iyes akiirar ecelet ejok alorotin a ŋulu ke etaun. Nyepataniar iyes akiirar akiryeet erwo, kori ŋiboro ŋulu eore eramyo eosi ŋituŋa. nai epedori tari eruye a ikenyit akitekyenyun iyes.

Isa. 20:4

ebuni erwosit ka Asiriya arikor Ŋijipitian erae ŋienan ka ŋituŋa ka Esiopia erae ŋirikon, erikoryo ŋituŋa ŋul ŋisorok kaapei ka ŋikasikou, erikoryo ikes daadaŋ elerete ka emam ŋamuk enapito, totakanete ŋikaosios, itoodiunito ŋileec aŋuna a ŋituŋa a Ijipit.

Isa. 3:17

“Aŋun, itolomuni Ekapolon ŋajemei anakyes ikec, itorotokini ikes emam ŋilowi enapito anacirin.”

Isa. 3:23

ŋilowi kec ŋulu ecayete, ŋilowi ŋulu amilimilak, ŋakitambarae ŋuna enapitae alodokolei ka ŋakitambarae ŋuna itukitukitae nakyes.

Isa. 32:11

Iyes ŋaberu ŋuna iboiyete emam ŋace, tomarana, tomarana, iyes ŋaberu ŋuna idelasi tolacas, toruwor ŋuna ilerete, tonapa ŋiguniyae anacirin kus.

Yer. 13:22

Tosodi ani kitama iyes alotai kus ebe, “Kaanukiro etiyakinotor ŋakiro nu neni kosi?” Etiyakin ŋun neni kus anerae alalaketa ŋiticisyo kus ŋulu aronok, ŋakiro ŋun iŋes ikirasere iyes.

Yer. 13:26

Ayoŋ elope alacari ŋilowi kus ekemyek iyes ilerete kiŋolikis ŋituŋa ŋileec kus.

Yer. 25:10

Alemari ayoŋ aneni kec ecelet ŋolo ka alelyanu ka ecelet ŋolo ka alakara, alemari ayoŋ ecelet ŋolo a eteran ka ŋolo a ateran, ecelet ŋolo ka amoru a ŋinakiryeet ka akica ŋina a etaa.

Yer. 27:7

Itiyanakinete iŋes ka lokoku keŋ ta lopapait keŋ ŋituŋa a ŋakwapin a daadaŋ akitodol apaki ŋina ilounere akwap keŋ, ido nai kituruwosi iŋes ŋakwapin ŋuna alalak ka ŋirwosi ŋulu apolok epito kec.’

Aum. 5:13

Ereikinitae ŋisorok kosi akiryere ikwa ŋipi; iryaŋanarosi ŋidyain edakito ŋakito ŋuna apotyok.

Osea 2:3

Ani pa kitiya iŋes ŋun, alacari ayoŋ ŋilowi aneni keŋ, emyek iŋes eleri lopite ŋolo aleryo akoloŋit ŋina edounere iŋes, emyekini ayoŋ iŋes toler, kikwaanikin ka aloŋisat ŋina emam ŋikito, esikwaanikini ayoŋ iŋes ka akwap ŋina eonit, ido emyek akure toar iŋes.

Mika 1:11

Toema nakwapin ŋace, iyes ŋituŋa a Sapir toema ilerete ka ikirumito ŋileec. Emaikina ŋulu iboiyete alo Saanan, nyikatakis alomun alotaun kec. Ani iirarete iyes ŋituŋa a Bes-Esel igworosi, iyenunete iyes atemar mam epite ŋolo eemere akiŋop nen.

Mat. 24:41

Eryamunio ŋaberu ŋaarei iryeete, eayo apei kimyekinae ŋinace.

Luk. 17:35

Eryamunio ŋaberu ŋaarei iryeete; elemaryo apei, toesikinae ŋinace. [

1 Ŋikor. 11:5

Nai aberu daadaŋ ŋina ilipi kori edwari nyimukit akou keŋ nyitopoloorit ekile keŋ--ikwaan ka abanyit akou keŋ.

Ŋikat. 16:21

Aŋun, kikamut Ŋipilistin Samuson, togoronosi ŋakonyen keŋ. Yaasi iŋes Gasa, toena iŋes a ŋiriko a ŋulu etiyaunitae a eburonis, inakinae akiryerea amoru a ŋinakiryeet alojera.