Isa. 47:14 - Ebaibul

¹⁴ “Topupokisi, ikwaan ikes ka ŋanya ŋuna eokito, enomiyari akim ikes; nyepedorete ikes alakun make anagogoŋu a ŋina ka arira. Meere ŋatotol a akim a ŋin ŋuna iwuaŋaror ituŋanan idio, meere akim ŋin ŋina epedori ituŋanan akiboikin diyete.”

Isa. 47:14 Iomraidhean Croise

Awos. 5:12

Aŋun, apotu ŋituŋa kielakin Ijipit daadaŋ aŋerun ŋanya.

Isa. 10:17

Eruwor Akuj ŋina erae akica a Isirael akim, eruwor Akuj ŋina asegan ŋina a Ŋisirael arira a akim ka enomiyari ŋikukwa keŋ alotooma akoloŋit apei.

Isa. 30:14

Ikwaanikin abwaŋabwaŋar a arwatata a ŋin ka neni ebwaŋar amot ŋina ebwaŋio ka anyunyura, ŋina nyepedoryo aryamun tari itabok ŋini ekurorere akim, kori aokunio ŋakipi alokare.”

Isa. 33:14

Ebulit ŋikasecak alo Sion; ekamu amaran ŋulu nyenupito Akuj, ebasi ikes; “Ŋae alokidiŋ yok epedori akidaŋidaŋ akim ŋina amunyaran? Ŋae alokidiŋ yok epedori akidaŋidaŋ arira ŋina a ŋikaru ka ŋikaru?”

Isa. 40:24

Ikwaan ŋikepukak ŋul ka ŋikito ŋulu ariŋa edupakinio ikwaan ikes ka ŋikinyom ŋulu ariŋa eekinio tolomut, ani apaki ŋinapei eremoryata ikes ŋataagor kwap, eyauni Ekapolon ekuwuam neni kec, ido kitiiniya, tosodi ani ekutuni ekuwuam ŋolo ipiripiri, kiwok ikes ikwa ŋamilo.

Isa. 41:2

“Ŋae etonyou ekelounan ŋolo alo Kide, ŋae anyarau iŋes akitiya etic keŋ? Ŋae ainakini iŋes akiloun ŋirwosi ka ŋapukasinei? Aridaa iŋes ŋirwosi a ekileŋ keŋ lopite ŋolo etwaarere apuwa, eela iŋes a ŋikaleŋeleŋe keŋ ŋirwosi lopite ŋolo ielarya ekuwuam ŋanya kiwok.

Isa. 44:16

Inoki iŋes apei tutubet a akitoe a ŋin, nakitoe ŋin idokokini iŋes akiriŋ tope, tonyam kimwono. Iwuaŋar daŋ iŋes anakim a ŋin, ido tema, “Okoe amwanu akuwan, kitojok akim na!”

Isa. 5:24

Aŋun, lopite ŋolo imyelarya arira eoot, lopite ŋolo iyuuwarya akim ŋinya tonomiya, ido tookiyosi ŋataagor kec ka tokuta ekuwuam ŋatur kec ikwa apuwa, anerae aŋero ikes ŋakiro a Ekapolon a ŋolo a ŋajoresyo ka ajamuwasi ŋakiro ŋuna ka Akuj a ŋina Asegan a ŋina a Isirael.

Yer. 51:30

Emyekis ŋikajiok a Babilon ajiore arubakis iboiyete anaduketa a ŋunajiet adaun agogoŋu kec ekwaanikin ikes ka ŋaberu, ecunyakin ŋakais a Babilon, abilibilaar ŋakito ŋuna egolitere ŋipukei keŋ.

Yer. 51:32

Ekamar ŋidoketa a ŋaŋololin ka ecunyakin ŋaduketa ŋunajiet. ka abul ŋasigarya.

Yer. 51:58

“Alimu Ekapolon ŋolo a ŋajoresyo ebe, ‘Eritakinio kwap arwatata a Babilon ŋina aburon kiriyanikin neni daadaŋ ka akwap neni ce, ido icunyaryo ŋipukei keŋ ŋulu aoyak. Ituupasi ŋituŋa koŋin ka iteŋedara ŋituŋa a ŋakwapin ŋiticisyo ŋulu icunyaryo.’ ”

Esek. 15:7

Etekini ayoŋ ikes etoroniyarit. Tari daŋ keiuna ikes alomoe a ŋulu ke ekiŋaren, emunyarete ŋimoe ikes, ido iyenunete iyes atemar arae ayoŋ Ekapolon apaki ŋina etekinio ayoŋ ikes etoroniyarit.

Yoel 2:5

Ecela iŋes ikwa ŋagaari ŋuna iritae a ŋaŋolei eporete alokidiama ŋimukura, ireta iŋes ikwa arira enomi ŋinya ŋulu aonok ibaki iŋes elal nooi ikwa ajore ŋina etenit aŋuna ke ejie.

Obad. 1:18

Ededeŋiar ekal a Yakob ikwa akim, ededeŋiar ekal a Yosepu ikwa arira, ido eruwor ekal ke Esau ŋolo icunyo; icunyarete ikes ekal ke Esau kitoŋopiyasi, mam ituŋanan idoŋi eyari alokal ke Esau, anerae adau Ekapolon alimun ŋun.

Naum 1:10

Iyes ŋikamerak, ikicunyaryo iyes lopite ŋolo icunyarere ŋikukwa ŋulu eenikina, kori ŋinya ŋulu aonok.

Mal. 4:1

Ebala Ekapolon ŋolo Etiron ebe, “Kiirasi ebunit akoloŋit ŋina eriraa akim ikoni ŋina ke ekitet, akoloŋit ŋin icunyaryo daadaŋ ŋulu eturok ka ŋulu itiyaete aronis, mam ikes ipei daŋ ŋini idoŋi.

Mat. 10:28

Nyikera ŋulu earete akuwan, nai nyepedorito akiar etau; nai tokera ŋolo epedori akiar akuwan ka etau, tocakak tooma nakim ŋina nyeduŋe.

Mat. 16:26

Alipoida eryamuni ituŋanan erae keŋata iŋes akwap daadaŋ, nai totwania akiyar keŋ? Mam jik! Kori nyo epedorya ituŋanan akisyecia akiyar keŋ?

Akis. 18:21

Abu emalaika tolemu amoru ŋina atya ŋinakiryeet, kimasa nanam ebala, “Ikokinio inyasunio Babilon etaun ŋolo apolon nooi nege, nyeanyuwar nabo.