Isa. 47:10 - Ebaibul

¹⁰ Ibu iyoŋ kitusubun anaronis kon ŋina iboi emam awasya; ibu iyoŋ tema, ‘Mam ituŋanan ekete ayoŋ.’ Apotu aosou kon ka apiiryanut kon ikitooliyosi iyoŋ, ido ibu iyoŋ totamak alotau kon ebe, ‘Ayai ayoŋ ikikwaan ka Akuj, emam ice ituŋanan ekete ayoŋ mati ayoŋ bon.’

Isa. 47:10 Iomraidhean Croise

Ŋikiru. 10:11

Etamete ikes alotai kec ebe, “Nyemitakinit Akuj ŋakiro ŋun, adau akiwua ereet, nyepedori iŋes akiŋolikin ŋakiro ŋun.”

Ŋikiru. 52:7

“Kiŋolikisi ituŋanan ŋini abu nyikinyom neni ka Akuj, nai abu kikinyom ebari keŋ ŋolo alalan, ido abu iŋes tobarak nakiar ŋuluce.”

Ŋikiru. 64:5

Iricito ikes nooi alosikinet kec ŋina aronon; irworosi ikes ŋakiro ŋuna ka adapununun ŋuluce pa eyenete, iŋitasi ebe, “Ŋae mono epedori akiŋolikin iwon?

Ekal. 8:8

Mam ituŋanan epedori areun atwanare, kori akitididiyore akoloŋit ŋina etwania iŋes. Erae ŋol ejie ŋolo eyakatar ŋituŋa, ŋolo emam ŋini nyitiji, nyeiuni aronis ŋulu itiyaete aronis.

Isa. 28:15

anerae itemasi iyes, “Acamunoi isua ka atwanare, acamunoi isua ka akibois ŋina a ŋikatwak; apaki ŋina eponiata ŋican ŋulu apipilak, nyepote neni kosi; anerae ikiuna isua analyokonu ka ikiŋopit isua anakirworo alyokonu.”

Isa. 29:15

Ekaŋ iyes ŋulu iwuaito nooi aneni ke Ekapolon ŋakiro ŋuna iyeete akitiya, iyes ŋulu itiyaete ŋakiro kus anakiryonut, iyes ŋulu ibasi, “Ŋae mono ikite iwon? Ŋae mono ikiyeni iwon?”

Isa. 44:20

Emam atyeketait eyai neni a ituŋanan a ŋin ka ŋini enyami ekuron. Ebatasi ituŋanan ŋini itiyae ŋun ŋatameta keŋ ŋuna ka abaŋao, ido nyepedori aiun bon, kori nyepedori acamun atemar erae akuj ŋina eyakar iŋes akoŋinait.

Isa. 47:8

“Aŋun tokona kiirasi ŋakiro nu, iyes ŋulu iminasi ŋakiro ŋuna ikitalakarito iyes ŋikulepek, iyes ŋulu iboiyete emam ŋace, iyes ŋulu itamete make alotai kus ebe, ‘Ayai ayoŋ ikikwaan ka Akuj, emam ice mati ayoŋ bon; nyeboikin ayoŋ esibit arae apuserut, kori nyetwakete ŋidwe kaŋ.’

Isa. 5:21

Ekaŋ, iyes ŋulu itamete atemar iosok ka ŋulu itamete atemar epiiryaka ŋakonyen!

Isa. 59:4

Nyisitanakinosi ŋituŋa anakiyookino; nyetubio ŋakiro erae ŋuna a kire iwuapitae ŋikisila. Iwuapito ikes ŋipegeta koŋin, ido irworosi alyokonu, aŋun, idyasete ikes ŋican ŋulu eyaunete aronis;

Yer. 23:24

Ataŋae epedorete akiŋop anakiboisyo a ŋuna imunono ikotere nyeŋolik ayoŋ ikes? Nyayai mono ayoŋ nakuj ka nakwap a?

Yer. 9:23

“Alimu Ekapolon atemar, nyicamakis ŋikaosok iturotor aosou kec, nyicamakis ŋikagogoŋ iturotor agogoŋu kec, ka nyicamakis ŋulu ebarito iturotor abaru kec,

Esek. 8:12

Tema Akuj neni kaŋ, “Lokoku a ituŋanan, iŋolik iyoŋ ŋuna itiyaete ŋikasikou a Ŋisirael anakimunono a? Iŋolik iyoŋ ŋuna itiyae ŋinituŋanan alokai keŋ a ŋina eyakasi ŋitorubei a? Ebasi ikes ebe, ‘Mam nyikite iwon Ekapolon, nyeriŋa Ekapolon etamunit akwap yok.’ ”

Esek. 9:9

Abu Akuj okoboŋok ayoŋ tema, “Epol nooi asecit ŋina itiyato ŋituŋa a Isirael ka ŋulu a Yudaya, elal nooi akiar ŋituŋa anakwapin kec ka elal nooi akitiya ŋuna nyiyookino alo Yerusalem, anerae ebasi ikes, ‘Nyeriŋa Ekapolon emitakinit akwap yok, nyeriŋa Ekapolon ite ŋuna ikitiyae iwon.’

Dan. 4:27

Aŋun, okoe erwosit, kiwuap ŋuna akalimok ayoŋ iyoŋ; toŋer ŋasecisya kon, kitiya ŋuna iyookino ka toŋer aronis kon, kitiya irimaana aneni a ŋulu iteryamunitae ŋican. Ani kitiya iyoŋ ŋun, acepaki irubakini iyoŋ itiyae ŋinibore ejok.

Sepan. 2:15

Arae sek Ninepe etaun ŋolo alakara ŋituŋa keŋ kiboiyete pa ekuryaka, ebasi make, ‘Iwon bon ikidedeŋ, mam ice?’ Kiŋolikisi tokona epite ŋolo aruworor iŋes ereŋorot, neni eperete ŋityaŋ ŋulu ka ariet! Eumokini ituŋanan daadaŋ ŋini itori nen iŋolikini Ninepe ikoni nen, ido kimuŋumuŋak akou.”

Ŋirom. 1:22

Ebasi ikes ikiosok, nai erae ŋibaŋaanotin.

1 Ŋikor. 3:19

Anerae aosou ŋina ka akwap a na, erae abaŋao alokiŋaren Akuj. Ikwaŋina igiritere Nakigireta ebe, “Ikamununui Akuj ŋikaosok anaosou kec”