Isa. 47:1 - Ebaibul

¹ Iyes ŋituŋa a Babilon, totiyaunos anakitopolooro kus, potu kiboikinos napuwa, ŋituŋa a Babilon, kiboikinos kwap emam akitopolooro, anerae nyeriŋa nabo iyes ikinyarao ŋulu idisyak ŋulu epatana akiŋo.

Isa. 47:1 Iomraidhean Croise

Yob 2:13

Kiboiyoto ŋikonei a Yob kaapei ka Yob alokwap a nen ŋapaarasya ŋakanikaarei ka ŋakuwarisya ŋakanikaarei, mam ipei daŋ alokidiŋ kec abu tolimu adiokirot, anerae apotu kiŋolikis ŋican a Yob epolok nooi.

Yob 2:8

Abu Yob tolemu itabok tokoyo akuwan keŋ ka abu tolomak akiboi aneni amudyo ekuron.

Ŋikiru. 137:8

Okoe ŋituŋa a Babilon! Iyes ŋikenyasak! Elakar ŋituŋa ŋulu inyaŋarete ŋakiro kus ŋuna ipotu iyes kitiya neni kosi.

Ŋikiru. 18:27

Iiununi iyoŋ ŋituŋa ŋulu itiditeuna make, nai itiditeununui iyoŋ ŋulu iturosi.

Ŋikiru. 89:44

Ilema iyoŋ anakan keŋ ebela keŋ ŋolo ka apolou, ilema iyoŋ iŋes anaraakau erwosit.

Isa. 13:1

Erae nu ŋakiro ŋuna abu Akuj kisileerek Isaya lokoku ka Amos aŋuna a ŋituŋa a Babilon.

Isa. 13:13

Aŋun, etamaranikini ayoŋ kidiama ka emaranikini akwap anakisyakinet keŋ aŋuna ka anyunyura a Ekapolon a ŋolo a ŋajoresyo itiyakin ŋun akoloŋit ŋina ka aŋoit keŋ a ŋina adedeŋan.

Isa. 14:1

Nai isyoni nabo Ekapolon ŋiletok a Yakob ka eseuni nabo Ŋisirael, iwuakini ikes nabo nakwap kec, epote ŋituŋa ŋulugelae akiboi kaapei ka ŋiletok a Yakob.

Isa. 21:1

Ŋakiro ŋuna adwarit Ekapolon aŋuna ka aloŋisat a ŋina alodiyete anam. Ebuni ekenyasunan analoŋisat anakwap a ŋina adedeŋan, lopite ŋolo ekutunia ekuwuam ŋolo ekusi egogoŋ nooi kipiripiri epye akwap alo Negeb.

Isa. 23:12

Ebala Ekapolon, “Nyilakarosi iyes nabo, okoe ŋituŋa a Sidon ŋulu ikisicanitae, tonyoutu, todokasi Kupuro, tari alo Kupuro nyiryamunete iyes akieŋun.”

Isa. 26:5

anerae acaku iŋes kwap ŋulu eboiyete anakiboisyo a ŋuna aoyak, Acaku iŋes kwap etaun ŋolo ayai naitae. Aritaki etaun ŋol kwap ka eturuwo ŋalup.

Isa. 3:26

Iwololoete ka igworete ŋituŋa alopukei a Sion. Eruwor Sion etaun ŋolo a ŋican, ikwaanikin ka aberu ŋina iboi alokwap emam ŋiboro enapit.

Isa. 37:22

ŋakiro nu alimu ayoŋ Ekapolon aŋuna a Senakerib: Senakerib, ikijamuwarito ka ikikyenatar iyoŋ ŋituŋa a Sion iniŋiniŋete ŋituŋa a Yerusalem ŋakyes ikiŋolikinete iyoŋ iemi.

Isa. 52:2

Okoe ŋituŋa a Yerusalem, tonyoutu irae ŋulu itopolooro, tobutosi ŋican tolacasi ŋiriko ŋulu ikienito iyes okoe ŋituŋa a Sion!

Yer. 13:18

Abu nai Ekapolon okolimok ayoŋ tema, “Tolimok erwosit ka arwosit ebe, ‘Kitiditeun bon anerae alemar ebokot ŋolo ebusan anakou kon,

Yer. 46:11

Ŋituŋa a Ijipit toloto Gilead toryamut ekitoe ŋolokimadet ŋajemei, isitiyata iyes ŋikito ŋulu a akwap kus nai nyeŋaleuno iyes; nyiŋaleunete iyes.

Yer. 48:18

“Iyes ŋulu iboiyete alo Dibon, totiyaunos anakibois kus a ŋina ka apolou, ido kiboikinos nadeudeui, anerae adolu ekenyasunan Moab ikimanit iyes, amunaiya ŋaduketa kus ŋunajiet.

Yer. 50:1

Erae nu ŋakiro ŋuna abu Ekapolon kirwor aŋuna a Babilon ka aŋuna ka akwap a Ŋibabiloniyae aneni a ekadwaran Yeremia ebala,

Yer. 50:42

Etiŋito ikes ŋakawo a ŋikaleŋeleŋe ka ŋakwaaras, ededeŋ ŋituŋa ŋul ka nyisyonioko. Epol eruye ŋolo ebunit aneni kec ikwaan ka eruye ka anam, emeto ikes ŋaŋolei, ŋaŋolei ŋuna icodorito esibit ŋikajiok eya lojie, eponito ikes akitijiore iyes ŋituŋa a Babilon.

Yer. 51:1

Alimu Ekapolon ebe, “Eyakuuni ayoŋ ekuwuam ŋolo enyasan Babilon ka lotuŋa ŋulu iboiyete alo Leb-Kamai.

Yer. 51:33

Alimu Ekapolon ŋolo a ŋajoresyo, Akuj a Ŋisirael ebe, ‘Ekwaan ŋituŋa a Babilon ka ŋikinyom apaki ŋina eramere analos, kikote neni daŋ, alotooma apaki ŋina euruwuana, emunyaryo ikes.’

Yer. 51:51

Ibasi iyes, ‘Ikisurumi isua ŋileec, anerae ikiyanyo isua ikijamwari isua, elelebun ŋileec loreetin kosi, anerae apotu ŋituŋa ŋulugelae, nakiboisyo ŋuna asegak alo Kai ke Ekapolon.’

Aum. 2:10

Iboiyete ŋikasikou a Yerusalem alokwap ililiŋete cek; ipuripurito apuwa nakyes kec ka enapito ŋiguniyae; ijuuruyete ŋasorok ŋuna a Yerusalem.

Aum. 2:21

Emaikina mono ŋisacaradotin ka ŋikadwarak toarakinae Kai a Ekapolon a? Eperete ŋawat a ŋisorok ka ŋikasikou alorotin a etaun, aar ŋimoe ŋisorok ka ŋasorok kosi. Ibu iyoŋ Ekapolon toar ikes akoloŋit ŋina iŋoitor iyoŋ, ibu toar ikes emam akisyon.

Aum. 4:5

Atwanikis lorotin ŋulu ke etaun ŋituŋa ŋulu sek imujete ŋamuja ŋuna ajokak; eperete aneni emudio ŋikurono ŋituŋa ŋulu sek ayakatar apolou.

Esek. 26:16

Apaki ŋin, eŋerete ŋirwosi daadaŋ ŋulu a ŋiculeta ka anam araakau ŋirwosi, elacarete ŋikaasoi kec ŋulu eraakatar ŋirwosi, elacarete ŋilowi kec ŋulu isibusitae. Emaranikinete ikes ebulit nooi ka iboikinosi kwap; emini amaran neni kec a ŋinapaki iŋolikinete ŋican ŋulu iryamut iyes.

Esek. 28:17

Ibu iyoŋ kiturokin nooi alotau kon aŋuna ka akibuses kon; ibu iyoŋ tomunaa aosou kon, aŋuna ka ailiil kon anapolou. Aŋun, eketolomari ayoŋ iyoŋ kwap; ekesileerekini ayoŋ iyoŋ neni a ŋirwosi, ikotere ikes ikiteete iyoŋ irae ecaryoit.

Yona 3:6

Ani iirari erwosit a Ninepe ŋakiro ŋun, tonyou alokicoloŋ keŋ a ŋolo ka apukan, tolaca ekaaso, tonap ŋiguniyae, kiboikin lokuron.

Agai 2:22

ido olema ŋikepukak a ŋapukasinei; eapi ayoŋ amunaar agogoŋu a ŋapukasinei a ŋakwapin, akimasar ŋagaari ka ŋikametok kec, imasarosi ŋaŋolei ka ŋikametok kec, eari ŋinituŋanan lokaato keŋ ka atum.”

Sakar 2:7

Potu! tosiutu, toboŋut Sion, iyes ŋulu iboiyete ka ŋituŋa a Babilon.”

Akis. 18:7

Inakisi iŋes ŋican ka akiyaloloŋ iriyan ka akituro ta eleilei ŋolo ayakar iŋes. Anerae erubakinit iŋes ebala, ‘Eboi ayoŋ a ne, arae arwosit! Meere ayoŋ apuserut, nyikiryamakin jik ayoŋ ka akiyaloloŋ!’