Isa. 46:11 - Ebaibul

¹¹ Anyarauni ayoŋ ituŋanan ŋini amunyaran kiuwuaun ikwa egole alo Kide, anyarauni ayoŋ iŋes anakwap a ŋina alwanan akitiya ŋuna ayeunit ayoŋ. Adau ayoŋ alimun ŋakiro, ido eturuwori ayoŋ ikes ŋuna itiyakin; adau ayoŋ ayeun ŋun, ido etiyakini ayoŋ ŋun.

Isa. 46:11 Iomraidhean Croise

Esir 1:2

“Ebala erwosit Kirus ŋolo a Perisia ebe: ‘Adau Ekapolon Akuj ŋina anakuj ainakin ayoŋ akipuka ŋakwapin daadaŋ anakwap, ido akaseu ayoŋ adukokin aŋuna keŋ Akai Yerusalem nakwap a Yudaya.

Yob 23:13

Nai adau iŋes atubun ŋuna itiyakini, ŋae nai epedori akiretakin iŋes? Ŋuna alimu iŋes atemar etiyakini, itiyakini.

Ŋikiru. 119:24

Ŋakiro ŋuna itubunit iyoŋ ikes erae alakara kaŋ, ikes eketatamete ayoŋ.

Ŋikiru. 76:10

Iinanakini iyoŋ tari ŋiryenyaanotin ikipuro iyoŋ, ido epote ŋipiya ŋulu ka aŋoit kon, akilip neni kon anapakio a ŋuna a ŋasuban.

Isa. 10:12

Kedau Ekapolon akitiya etic keŋ daadaŋ alomukura a Sion ka alo Yerusalem, isicani iŋes erwosit ka Asiriya aŋuna ka akisupa ka akituro keŋ;

Isa. 18:6

Imyekinio ikes alomoru toruworos akimuj a ŋikyeny ka akimuj a ŋityaŋ a ŋulu ka ariet. Enyamete ŋikyeny ikes akamu tutur ka enyamete ŋityaŋ ŋulu ka ariet ikes akiporo tutur.

Isa. 22:25

Ebala Ekapolon Akuj ŋolo a ŋajoresyo ebe, ‘Akoloŋit ŋin, elemari asesit ŋina sek ebubukinitoe nakibois ŋina emam ibore elemarya, eyeparyo, ido toukor, ecakakin kwap ibore daadaŋ ŋini sek ayai nen tomunaar,’ ” anerae adau Ekapolon alimun ŋun.

Isa. 25:1

Okoe Ekapolon, irae iyoŋ Akuj kaŋ; eketopoloori ayoŋ iyoŋ, epuri ayoŋ ekiro kon; anerae itiya iyoŋ ŋakiro ŋuna ka aumokin, ŋakiro ŋuna keyeunio koloŋ sek, ŋuna ikinyoma ka ŋuna a kire.

Isa. 37:26

“Nyiirara iyoŋ atemar abu ayoŋ oyeu koloŋ sek atemar kitiyakin ŋun a? Aberakin koloŋ sek ayoŋ ayeun ŋuna tokona emaikina kitiyakin; kituruwo iyoŋ ŋitaunio ŋulu eya ŋaduketa ŋunajiet ŋatukon a ŋamoru koŋin,

Isa. 38:15

Nai anukiro tokona alimuni ayoŋ? Anerae adau iŋes akirwor neni kaŋ, iŋes elope adau akitiya nu neni kaŋ. Adaun ŋajo aneni kaŋ aŋuna ka apodo a ŋina eyai lotau kaŋ.

Isa. 41:2

“Ŋae etonyou ekelounan ŋolo alo Kide, ŋae anyarau iŋes akitiya etic keŋ? Ŋae ainakini iŋes akiloun ŋirwosi ka ŋapukasinei? Aridaa iŋes ŋirwosi a ekileŋ keŋ lopite ŋolo etwaarere apuwa, eela iŋes a ŋikaleŋeleŋe keŋ ŋirwosi lopite ŋolo ielarya ekuwuam ŋanya kiwok.

Isa. 41:25

Abu ayoŋ eketoŋoik iyes ituŋanan ŋini alo Kuju ka adau iŋes abunore, aponi iŋes tonyaraunae a ekiro keŋ aneni elomununia akoloŋ. Ipudaari iŋes ŋikepukak ikwa erukere ibore a elepit, ipudaari iŋes ikes ikwa ipudaa ekayan ŋamoti ecoto.

Isa. 44:28

Ayoŋ alimokini neni a erwosit Kirus ebe, ‘Irae iyoŋ ekeyokon a ŋituŋa kaŋ, itiyae iŋes ŋakiro daadaŋ ŋuna acamit ayoŋ.’ Ayoŋ alimuni aŋuna a Yerusalem ebe, ‘Edukokinio iŋes nabo,’ ayoŋ alimuni aŋuna ka Akai ka Akuj ebe, ‘Edukokinio akisyakinet a aduketait kon.’ ”

Isa. 45:13

Etonyou ayoŋ Kirus akitiya ŋuna iyookino, alemari ayoŋ ŋican alorotin a daadaŋ a ŋulu itori iŋes; edukokini iŋes etaun kaŋ ka elakuni ŋituŋa kaŋ ŋulu erikoritae. Nyegyeluni ikes, kori nyeyai akaluŋuŋulut aŋuna kec.”

Isa. 56:9

“Potu iyes daadaŋ ŋityaŋ ŋulu ka ariet, potu tomunyasi ŋituŋa lu iyes ŋityaŋ ŋulu ka amoni daadaŋ.

Yer. 44:28

Ani ŋulu epuunosi alokileŋ eboŋorete anakwap a Ijipit Yudaya, erae ŋidikudyo, tosodi nai eyenunete ŋipiya a Ŋiyudayan ŋulu apotu toloto akiboi alo Ijipit ŋakiro ŋun atemar ŋakiro a ŋae eyookin aŋuna kec, kori aŋuna kaŋ.

Yer. 50:29

“Tonyarautu ŋulu isitiyaete ŋakawo a ŋikaleŋeleŋe ka ŋikaleŋeleŋe potu akitijiore Babilon. Kirikautu iŋes, nyimyekis ituŋanan ipei daŋ tosi. Totacakisi ikes ikwapei etiyatotor ikes, kitiyata neni kec ŋunapei apotu ikes kitiyata, anerae apotu ikes toŋero Ekapolon ŋolo asegan ŋolo a Isirael.

Yer. 50:44

“Lopite ŋolo elomunia eŋatuny anamoni a Yorodan, toloma neni a ŋibaren, abuni ayoŋ neni a Ŋibabiloniyae erita ikes alo Babilon, ido aseuni ayoŋ ŋini ecamit kipuka iŋes. Ŋae ikwaan ka ayoŋ? Ŋae epedori akisitakin ayoŋ? Alikepukan epedori akitijiore ayoŋ?”

Yer. 50:45

Aŋun, Kiirasi ŋakiro ŋuna eyeunit Ekapolon aŋuna a ŋituŋa a Babilon ka ŋakiro ŋuna ecamit iŋes akitiya nakwap a Ŋibabiloniyae: Kire jik, erikoryo ŋidwe kec iwace ka ebuli ŋituŋa daadaŋ aŋuna a ŋakiro kec.

Esek. 39:4

Itwanikini iyoŋ kidiama ŋikamukumukui ŋulu a Isirael, kaapei ka ŋasigarya kon daadaŋ ta ŋituŋa ŋulu irukito ka iyoŋ. Ekepotokini ayoŋ iyoŋ neni a ŋolokabila a ŋikeny a daadaŋ a ŋulu anyamak ŋituŋa; ekepotokini ayoŋ iyoŋ neni a ŋityaŋ a ŋulu ka ariet, ikotere itonyam iyoŋ.

Ekim. 23:19

Nyirworo Akuj alyokonu ikwa ituŋanan, ka nyiloconokini Akuj ikwa ituŋanan ŋatameta keŋ. Ŋuna daadaŋ iikini iŋes isiyookini, ŋuna daadaŋ elimuni iŋes, itiyakini

Ŋitic. 4:28

Apotu ikes tocunakinos akitiya ŋakiro daadaŋ ŋuna koloŋ itubuni iyoŋ ka apedor ka acamit kon atemar itiyakin.

Ŋitic. 5:39

Nai ani kerae neni ka Akuj eponitotor, nyipedorete iyes akiretakin ikes, acepaki iryamunete atemar itepegete iyes Akuj.” Tocamu Atukot ŋakiro a Gamaliel.

Ŋiep. 1:11

Itiyao ŋiboro daadaŋ alopite a ŋolo itemokinitor ka etubunitor Akuj ka abu Akuj ikiseu iwon aŋuna ka acamit keŋ aruwor ŋituŋa keŋ ka alope anakimorikina ka Kristo, ikwa kebunio iŋes totubunio ŋinapei anakisyakinet.

Ŋiep. 3:11

Abu Akuj kitiya ŋun ikwapei ayakar alosikinet keŋ ŋina a ŋikaru ka ŋikaru, ŋina ayakar iŋes alotooma Yesu Kristo Ekapolon yok.

Akis. 16:12

Abu emalaika ŋolo a ŋikanikapei tobukok anyunyura ŋina ka Akuj anabakule keŋ naŋolol ŋina enyaritae Eupurate. Abu aŋolol kijuwa toono deu aŋuna ka akitemokin neni itorete ŋirwosi ŋulu epote alo Kide.