Isa. 46:1 - Ebaibul

¹ Erae na adaunet a ŋakujo a Babilon! Arae sek Bel ka Nebo ŋakujo ŋuna elipeneneo neni kec, nai tokona idokokinitoe ikes losigirya, aruworosi akiwokitoi ŋina apotyon aneni a ŋityaŋ a ŋulu sek eupit.

Isa. 46:1 Iomraidhean Croise

Yob 39:11

Ipedori iyoŋ akikinyom iŋes bon, anerae egogoŋ iŋes a? Ido ijalakini iyoŋ iŋes kitiya ŋiticisyo aŋuna kon a?

Awos. 12:12

anerae akoloŋit ŋin nakwaare, etori ayoŋ nakwap a Ijipit daadaŋ, oar ŋikiyae daadaŋ alo Ijipit, ŋulu a ŋituŋa ka ŋulu a ŋibaren. Esicani ayoŋ ŋakujo a Ijipit daadaŋ. Arae ayoŋ Ekapolon.

Isa. 2:18

Itoŋopiyaryo jik ŋitorubei a ŋakujo.

Isa. 2:20

Akoloŋit ŋin, imasarete ŋituŋa neni a ŋisolimae ka neni a ŋimenwae ŋitorubei a ŋakujo kec ŋulu itiyaunitae a esilipa ka egolid, ŋitorubei a ŋakujo ŋulu sek etiyaunete ikes aŋuna ka akilip neni kec.

Isa. 21:9

Kiŋolik, eki apotu, apotu ŋikametok ŋagaari ŋuna iritae a ŋaŋolei, ŋikametok ŋaŋolei erukito a ŋiareerei!” Etemari nabo ekeyokon ŋol ebe, “Enyasun, enyasun Babilon. Eperete alokwap ebwaŋabwaŋaara ŋitorubei daadaŋ a ŋakujo a ŋuna sek elipete ikes.”

Isa. 30:6

Erae nu ŋakiro ŋuna aponi todwarae aŋuna a ŋityaŋ a ŋulu eya Negeb: Elosete ŋikiyakitono itorito nakiboisyo ŋuna a ŋatyokisyo, ŋuna eya ŋican, nakiboisyo ŋuna eya ŋaŋatunyo ka ŋiŋatunyo ŋulu ipopolaete, nakiboisyo ŋuna eya ŋapomya ka ŋimuno ŋulu eporete. Elosete ikes nen iwokito abaru kec a ŋisigirya ka iwokito ŋisiliŋa kec a ŋikaala, eayete ikes ŋiboro ŋul neni a ŋituŋa a ŋulu nyepedorete akiŋarakin ikes.

Isa. 45:20

Tocunakinos, ido potu kaapei, tocunakinos, ido potu iyes ŋituŋa kaŋ ŋulu irae ŋipiya anakwapin. Emamukatar ŋituŋa ŋulu iwokito ŋakujo aosou, ŋituŋa ŋulu iwokito ŋakujo ŋuna erae ŋakito, ido erubakinito ikes ilipete neni a akuj a ŋina nyepedori aiun.

Isa. 46:7

Eryoŋeneneete ikes akuj ŋin aloseketa kec, kiwoko, tosodo tosipokis nakibois ŋina eseunito ikes aŋuna keŋ, kimyekinae ewoi a nen; nyepedori akuj ŋin akiyotokin a nen. Ani kilip ituŋanan neni keŋ, emam aboŋokinet eryamuni ituŋanan ŋin, kori nyepedori akuj ŋin alakun idiotuŋanan alocan.

Yer. 10:5

Ikwaan ŋakujo kec ka ŋiboorei ŋulu itwarere ŋikyeny alomanikor a ŋolo itakinitae ŋakolil, nyepedorete ŋakujo ŋun akirworo, iwokitae ikes anerae nyepedorete alosit. Nyikuryaketa aŋuna kec, anerae nyepedorete ikes akitiya aronis, kori nyepedorete daŋ akitiya ajokis.”

Yer. 50:2

“Tolimosi anakwapin a daadaŋ ka kiserata, kikyaasi abendera ka kiserata, nyimunono ŋakiro nu, temasi iyes, ‘Ekamar Babilon, esirumi Bel ŋileec, akadaki Merodak. Esirumi ŋitorubei a ŋakujo kec ŋileec, akadaki ŋakujo kec.’

Yer. 50:38

Edaun ŋakipi anaŋololin keŋ, ikotere eokyoto deu; anerae erae Babilon akwap ŋina ileleba ŋitorubei a ŋakujo, einakina ikes nooi aŋuna a ŋitorubei a ŋakujo.

Yer. 51:44

Esicani ayoŋ Bel akuj ŋina a Babilon, etelekuni ayoŋ ŋituŋa keŋ ŋiboro ŋulu apotu ikes todemasi ŋituŋa, nyeriŋa nabo ŋituŋa a ŋakwapin eropiyete akilip neni keŋ, aritakin arwatata a Babilon.

Yer. 51:47

“Kire jik, eponito ŋirwa ŋulu esicania ayoŋ ŋakujo a Babilon, isirumyo akwap a Babilon daadaŋ ŋileec, earyo ŋituŋa daadaŋ alotooma keŋ.

Yer. 51:52

“Aŋun, alimu Ekapolon atemar, kire jik, ebunit apaki ŋina esicania ayoŋ ŋakujo a Babilon. Igworete ŋituŋa ŋulu ewanan anakwap a Babilon a daadaŋ.

Dan. 11:8

Tari ŋakujo kec kaapei ka ŋitorubei a ŋakujo ka ŋiboro kec ŋulu ajokak ŋulu itiyaunitae a esilipa ka egolid, iwokori iŋes nakwap a Ijipit ikwapei ŋiboro ŋulu eŋatunitae alojie. Eai nai iŋes ŋikaru ŋulu alalak nyitijikino erwosit ŋolo alo Kuju.

Dan. 3:14

Tolimok Nebukadinesar ikes tema, “Erae kire atemar, iyes Sadirak, Mesak ka Abedinego nyitiyanakinete ŋakujo kaŋ, kori nyilipete neni a etorube a egolid a ŋolo asipok ayoŋ a?

Naum 1:14

Alimu Ekapolon nu aŋuna kus a ŋituŋa keŋ ebe, “Imamukaunotor iyes ŋiletok ŋulu itorubakinete ŋirorwa kus. Amunaari ayoŋ ŋitorubei a ŋakujo kus ŋulu eyakasi nakais a ŋakujo kus. Asubakini ayoŋ neni ikinukio iyes, anerae mam ajokis eyai neni kus.

Ekim. 32:38

Nebo ka Baal-Meon (aponi kilocokinoe ŋirorwa a ŋitaunio a ŋul,) toduko nabo ikes Sibima ka tolimokis tari ŋitaunio ŋulu apotu ikes toduko nabo ŋirorwa ŋice.

Mat. 23:4

Isiwuokito ikes ŋulucetuŋa ŋigogoso ŋulu apotyok, ŋulu etyono akiwuok, nai nyecamito ikes akitap tari iwadio.

1 Sam. 5:3

Ani taparacu enyounete ŋituŋa ŋulu ka Asidod toryamut Dagon imasakina kwap edot aloreet, eyai kiŋaren Asaduku ŋina ke Ekapolon. Kikeut nai ikes Dagon kiwuakis nenipei sek ayai.