Isa. 45:9 - Ebaibul

⁹ “Ekaŋ iyes ŋituŋa ŋulu isiburaete ekasuban kus, iyes ŋiyeuna ikwa amot, ŋulu iyakasi kaapei ka ŋiyeuna ŋuluce! Epedori mono ecoto akiŋit ekayan keŋ ebe, ‘Nyo iye iyoŋ a?’ Kori ‘Emam atiŋet anibore a ŋini itiyau iyoŋ a?’

Isa. 45:9 Iomraidhean Croise

Yob 10:9

Totamunite atemar ikiyeuni iyoŋ ayoŋ a ecoto, ido icamit mono iyoŋ tokona akituruwor ayoŋ ŋalup nabo a?

Yob 33:13

Kaanukiro itepegia iyoŋ Akuj? Irworo iyoŋ ebe, ‘Emam ŋakiro daŋ eboŋokini Akuj.’

Yob 40:2

“Ijoŋoe tokona iyoŋ akitepeg ayoŋ Akuj ŋina etiron a? Ituŋanan daadaŋ ŋini itepegi Akuj, emaikina toboŋok ŋakiro.”

Yob 9:12

Elemanari iŋes, ŋae epedori akiretakin iŋes tojoŋo alemanar? Ŋae elimokini iŋes ebe, ‘Nyo itiyae iyoŋ?’

Yob 9:4

Eos Akuj nooi ka erae agogoŋu keŋ ŋina etiron, ŋae mono abu kitiji Akuj, ido kilou?

Ŋakit. 21:30

Emam ibore itiyakini ituŋanan aŋuna ka aosou keŋ, ayenut keŋ ka ayere keŋ ŋuna kitiya, erae pa kecamakinit Ekapolon.

Ekal. 6:10

Ibore daadaŋ ŋini eyai tokona, ayai sek ekiŋaren ka elimokinitae ekiro, ido eyenio atemar nyo erae ŋituŋa; mam ituŋanan epedori akisinda ka ŋini egogoŋ akilo iŋes.

Isa. 10:15

Nai irworo Ekapolon ebala, “Epedori mono aep atemar apol iŋes akilo ituŋanan ŋini isitiyae iŋes a? Kori epedori erigi atemar eloit iŋes ituŋanan ŋini isitiyae iŋes? Nyepedori adaset akikyaar ituŋanan ŋini etiŋit iŋes, kori ebala akikeun ituŋanan ŋini iceunit iŋes!”

Isa. 29:16

Ibuburete iyes ŋakiro! Epedoryo mono atemar erae ekayan ŋamoti ecoto a? Epedori mono ibore ŋini eyeunitae alimokin ekayeunan keŋ ebe, “Meere iyoŋ ikiyeuni ayoŋ” kori epedori mono ibore ŋini itiyaunitae alimokini eketiyaunan keŋ ebe, “Mam ibore iyeni iyoŋ”

Isa. 45:10

Ekaŋ iyoŋ ŋini ilimokini papa ebe, ‘Ŋae iuru iyoŋ?’ Kori iyoŋ ŋini ilimokini aberu ebe, ‘Nyo mono iryeba iyoŋ akidoun?’ ”

Isa. 64:7

Mam ituŋanan enyarit ekiro kon, kori ikatakini arubakin eyai neni kon, anerae iwua iyoŋ ereet kon aneni kosi ka ikimyek iyoŋ isua ikilounete ŋasecisya kosi.

Isa. 64:8

Kikote neni daŋ okoe Ekapolon, irae iyoŋ papa kosi. Ikirae isua ecoto ka iyoŋ ekayeunan isua; ikirae isua daadaŋ ŋisubuna kon.

Yer. 18:6

“Okoe ŋituŋa a Isirael, nyapedori mono ayoŋ akitiya neni kus lopite ŋolo etiyaa ekayan ŋamoti locoto ŋolo eyai nakan keŋ a? Nyiyakasi mono iyes nakan kaŋ, okoe ŋituŋa a Isirael a?

Yer. 36:29

Kirwor nu aŋuna ke erwosit Yeoiakim a ŋolo a Yudaya: Alimu Ekapolon atemar, idau iyoŋ akiŋer ŋakiro kaŋ ka icunya ŋakiro ŋun, ido ibu iyoŋ tema, ‘Kaanukiro igirya iyoŋ atemar kire jik ebuni erwosit a Babilon akinyasun akwap na ka emunyari ŋituŋa ka ŋityaŋ anakwap a na?’

Yer. 50:24

Okoe Babilon, ibu iyoŋ tolokak aloc, ido abu aloc ŋin ikirum iyoŋ pei, nai pa iyeni iyoŋ ŋun, aponi ikiryamun iyoŋ ka ikikamun, anerae ibu iyoŋ kitepeg Ekapolon.

Dan. 4:35

Erae ŋituŋa daadaŋ ŋulu ka akwap ŋicaryo, itiyae iŋes ŋuna ecamit neni a ŋisubuna a ŋulu eya kidiama ka neni a ŋulu iboiyete anakwap. Mam ituŋanan epedori akiretakin ŋuna ecamit iŋes akitiya, kori epedori akiŋit ebe, “Nyo itiyae iyoŋ?”

1 Ŋikor. 10:22

Ikicamit mono iwon akitoŋo Ekapolon a? Ikigogoŋ mono iwon akilo Akuj a?