Isa. 45:5 - Ebaibul

⁵ Arae ayoŋ Ekapolon, emam ece mati ayoŋ bon; ayoŋ bon arae Akuj emam akuj ace, akainakini ayoŋ iyoŋ ŋiboro ŋulu ke ejie tari pa kikiyeni iyoŋ ayoŋ,

Isa. 45:5 Iomraidhean Croise

1 Ŋirw. 8:60

ikotere nai ŋituŋa ka akwap a daadaŋ eyenunete atemar erae Ekapolon Akuj; mam Akuj ace.

Esir 1:2

“Ebala erwosit Kirus ŋolo a Perisia ebe: ‘Adau Ekapolon Akuj ŋina anakuj ainakin ayoŋ akipuka ŋakwapin daadaŋ anakwap, ido akaseu ayoŋ adukokin aŋuna keŋ Akai Yerusalem nakwap a Yudaya.

Yob 12:18

Elemanari Akuj ŋirwosi alokicoloŋo kec a ŋulu ipukatotor, kitanap ikes ŋaraco anacirin.

Yob 12:21

Ebukununui Akuj aŋoit keŋ neni a ŋikagogoŋok, elemanari agogoŋu aneni a ŋikagogoŋok.

Ŋikiru. 18:31

Ekapolon bon erae Akuj, iŋes bon erae ekaiunan yok,

Ŋikiru. 18:32

iŋes abu okoinak ayoŋ agogoŋu, iŋes abu kituruwo ŋuna etiyae ayoŋ ŋuna iyookino.

Ŋikiru. 18:33

Abu Akuj okoinak ayoŋ apiranu lopite ŋolo epirania atili, ido abu ekewuak ayoŋ lomukura oiun a nen.

Ŋikiru. 18:39

anerae ibu iyoŋ ikiinak ayoŋ agogoŋu ŋinajiet; ikiinak ayoŋ akiloun ŋimoe kaŋ.

Ŋikiru. 86:10

anerae ipol iyoŋ nooi ka itiyae ŋiticisyo ŋulu ka aumokin; iyoŋ bon irae Akuj.

Awos. 9:14

Ani pa kimyek, eyakuuni ayoŋ ŋakisicaneta kaŋ neni kon, neni a ŋikapolok a ŋulu ipukatotor iyoŋ ka neni a ŋituŋa kon, ikotere iyoŋ iyenuni atemar mam ice ikikwaan ka ayoŋ anakwap a daadaŋ.

Isa. 22:21

etanapikini ayoŋ iŋes ekaaso kon ka akoroba kon. Ainakini ayoŋ iŋes apedor ŋina sek iyakar iyoŋ, ido eruwor iŋes papa a ŋituŋa a ŋulu iboiyete alo Yerusalem ka papa a ŋiletok a Yuda.

Isa. 37:20

Aŋun, tokona okoe Ekapolon Akuj kosi, toiunae isua anapedor a Senakerib, ikotere eyenunete ŋituŋa a ŋapukasinei a daadaŋ anakwap atemar iyoŋ bon irae Ekapolon.”

Isa. 43:10

Ebala Ekapolon, irae iyes ŋisuudae kaŋ ka ŋiketiyak kaŋ ŋulu abu ayoŋ oseu, ikotere iyes ikiyenunete ayoŋ ka ikinupete ayoŋ, ido toyenut atemar ayoŋ bon arae Akuj. Ayoŋ bon arae Akuj, mam akuj ace mam akuj ace ayai ekiŋaren, mam ace jik eyakaun ekaku.

Isa. 44:6

Alimu Ekapolon, erwosit a Ŋisirael ka ekalakunan kec Ekapolon a ŋajoresyo ebe, “Arae ayoŋ ŋolo esyaunan ka ŋolo esidyon; emam akuj ace mati ayoŋ bon.

Isa. 44:8

Nyikera, kori nyikuryaketa; nyiserakina mono ayoŋ iyes ŋun koloŋ sek ka nyelimokina a? Iraakasi iyes ŋisuudae kaŋ. Eyai mono akuj ace eyai akilo ayoŋ a? Emam ekeuryaran ece; emam ece ayeni ayoŋ.”

Isa. 45:1

Alimu Ekapolon ŋakiro nu aŋuna a Kirus, a ŋolo aseu iŋes akisitiya aŋuna ka akilounia ŋituŋa a ŋakwapin, ka akilounia ŋirwosi, aseu iŋes Kirus, ikotere eŋaari Ekapolon ŋikekya a ŋitaunio alokiŋaren keŋ, nyegolokinio nabo ŋipukei a ŋitaunio a ŋul jik. Abu Ekapolon tema neni a Kirus,

Isa. 45:6

ikotere eyenunete ŋituŋa ŋinapei alo Kide tari To atemar emam akuj ace mati ayoŋ bon; arae ayoŋ Ekapolon, emam ece mati ayoŋ bon.

Isa. 46:9

totamunito ŋakiro ŋuna alunyar koloŋ sek, anerae arae ayoŋ Akuj, emam ace arae ayoŋ Akuj ka emam akuj ace ŋina ikikwaan ka ayoŋ.

Isa. 47:8

“Aŋun tokona kiirasi ŋakiro nu, iyes ŋulu iminasi ŋakiro ŋuna ikitalakarito iyes ŋikulepek, iyes ŋulu iboiyete emam ŋace, iyes ŋulu itamete make alotai kus ebe, ‘Ayai ayoŋ ikikwaan ka Akuj, emam ice mati ayoŋ bon; nyeboikin ayoŋ esibit arae apuserut, kori nyetwakete ŋidwe kaŋ.’

Esek. 30:24

Ewuakini ayoŋ agogoŋu neni a erwosit a Babilon, Oinak iŋes ekileŋ kaŋ totiŋ; nai alemari ayoŋ agogoŋu a Parao, ido kigwor irurumae alokiŋaren erwosit a Babilon lopite ŋolo igworor ituŋanan ŋini ewanitae nooi.

Yoel 2:27

Nen nai iyenuniata iyes atemar ayai ayoŋ Isirael, arae ayoŋ Ekapolon Akuj kus, mam Akuj ace; mam nabo nyirumete ŋileec ŋituŋa kaŋ.”

Yoa. 1:1

Anakisyakinet, ayai Akirot; arukito Akirot ka Akuj, arae Akirot Akuj.

Ŋikis. 32:39

Toyenutu tokona atemar ayoŋ arae Akuj, emam Akuj ace mati ayoŋ, aari ayoŋ ka eteyari, awani ayoŋ ka etaŋaleuni, emam ituŋanan elakuni ituŋanan anapedor kaŋ,

Ŋikis. 4:35

Abu Akuj ikitoodik iyes ŋakiro ŋun ikotere iyeununete iyes atemar erae Ekapolon Akuj, emam akuj ace eyai mati iŋes bon.

Ŋikis. 4:39

Aŋun, toyenutu tokona ka tonupa alotai kus atemar erae Ekapolon Akuj ŋina alokidiama, alokwap ka alotooma akwap; emam Akuj ace eyai.