Isa. 45:19 - Ebaibul

¹⁹ Nyirworo ayoŋ anakimunono, nyirworo ayoŋ anakwap a ŋina ka akiryonut; nyelimokina ayoŋ ŋiletok a Yakob ebe, “Kiwarae ayoŋ aneni nyaryamunor.” Ayoŋ Ekapolon, erworo ŋuna a kire, alimuni ayoŋ ŋakiro ŋuna iyookino.

Isa. 45:19 Iomraidhean Croise

1 Ŋakiro a ŋirwa 28:8

Aŋun nai tokona, alokiŋaren Ŋisirael daadaŋ, alokiŋaren atukot ŋina ke Ekapolon ka topupi Akuj yok, kiwuap ka kiwar ŋakiciketa daadaŋ ŋuna ke Ekapolon Akuj kon; ikotere akwap na ŋina ajokan eruwor ŋina kon, ido kimyekinia erae ŋina a ŋiletok kon ŋikaru ka ŋikaru.

2 Ŋakiro a ŋirwa 15:2

Tolot Asaria neni ka Asa tema, “Kiirasi ŋakiro kaŋ, iyoŋ Asa ka ŋituŋa a Yudaya daadaŋ ta ŋulu a Benjamin. Irukito iyes ke Ekapolon erae ca kirukito iyes ka iŋes. Ani kiwara iyes iŋes, ikimyekini iŋes iyes toryamut iŋes, nai ani kimyekis iyes iŋes, ikimyekini iŋes daŋ iyes.

2 Ŋakiro a ŋirwa 7:14

ani kitiditeunosi ŋituŋa kaŋ ŋulu enyaritae a ekiro kaŋ, ido kilipa ka kiwara akiŋolikin ayoŋ, kimyekis ŋipitesyo kec ŋulu aronok, eirari nai ayoŋ anakuj ŋakiro kec, ido esyoni asecit kec ka eterereŋ akwap kec.

Esir 8:22

ekerumito ayoŋ ŋileec akiŋit erwosit ainakin isua ŋasigarya ka ŋaŋolei ka ŋikametok kec aŋuna ka aiun isua alomoe alosyo alorot, anerae aris isua kelimokin erwosit atemar iŋarakini Akuj daadaŋ ŋulu ikinyomito, iŋes, eyai nai apedor keŋ ka anyunyura keŋ neni a ŋulu eŋerito iŋes.

Ŋikiru. 12:6

Erae ŋakiikineta a Ekapolon ŋakiro ŋuna iyookino, iyookino ikes ikote esilipa ŋolo aliuna ejok; esilipa ŋolo eliitae alokitet ŋarwa ŋuna alalak.

Ŋikiru. 24:6

Ŋituŋa ŋulu ikote ŋul ikes ŋulu iwarito alosit neni ke Ekapolon, ikes ŋulu iwarito akiŋolikin ereet ka Akuj a Yakob.

Ŋikiru. 69:13

Nai ani eruwor ayoŋ, elipi neni kon, okoe Ekapolon. Toboŋokinoe ayoŋ Akuj, anapaki a ŋina iseuni iyoŋ. Toboŋokinoe ayoŋ aŋuna ka amina kon a ŋina nyiryaŋiryaŋa, anerae iricit iyoŋ akiikinet kon ŋina ka aiun ŋulu ikikinyomito iyoŋ.

Ŋikiru. 69:32

Kimyek ŋulu a ŋican kiŋolikis ŋun, ido tolakaros; iyes ŋulu iwarito Akuj, kimyekisi ŋitai kus tomukyaketa,

Ŋikiru. 78:34

Apaki daadaŋ ŋina earya Akuj ŋice kec, aminasi ŋuluce aponenen neni ka Akuj akiŋaranakino, aminasi akienen ŋasecisya kec, potu kilipa Akuj iitanito nooi.

Ŋikiru. 9:10

Ikikinyomete iyoŋ Ekapolon ŋulu eyenete ekiro kon, anerae nyimyekini iyoŋ Ekapolon ikes ŋulu epote neni kon.

Ŋakit. 1:21

Iworoonor aosou alokoonae a ŋulu ileleba ŋituŋa Irworo aosou alopukei a ŋulu a etaun ebala,

Ŋakit. 15:8

Erae ŋamuronisya a ŋulu aronok asiilyo aneni a Ekapolon, nai elakara Ekapolon aŋuna ka akilip a ituŋanan a ŋini iyookino.

Ŋakit. 30:5

Isiyoonokini Akuj ŋakiro keŋ daadaŋ; erae Akuj aupal a daadaŋ a ŋulu elosete aiuno neni keŋ.

Ŋakit. 8:6

Kiirasi ŋakiro kaŋ ŋuna ajokak nooi, alimuni ayoŋ anakituk kaŋ ŋakiro iyookino.

Isa. 1:15

Ani ikyaarete iyes ŋakan kus ilipete, nyeŋoliuni ayoŋ neni kus, tari daŋ kilipa iyes ŋakilipasinei ŋuna alalak, nyapupokini ayoŋ, anerae itereŋa iyes ŋakan kus anakiar ŋituŋa.

Isa. 43:12

Abu ayoŋ olimu, oiu, ido eserau, abu ayoŋ etiya ŋun apaki ŋina amamukar akuj ace ŋinagela alokidiŋ kus; ido irae iyes ŋisuudae kaŋ.

Isa. 44:8

Nyikera, kori nyikuryaketa; nyiserakina mono ayoŋ iyes ŋun koloŋ sek ka nyelimokina a? Iraakasi iyes ŋisuudae kaŋ. Eyai mono akuj ace eyai akilo ayoŋ a? Emam ekeuryaran ece; emam ece ayeni ayoŋ.”

Isa. 45:23

Ayoŋ Akuj adau akikoŋ, adau ayoŋ alimun ŋakiro anakiyookino, ŋakiro ŋuna nyepedoryo akinyakar ŋakiro ŋun ikes nu, “Eryediki ŋinituŋanan alokiŋaren kaŋ, elimori ŋinituŋanan atemar arae ayoŋ Akuj.”

Isa. 45:25

Eryamunete ŋiletok a Yakob akiloun ka apolou aneni ke Ekapolon.”

Isa. 48:16

Potu diyete kaŋ, kiirasi ŋakiro nu! Ŋinapei anakisyakinet nyirworo ayoŋ anakimunono, ayai ayoŋ ŋinapei anakisyakinet. Ekeyaku tokona ayoŋ Ekapolon kaapei ka etau keŋ.”

Isa. 63:1

“Ŋae ŋin ŋini ebunit alo Edom, ŋini ebunit alo Bosira enapit ŋilowi ŋulumeriyek areŋak? Ŋae ŋin ŋini enapit ŋilowi ŋulu amilimilak ŋin, ŋini elosi ka apolou a ŋina etiron” “Erae ayoŋ Ekapolon erworo ŋuna ka akinyaŋaro, ayakar apolou ŋina ka ayaun aiuno.”

Isa. 65:9

Ayauni ayoŋ ŋiletok aneni a Yakob ka ayauni aneni a Yuda ŋulu einakinio emoru kaŋ toruwor ŋolo kec, eruwor nen neni a ŋituŋa kaŋ a ŋuluseuna ka iboikinosi ŋiketiyak kaŋ nen.

Isa. 8:19

Ani tokona ketemasi iyoŋ ŋituŋa ebe, “Kiŋitutu ŋakiro aneni a ŋipyan ka aneni a ŋililae a ŋulu iŋaiŋaasi ka iŋunuŋunosi, nyemaikina mono ŋituŋa kiŋitut ŋakiro aneni a ŋakujo kec aŋuna a ŋituŋa a ŋulu eyarete

Yer. 2:31

Okoe anyamet na, kiirasi ŋakiro a Ekapolon! Abu mono ayoŋ ekwaanikin ka aloŋisat aneni a Ŋisirael, kori ka akwap ŋina ileleba akiryonut cuc a? Kaanukiro nai irworotor ŋituŋa kaŋ ebasi, ‘Ikitiyae isua ŋuna ecamitae, nyikiboŋuni nabo isua neni kon?’

Amos 5:4

Alimu daŋ Ekapolon ebe, ‘Toboŋutu neni kaŋ ikotere toyara,

Yoa. 18:20

Toboŋok Yesu iŋes tema, “Erwor ayoŋ lotuŋa daadaŋ, emam ŋakiro ŋuna abu ewua; abu ayoŋ jwi jwi etatam alosinagogae ka alo Kai ka Akuj, aneni ecunanakin Ŋiyudayan daadaŋ. Emam akirot alimu ayoŋ ewuait.

Yoa. 7:26

Kiŋolikisi epite ŋolo irworor iŋes alotuŋa, emam ituŋanan ŋini elimokini iŋes adiokirot. Kori ca eyenete ikes atemar erae iŋes Kristo?

Yoa. 7:28

Ikwaŋina etatamya Yesu alo Kai ka Akuj apaki ŋin, tocelu iŋes tema, “Okoe ikiyenete mono iyes ayoŋ ka iyenete neni abunitor ayoŋ a? Nyabunit ayoŋ aŋuna ka apedor kaŋ bon, nai ŋolo ekeyakuunit ayoŋ iŋes erae ŋolo a kire. Nyiyenete iyes iŋes,

Ŋikis. 29:29

Erae ŋakiro ŋuna imunono ŋuna ke Ekapolon Akuj yok, nai ŋakiro ŋuna isileereunitoe, erae ŋuna yok ka ŋuna a ŋidwe yok ŋikaru ka ŋikaru, emaikina iwon ewuapa ŋakiro daadaŋ ŋuna a ŋikisila a ŋul.”

Ŋikis. 32:4

Erae Akuj agogoŋu, ejok etic keŋ ka iyookino ŋakiro keŋ. Erae iŋes Akuj ŋina ikinyoma nyemodiyana, iyookino iŋes ka itiyae ŋuna iyookino.

Yak. 4:3

Tari ŋina iŋisyata iyes iŋes, nyiryamunete, anerae iŋitasi erono; iŋitasi iyes ŋiboro ŋulu isitiyaete aŋuna ke ekibure kus.