Isa. 45:13 - Ebaibul

¹³ Etonyou ayoŋ Kirus akitiya ŋuna iyookino, alemari ayoŋ ŋican alorotin a daadaŋ a ŋulu itori iŋes; edukokini iŋes etaun kaŋ ka elakuni ŋituŋa kaŋ ŋulu erikoritae. Nyegyeluni ikes, kori nyeyai akaluŋuŋulut aŋuna kec.”

Isa. 45:13 Iomraidhean Croise

Esir 1:3

Tokona nai, iyes daadaŋ ŋulu irae ŋituŋa ka Akuj, elipi toyai Akuj neni kec, acamakin ŋituŋa ŋul akitipeiyor Yerusalem nakwap a Yudaya, adukokin nabo Akai ŋina ke Ekapolon a ŋolo erae Akuj a Ŋisirael, erae iŋes Akuj ŋina eyai Yerusalem.

Ŋikiru. 65:5

Anakiyookino kon, ikiboŋokini iyoŋ isua a ŋiticisyo a ŋulu ka aumokin, okoe Akuj ŋina irae akaiunan kosi; iyoŋ irae akigeno a ŋituŋa a akwap a daadaŋ ka ŋulu eya tari loculeta ka anam ŋulu alwanak.

Ŋakit. 3:6

Tocamunite Ekapolon alotooma daadaŋ ŋuna iwuapit iyoŋ, ikitoodikini Ekapolon iyoŋ erot ŋolo ejok.

Isa. 13:17

Kiirasi, ewuakini ayoŋ ekibure neni a Ŋimedes toremo Babilon, nyemisito Ŋimedes esilipa, nyiitanito ikes aryamun egolid.

Isa. 14:17

Erae mono lo ekile ŋolo abu kisikwaanik akwap ka aloŋisat ka kikama ŋitaunio a akwap? erae mono ekile ŋolo pa emyekini ŋimabus keŋ toboŋosi lorerya kec a?’

Isa. 41:2

“Ŋae etonyou ekelounan ŋolo alo Kide, ŋae anyarau iŋes akitiya etic keŋ? Ŋae ainakini iŋes akiloun ŋirwosi ka ŋapukasinei? Aridaa iŋes ŋirwosi a ekileŋ keŋ lopite ŋolo etwaarere apuwa, eela iŋes a ŋikaleŋeleŋe keŋ ŋirwosi lopite ŋolo ielarya ekuwuam ŋanya kiwok.

Isa. 41:25

Abu ayoŋ eketoŋoik iyes ituŋanan ŋini alo Kuju ka adau iŋes abunore, aponi iŋes tonyaraunae a ekiro keŋ aneni elomununia akoloŋ. Ipudaari iŋes ŋikepukak ikwa erukere ibore a elepit, ipudaari iŋes ikes ikwa ipudaa ekayan ŋamoti ecoto.

Isa. 42:6

Arae ayoŋ Ekapolon, akanyarau ayoŋ iyes anakiyookino, ikiriit ayoŋ ka iyes, ekeurya iyes; iyoŋ iruwuor acamunet kaŋ ka ŋituŋa, iyoŋ iruwor akica a ŋituŋa a ŋakwapin,

Isa. 44:28

Ayoŋ alimokini neni a erwosit Kirus ebe, ‘Irae iyoŋ ekeyokon a ŋituŋa kaŋ, itiyae iŋes ŋakiro daadaŋ ŋuna acamit ayoŋ.’ Ayoŋ alimuni aŋuna a Yerusalem ebe, ‘Edukokinio iŋes nabo,’ ayoŋ alimuni aŋuna ka Akai ka Akuj ebe, ‘Edukokinio akisyakinet a aduketait kon.’ ”

Isa. 45:2

“Ekeŋarenikini ayoŋ iyoŋ, alemari ayoŋ ŋatyokisyo alokiŋaren kon, anyilinyiliyari ayoŋ ŋipukei ŋulu itiyaunitae a eburonis, atubutuboori ayoŋ ŋasuwa ŋuna iloritere ŋipukei,

Isa. 46:11

Anyarauni ayoŋ ituŋanan ŋini amunyaran kiuwuaun ikwa egole alo Kide, anyarauni ayoŋ iŋes anakwap a ŋina alwanan akitiya ŋuna ayeunit ayoŋ. Adau ayoŋ alimun ŋakiro, ido eturuwori ayoŋ ikes ŋuna itiyakin; adau ayoŋ ayeun ŋun, ido etiyakini ayoŋ ŋun.

Isa. 49:25

Nai alimu Ekapolon atemar, epedoryo ademun aneni a ekadedeŋan ŋituŋa ŋulu ekamaritae ka epedoryo ademun ituŋanan ibore ŋini eŋatunit, anerae etiji ayoŋ ŋulu ikitijiyete iyes, ido aiuni ayoŋ ŋidwe kus.

Isa. 52:5

Anukiro tokona etiyae ayoŋ a ne ete ŋituŋa kaŋ eyaaryo emam ŋuna esecito? Ejamuwarito ŋikepukak kec ikes ka a ŋinakoloŋit erubakinito ejamuwarito ekiro kaŋ.

Mika 4:10

Kibelibelo aŋuna ka aryeba, iyes ŋituŋa a Yerusalem, lopite ŋolo ibelibelor aŋuna ka aryeba a aberu ŋina eapi akidoun, anerae emaikina tokona iyes kimyekis etaun toloto tolomiyasi nariet. Ilosete iyes Babilon; nen iŋes ikiiunia iyes Ekapolon alomoe kus, nen iŋes ikilakunia iyes Ekapolon kus alomoe.