Isa. 45:1 - Ebaibul

¹ Alimu Ekapolon ŋakiro nu aŋuna a Kirus, a ŋolo aseu iŋes akisitiya aŋuna ka akilounia ŋituŋa a ŋakwapin, ka akilounia ŋirwosi, aseu iŋes Kirus, ikotere eŋaari Ekapolon ŋikekya a ŋitaunio alokiŋaren keŋ, nyegolokinio nabo ŋipukei a ŋitaunio a ŋul jik. Abu Ekapolon tema neni a Kirus,

Isa. 45:1 Iomraidhean Croise

1 Ŋirw. 19:15

Tema nai Ekapolon neni keŋ, “Ape, toboŋo tomek erot ŋolopei ŋoon, tolot naloŋisat ŋina alo Damasko. Ani idoli iyoŋ nen, kiosak akimyet neni ka Asael kituruwo iŋes erwosit ŋolo ka Aram.

Esir 1:1

Alokaru a ŋolo ke epei ipukat erwosit Kirus Perisia, abu Ekapolon kisiyook ŋakiro ŋuna sek alimunit iŋes aneni a ekadwaran Yeremia. Abu Ekapolon kiwuak lotau a erwosit Kirus a ŋolo a Perisia, alimun ŋakiro ŋuna aponi kigirae ka kiyakiyarae tosyomae ikeunitae ŋakiro keŋ neni a ŋituŋa a apukan keŋ a daadaŋ. Abasi ŋakiro ebe,

Esir 1:2

“Ebala erwosit Kirus ŋolo a Perisia ebe: ‘Adau Ekapolon Akuj ŋina anakuj ainakin ayoŋ akipuka ŋakwapin daadaŋ anakwap, ido akaseu ayoŋ adukokin aŋuna keŋ Akai Yerusalem nakwap a Yudaya.

Yob 12:21

Ebukununui Akuj aŋoit keŋ neni a ŋikagogoŋok, elemanari agogoŋu aneni a ŋikagogoŋok.

Ŋikiru. 73:23

Kikote neni daŋ, arubak ayoŋ ikirukit ka iyoŋ ŋapakio daadaŋ ka ikiuryarit iyoŋ ayoŋ.

Isa. 13:2

kikyaasi abendera ŋina ke ejie alokamukumukut a ŋolo emam ŋikito, tocelutu neni a ŋasigarya kus; kikyaasi ŋakan kus itoodiunito atemar tolomasi ikes alopukei a ŋikapolok.

Isa. 13:3

Adau ayoŋ akicik ŋasigarya kaŋ ŋunaseuna, adau ayoŋ anyaraun ŋikajiok kaŋ kisiyookis anyunyura kaŋ, ŋikajiok kaŋ ŋulu elelyanete aŋuna ka akiloun.

Isa. 41:13

Ayoŋ Ekapolon Akuj kus atiŋi ŋakan kus ŋuna aloteten; ayoŋ akalimokinit iyes ebe, ‘Nyikuryaketa, ekeŋarakini ayoŋ iyes.’

Isa. 41:2

“Ŋae etonyou ekelounan ŋolo alo Kide, ŋae anyarau iŋes akitiya etic keŋ? Ŋae ainakini iŋes akiloun ŋirwosi ka ŋapukasinei? Aridaa iŋes ŋirwosi a ekileŋ keŋ lopite ŋolo etwaarere apuwa, eela iŋes a ŋikaleŋeleŋe keŋ ŋirwosi lopite ŋolo ielarya ekuwuam ŋanya kiwok.

Isa. 41:25

Abu ayoŋ eketoŋoik iyes ituŋanan ŋini alo Kuju ka adau iŋes abunore, aponi iŋes tonyaraunae a ekiro keŋ aneni elomununia akoloŋ. Ipudaari iŋes ŋikepukak ikwa erukere ibore a elepit, ipudaari iŋes ikes ikwa ipudaa ekayan ŋamoti ecoto.

Isa. 42:6

Arae ayoŋ Ekapolon, akanyarau ayoŋ iyes anakiyookino, ikiriit ayoŋ ka iyes, ekeurya iyes; iyoŋ iruwuor acamunet kaŋ ka ŋituŋa, iyoŋ iruwor akica a ŋituŋa a ŋakwapin,

Isa. 44:28

Ayoŋ alimokini neni a erwosit Kirus ebe, ‘Irae iyoŋ ekeyokon a ŋituŋa kaŋ, itiyae iŋes ŋakiro daadaŋ ŋuna acamit ayoŋ.’ Ayoŋ alimuni aŋuna a Yerusalem ebe, ‘Edukokinio iŋes nabo,’ ayoŋ alimuni aŋuna ka Akai ka Akuj ebe, ‘Edukokinio akisyakinet a aduketait kon.’ ”

Isa. 45:5

Arae ayoŋ Ekapolon, emam ece mati ayoŋ bon; ayoŋ bon arae Akuj emam akuj ace, akainakini ayoŋ iyoŋ ŋiboro ŋulu ke ejie tari pa kikiyeni iyoŋ ayoŋ,

Isa. 48:15

Ayoŋ abu olimu ŋun ka ayoŋ adau anyaraun eseuna ŋol, ayau ayoŋ iŋes ka itiyae ejok anakiro a ŋuna itiyae.

Yer. 27:6

Adau ayoŋ ainakin ŋakwapin nu daadaŋ napedor a erwosit Nebukadinesar a ŋolo a Babilon a ŋolo erae eketiyan kaŋ ka adau ayoŋ ainakin iŋes tari ŋityaŋ ŋulu ka ariyet akitiyanakin iŋes.

Yer. 43:10

tosodi tolimok ikes ebe, ‘Alimu Ekapolon ŋolo a ŋajoresyo, Akuj a Ŋisirael atemar; alosi ayoŋ eyakuu ka oyau eketiyan kaŋ erwosit Nebukadinesar ŋolo a Babilon, iwuakini ekicoloŋ keŋ ŋolo ka apukan kidiama ŋamoru nu ŋuna anukak ayoŋ kwap ka epetakini iŋes eema ŋolo ka apukan keŋ kidiama kec.

Yer. 50:3

“Eponito alo Kuju ŋituŋa a akwap ŋulu itijikinete iŋes, itoruworete ikes akwap a Babilon ereŋorot ka mam ituŋanan ebuni akiboi a nen, eemete ŋityaŋ ka ŋituŋa a nen.

Yer. 50:35

Alimu Ekapolon ebe, “Earyo a ekileŋ Ŋibabiloniyae ka ŋituŋa ŋulu iboiyete alo Babilon, earyo a ekileŋ ŋikapolok ka ŋikaosok a Babilon.

Yer. 51:11

“Kipenasi ŋikaleŋeleŋe, tosubakisi ŋaupala kus! Etonyou Ekapolon ŋitai a ŋirwosi a Medes, anerae elosikinit iŋes akinyasun Babilon. Erae ŋin akinyaŋa ŋina ebunit aneni ke Ekapolon, akinyaŋ Akai ka Akuj.

Yer. 51:30

Emyekis ŋikajiok a Babilon ajiore arubakis iboiyete anaduketa a ŋunajiet adaun agogoŋu kec ekwaanikin ikes ka ŋaberu, ecunyakin ŋakais a Babilon, abilibilaar ŋakito ŋuna egolitere ŋipukei keŋ.

Yer. 51:58

“Alimu Ekapolon ŋolo a ŋajoresyo ebe, ‘Eritakinio kwap arwatata a Babilon ŋina aburon kiriyanikin neni daadaŋ ka akwap neni ce, ido icunyaryo ŋipukei keŋ ŋulu aoyak. Ituupasi ŋituŋa koŋin ka iteŋedara ŋituŋa a ŋakwapin ŋiticisyo ŋulu icunyaryo.’ ”

Esek. 29:20

Adau ayoŋ ainakin Nebukadinesar akwap a Ijipit toruwor eropit ŋolo etiyaa iŋes, anerae abu iŋes ka ŋasigarya keŋ kitiyata aŋuna kaŋ.’

Dan. 5:6

Anenipei togelaaniya ereet a erwosit, tokadak iŋes anatameta, kikelikelakis ŋakejen keŋ, tonaŋanakin ŋakuŋin keŋ.

Dan. 7:5

Totakanu nabo etyaŋ ece ŋolo a ŋiarei ŋolo ekwaan ka etyaŋ ŋolo adedeŋan, aponi etyaŋ kitonyounoe ke epeiwae, ayakar etyaŋ ŋol ŋikyal ŋiuni ŋulu apolok nakituk keŋ ŋina aya ŋikyal ŋuluce ka aponi tolimokinae ebe, ‘Tonyou tonyam ŋawat ŋuna alalak.’

Dan. 8:3

Ani aŋoleŋolekini ayoŋ, abu eŋolik emesek ewoi alodiyete aŋolol, ayakar emesek ŋol ŋamomwar ŋaarei, aoyak ŋamomwar ŋun daadaŋ, nai aoi apei akilo ŋinace, nai abu ekaku tooyaar nooi akilo ŋinace.

Dan. 8:4

Etiji emesek ŋol ewae ŋolo alo To, ŋolo alo Kuju ka ŋolo alo Kwap, mam etyaŋ apedori akitijikin iŋes ka mam idio apedori aiun ŋini ejioto iŋes. Etiyae iŋes ŋuna acamit daadaŋ ka abu iŋes togogoŋior.

Naum 2:6

Apotu ŋipukei ŋulu ayakasi diyete ŋaŋololin toŋaaros, abu ekabule min neni a ŋituŋa a ŋulu aya kai ŋina ka apukan.

Naum 3:13

Kiŋolik ŋasigarya kon! Ekuryaka ikes ikwaan ka ŋaberu. Eŋaara ŋipukei a akwap kon aŋuna a ŋimoe kon. Anomiya akim ŋakito ŋuna edukunitere ŋipukei kon ŋul.