Isa. 44:5 - Ebaibul

⁵ Elimuni ituŋanan ipei ebe, ‘Arae ayoŋ ŋini a Ekapolon;’ enyarao ice a ekiro a Yakob, ido igiri ice nakan keŋ ebe, ‘Arae ayoŋ ŋini a Ekapolon,’ kituruwo ekiro a Isirael ŋolo keŋ.”

Isa. 44:5 Iomraidhean Croise

2 Ŋakiro a ŋirwa 36:23

“Ebala erwosit Kirus ŋolo a Perisia ebe, ‘Adau Ekapolon Akuj ŋina anakuj ainakin ayoŋ akipuka ŋakwapin daadaŋ anakwap, ido akaseu ayoŋ adukokin aŋuna keŋ Akai aŋuna keŋ Yerusalem nakwap a Yudaya. Tokona nai, iyes daadaŋ ŋulu irae ŋituŋa ka Akuj, apesi Yerusalem, elipi ayoŋ Akuj toruko kaapei ka iŋes.’ ”

Neem. 9:38

Aŋuna a ŋakiro a ŋun a daadaŋ, ikicamuni isua ka igiryo acamunet, ido igiryo nakipucakinet ŋirorwa a ŋikepukak kosi, a ŋilepi ka a ŋisacaradotin.

Ŋikiru. 116:16

Okoe Ekapolon, arae ayoŋ eketiyan kon; arae ayoŋ eketiyan kon, lokoku ka aketiyan kon; idau iyoŋ alacakin ayoŋ anatyokisyo a ŋuna akaenito.

Awos. 13:9

Emaikina nu totakana aneni kus ikote emacar ŋolo inapete iyes anakan kus ka anakyes kus erae akisiitunet, ikotere nyikimuryakis iyes ŋakiro ŋuna abu Ekapolon kitatam, anerae abu Ekapolon ikiyau iyes a apedori keŋ anakwap a Ijipit.

Isa. 2:3

Epote ŋituŋa anakwapin nen, ido temasi, “Potu, emaikina iwon etipeiyosi lokamukumukut ŋolo ke Ekapolon, Kai ŋina ka Akuj a Yakob, ikotere Ekapolon ikitatam iwon ŋuna ebala kiwuapa, ido opedosi iwon akiwuap ŋuna ebala iŋes.” Anerae Sion iŋes elomuniata ŋikisila, Yerusalem iŋes elomunia akirot ke Ekapolon.

Yer. 32:10

Abu ayoŋ ewuak akan kaŋ nacamunet ŋin, ogolok, oryamu ŋisuudae, tosodi epim ŋisiliŋa a ŋakipimet.

Yer. 50:5

Iŋisete ikes ŋituŋa neni eyai erot ŋolo elosere Sion kiteorito ina, epote nai ikes kimorikinos ke Ekapolon alotooma acamunet ŋina a ŋikaru ka ŋikaru, acamunet ŋina nyimuryakin nabo.

Mika 4:2

Epote ŋituŋa anakwapin nen, ido temasi, “Potu, emaikina iwon etipeiyosi lokamukumukut ŋolo ke Ekapolon, Kai ŋina ka Akuj a Yakob, ikotere Ekapolon ikitatam iwon ŋuna ebala kiwuapa, ido opedosi iwon akiwuap ŋuna ebala iŋes; anerae Sion iŋes elomuniata ŋikisila, ido, Yerusalem iŋes elomunia akirot ke Ekapolon.”

Sakar 13:9

Ekatakini ayoŋ ŋituŋa ŋulu idoŋete, ekatakini ayoŋ ikes oliu ikwaŋina eliyere esilipa, ekatakini ayoŋ ikes, ikwaŋina ipoere egolid toanyunere erae kejok. Enyaraete ikes ekiro kaŋ, ido aboŋokini ayoŋ ikes. Alimokini ayoŋ ikes ebe, ‘Irae iyes ŋituŋa kaŋ,’ ido elimunete ikes ebe, ‘Erae Ekapolon Akuj kosi.’ ”

2 Ŋikor. 8:5

Apotu ikes kitiyata ŋun--ŋuna pa atamakinitae isua tari iwadio! Ŋina eŋarenon, apotu ikes inakinos neni ke Ekapolon; ani ekaku aŋuna ka acamit a ŋina ka Akuj, apotu ikes inakinos neni kosi.

Ŋigal. 6:16

Toyai ekisil, ka akisyon neni a ŋulu iwuapito ŋakitatameta ŋun anakiyar kec--ka neni a ŋituŋa a daadaŋ a ŋulu iwuapito Akuj, ŋulu erae Ŋisirael ŋulu a kire.

Ŋigal. 6:17

Erikakini: nyitemokino nabo idiotuŋanan ekesican ayoŋ, anerae itoodiunito ŋapores ŋuna anakuwan kaŋ atemar arae ayoŋ epito ŋolo a Kristo.

1 Pet. 2:9

Nai irae iyes ebuku ŋoloseuna, ŋisacaradotin ŋulurwosi, ŋituŋa ŋulu etyakaritae neni ka Akuj, ŋituŋa keŋ ka alope. Ikiseu iŋes iyes akisera ŋiticisyo ŋulu apolok nooi, ŋulu a ŋolo ikinyarau iyes anakiryonut tooma nakica keŋ, ŋina ka aumokin.