Isa. 44:3 - Ebaibul

³ anerae emyekini ayoŋ ŋakipi pena nakwap ŋina eyakar akure ka epete ŋaŋololin nakwap ŋina aonon; abukuni ayoŋ etau kaŋ neni a ŋiletok kus ka arereŋu kaŋ neni a ŋidwe kus.

Isa. 44:3 Iomraidhean Croise

Yob 5:25

Iyenuni atemar elalaketa ŋiletok kon ka elalaketa ŋidwe kon lopite ŋolo elalaketa ŋinya anakwap.

Ŋikiru. 107:35

Abu kituruwo aloŋisat neni eya ŋataparin, abu kituruwo ŋalaroi ŋilelyan.

Ŋikiru. 63:1

Okoe Akuj, irae iyoŋ Akuj kaŋ, ekeitanit ayoŋ iyoŋ, ekeburit ayoŋ nooi aanyun iyoŋ, alilimiyo akuwan kaŋ aŋuna ka akiitanit iyoŋ, alilimiyo lopite ŋolo iyakar nakwap ŋina aonon ka ŋina acaryoonon ŋina emam ŋakipi.

Ŋakit. 1:23

Tocamutu akimyekin ŋuna abala ayoŋ iyes kimyekisi; akabukokini ayoŋ iyes ŋatameta kaŋ; eketuruwori ayoŋ iyes ŋulu iyenunete ŋakiro kaŋ.

Isa. 27:3

“Ayoŋ Ekapolon arae eketen emanikor a epiini, a ŋinapaki abuki ayoŋ iŋes ŋakipi. Ete ayoŋ iŋes nakwaare ka naparan, ikotere nyinyasu ituŋanan idio iŋes;

Isa. 32:15

akitodol akoloŋit ŋina iyakuunia Akuj etau alokidiama neni yok, ido eruwor aloŋisat akibois ŋina eya ŋimanikorin ŋulu araak ŋaraito ka ikwaanikin emanikor ŋolo araan ŋol ka amoni.

Isa. 32:2

Eruwor neni kec eiunotor ŋituŋa ikwa akibois ŋina ipakarit ekuwuam, kori akibois ŋina ikimukori anakiru a ŋina alalan. Ikwaanikin ikes ka ŋayona ŋuna elelyata ŋakipi analoŋisat, ikwaanikin ka etolim a ataaba a ŋina apolon anakwap a ŋina ka akure.

Isa. 41:17

“Ani epote ŋikulyak ka ŋituŋa ŋulu eyakatar akiitanit iwarito ŋakipi, ido nyeryamut ŋadi, tooko ŋaŋajepa kec aŋuna ka akure, ayoŋ Ekapolon aboŋokini ikes, ayoŋ Akuj a Isirael nyemyekini ikes.

Isa. 48:19

Kelalak ŋidwe kus ikwa asinyon ka kelalak ŋiletok kus lopite ŋolo eyakar asinyon; pa keŋopiya ekiro kec anakwap, kori pa kemunyara ikes alokiŋaren kaŋ.”

Isa. 48:21

Apaki ŋina arikitor iŋes ikes analoŋisat, nyenyama ikes akure, abu iŋes kiteleleu aŋuna kec ŋakipi anataaba, abu iŋes kibel ataaba, ido tonaŋun ŋakipi anataaba.

Isa. 49:10

Nyenyami ikes akoro, kori akure, nyeari ikes ekuwuam ŋolo amwanan, kori akoloŋ, anerae iteni ikes ŋolo abu kisyoni ikes, iteni ikes kitoryo neni eya ŋiitan a ŋakipi.

Isa. 55:1

Okoe, potu daadaŋ ŋulu ikinyamit akure, potu neni eya ŋakipi ka iyes ŋulu imamukatar ŋisiliŋa potu, potu togyela ka kimuja! Potu togyela epiini ka ŋakile emam ŋisiliŋa ka emam etyae a ŋisiliŋa.

Isa. 59:21

Alimu Ekapolon ebe, “Erae na acamunet kaŋ ka ikes. Ameun tokona tari ŋikaru ka ŋikaru, etau kaŋ ŋolo eyai neni kus ka ŋakiro kaŋ ŋuna ewuak ayoŋ nakituka kus, nyiyotorete anakituka kus, kori anakituka a ŋidwe kus, kori anakituka a ŋidwe kec.”

Isa. 61:9

Eyenunio ŋiletok kec anakwapin ka eyenunio ŋidwe kec alotuŋa, ŋituŋa daadaŋ ŋulu iŋolikinete ikes, ecamunete atemar erae ikes ŋituŋa ŋulu adau Akuj akiterereŋ.”

Isa. 65:23

Nyitiyaete ikes ikoŋin, kori nyeuruunete ŋidwe ŋulu eryamunete ŋican, anerae eruwor ikes ŋiletok ŋulu iterereŋit Ekapolon kaapei ka ŋipapae kec.

Esek. 34:26

Eterereŋi ayoŋ ikes, esilimi ayoŋ akiru edoli apaki nakiboisyo ŋuna irimokinito emukura kaŋ kidiŋ, eruwor akiru ŋin arereŋu aneni kec.

Esek. 36:27

Ewuakini ayoŋ etau kaŋ neni kus ka akainakini ayoŋ iyes kiwuapa ŋakiro ŋuna atubunit ayoŋ ka tocoikis nooi epite ŋolo iwuapitotor ŋikisila kaŋ.

Esek. 39:29

mam nabo jik nyaŋeri ayoŋ akisiŋolikin ikes apaki ŋina abukokinia ayoŋ etau kaŋ neni a Ŋisirael.”

Esek. 47:8

Tema ekile ŋol neni kaŋ, “Eleleete ŋakipi nu nakwap ŋina eyai lowae ŋolo alo Kide, ido totiyaaros Araba. Ani elomarete nanam ŋina ewuatar ŋakipi, toruwor ŋakipi ŋuna ajokak.

Osea 10:12

Kitiyata aŋuna kus ŋiticisyo ŋulu ka akiyookino, toyakaunotor amina ŋina nyiryaŋiryaŋa. Kikukorikisi ŋimanikorin kus ŋulu idaut iyes akitare, anerae adol apaki ŋina emaikina iyes kiwaryata Ekapolon, ikotere iŋes ebuni ainakin iyes ŋarereŋisyo ŋuna ka akiyookino.

Yoel 2:27

Nen nai iyenuniata iyes atemar ayai ayoŋ Isirael, arae ayoŋ Ekapolon Akuj kus, mam Akuj ace; mam nabo nyirumete ŋileec ŋituŋa kaŋ.”

Yoel 2:28

“Ekaku, eyakikini ayoŋ Etau kaŋ lotuŋa daadaŋ. Edwarete ŋikusidwe ŋulusapa ka ŋulupesur, irujaete ŋikasikou kus, ka eanyunete ŋikusisorok ŋatakanikineta.

Yoel 3:1

“Alorwa a ŋul ka anapaki a ŋin, ŋina enyakunia ayoŋ ajokis Yudaya ka Yerusalem,

Yoel 3:18

“Akoloŋit ŋin, elomuni epiini ŋolo abobon alomukur, eleleunete ŋakile alomukur, ido elelearete ŋakipi alotai a ŋayona a Yudaya a daadaŋ; elomuni elelya alo Kai ke Ekapolon, toleleya nayonae ŋina enyaritae Sitim.

Mika 5:7

Epote nai ŋituŋa a Yakob ŋulu apiyanun akiboiyor nakwapin ŋuna alalak, ikwaanikin ikes a nen ka ŋakopi ŋuna eyaunit Ekapolon, ŋuna itojokete akwap, ikwaanikin ikes a nen ka akiru ŋina itilibuni ŋinya. Eruwor Akuj iyoki ikes, meere ituŋanan.

Sakar 12:10

“Elelebikini ayoŋ neni a ŋipapae a Daudi ka ŋituŋa ŋuluce ŋulu a Yerusalem etau ŋolo ka akisyon ka ŋolo ka akilip. Iŋoliunete ikes neni kaŋ a ŋolo apotu ikes kicuma, igworete ikes aŋuna kaŋ lopite ŋolo igworor ituŋanan aŋuna a ikoku a ŋini sek arae ipei bon. Iyaloloŋete ikes aŋuna keŋ nooi, lopite ŋolo iyaloloŋio ituŋanan ikoku ŋini erae ikiyae.

Mat. 12:43

“Nai ani elomari ekipye anituŋanan, elosi nariet kitor neni emam ŋakipi, iwarit neni kieŋunet, nai ani keŋopiki iŋes neni kieŋunet,

Ŋitic. 10:45

Toumokis ŋikanupak ŋulu arae Ŋiyudayan, ŋulu arukunete ka Petero, a ŋuna ainakinia Akuj Etau keŋ tari lotuŋa ŋulu pa arae Ŋiyudayan.

Ŋitic. 2:17

‘Ebala Akuj, etiyakini ayoŋ nu alorwa a ŋulu esidyok; eyakikini ayoŋ Etau kaŋ lotuŋa daadaŋ. Edwarete ŋikusidwe ŋulusapa ka ŋulupesur, eanyunete ŋikusisorok ŋatakanikineta ka irujaete ŋikasikou kus.

Ŋitic. 2:33

Adau Akuj Papa akitopoloor iŋes, ewuak lowae keŋ ŋolo aloteten ka ainakin iŋes Etau ŋolo Asegan ikwaŋina aris kiikinere; ido ŋuna iteete iyes ka topupete tokona, erae ainakinet ŋina ke Etau a ŋolo Asegan a ŋolo ikibukok Yesu isua.

Ŋitic. 2:39

Anerae arae akiikinet ka Akuj ŋina kus ka ŋikusidwe ta neni a ŋituŋa a daadaŋ a ŋulu elwaka a ŋulu enyaraunit Ekapolon yok Akuj neni keŋ.”

Akis. 21:6

Tema nabo neni kaŋ, “Erikakin! Arae ayoŋ Alpa ka Omega--Akisyakinet ka Asalunet. Ŋini daadaŋ enyami akure, ainakini ŋakipi ŋuna emam egyelit, ŋuna aloitanit a ŋolo ka akiyar.

Akis. 22:17

Ebasi Etau ka Ateran, “Bua!” Itemokino ituŋanan daadaŋ ŋini iirari nu tema, “Bua!” Itemokino iŋes ŋini enyamit akure bu, itemokino iŋes ŋini ecamit ŋakipi ŋuna ka akiyar, ya pa egyelit.