Isa. 44:26 - Ebaibul

²⁶ Ayoŋ esiyoonokini ŋakiro ŋuna irworosi ŋiketiyak kaŋ ka esiyoonokini ŋakiro ŋuna edwarete ŋikiyakya kaŋ; ayoŋ alimuni aŋuna a Yerusalem ebe, ‘Epote ŋituŋa akiboi alotooma keŋ’ ka ayoŋ alimu aŋuna a ŋitaunio a Yudaya ebe, ‘Edukokinio ikes nabo ka etonyouni ayoŋ ŋarwatatain a ŋakais kec ŋuna eritanakina.’

Isa. 44:26 Iomraidhean Croise

2 Ŋirw. 7:16

Tonyout nai ŋituŋa ŋulu ke etaun a Samaria toloto aŋatar ŋiboro aneni sek eboiyoto ŋasigarya ka Aram. Togyelanarae ŋaganoi ŋuna ajokak nooi ŋuna a ŋakiloi a ŋauni ka ŋikinyom ŋulu ikote erau ŋulu a ŋakiloi a ŋakanikapei a ecekel ke epei, lopite ŋolo alimunitor Ekapolon aneni ke Elisa.

2 Ŋirw. 7:18

Aris sek Elisa kirwor neni ke erwosit ebala, “Moi taparacu esaa lopei lo igyelete iyes alopuke a Samaria ŋikinyom ŋulu ikote erau ŋulu a ŋakiloi a ŋakanikapei ka ŋaganoi ŋuna ajokak nooi ŋuna a ŋakiloi a ŋauni a ecekel ke epei.”

2 Ŋirw. 7:20

Apotu kire ŋun kitiyakinos neni keŋ, kipudaasi ŋituŋa iŋes alopuke ke etaun totwan.

Esir 2:70

Apotu ŋisacaradotin, ŋilepi ka ŋituŋa ŋice kiboikinos alo Yerusalem ka alodiyete Yerusalem; tosodi kiboiyosi ŋikaeok, ŋiketeok ŋipukei ka ŋiketiyak ŋulu ka Akai ka Akuj lotaunio kec ka apotu Ŋisirael ŋuluce daadaŋ kiboiyosi lotaunio kec.

Neem. 1:3

Okoboŋokis ikes ayoŋ temasi, “Ŋipiya ŋulu eya ama Yudaya, ŋulu aponi nyerikor, eyakasi locan ŋulu apolok ka loleec; aritaasi ŋimoe arwatata ŋina a Yerusalem ka amunaasi ŋipukei keŋ ka akim.”

Neem. 2:3

Olimok ayoŋ erwosit otema, “Elipi torubak erwosit eyari ŋikaru ka ŋikaru! Ikokini ereet kaŋ pa enyorididi, tomunaara etaun ŋolo erae akibois ŋina enukitae atapapaa kaŋ ka tomunaaritetei ŋipukei ka akim ai?”

Ŋikiru. 102:17

Iirari iŋes akilip a ŋulu a ŋican, ido nyejamuwari akilip kec.

Ŋikiru. 147:2

Edukokini nabo Ekapolon Yerusalem; ecununi Ŋisirael ŋulu arikor nakwapin.

Ŋikiru. 69:35

anerae eiuni Akuj Sion, edukokinio nabo ŋitaunio ŋulu a Yudaya; ido iboikinosi ŋituŋa keŋ nen, toruwor akwap ŋin ŋina kec;

Ŋikiru. 69:36

eruwor akwap ŋin ŋina a ŋidwe a ŋituŋa keŋ, ido iboiyete a nen daadaŋ ŋulu eminasi iŋes.

Ekal. 3:3

eyai apaki ŋinaaret ka eyai apaki ŋina kitaŋaleet; eyai apaki ŋina etiyaarere ibore min kwap ka eyai apaki ŋina edukokinere;

Isa. 40:9

Okoe ŋituŋa a Sion, toloto lomoru ŋulu aoyak, kiserata a nen ŋakiro ŋuna ajokak, tocelutu a ŋitoilon a ŋulu apolok, okoe ŋituŋa a Yerusalem, kiserata ŋakiro ŋuna ajokak, tolimosi ŋakiro ŋun, nyikuryaketa. Tolimokisi ŋituŋa ŋulu iboiyete alotaunio a Yudaya ebe, “Eyai Akuj kus ne.”

Isa. 42:19

Ŋae emudukana, mati eketiyan kaŋ? Kori ekiŋimana ikwaan ka eketiyan kaŋ ŋolo eyakit ayoŋ? Ŋae emudukana ikwaan ka ŋolo einakina aŋuna kaŋ, kori emudukana ikwaan ka eketiyan ŋolo a Ekapolon?

Isa. 42:9

Kiirasi, alunyarosi ŋakiro ŋuna ŋorok, erworo tokona ayoŋ ŋakiro ŋunakitet; ani eriŋa ŋakiro ŋun nyetakanuna, akalimokini ayoŋ iyes ikes.”

Isa. 49:8

Alimu Ekapolon ŋakiro nu, “Ani ŋina adolyo akoloŋit ŋina akaiunia iyes, abu ayoŋ ekeŋarak iyes, adau ayoŋ akiyok iyes, akituruwor iyes acamunet aŋuna a ŋituŋa a ŋakwapin, akinyakakin akwap lotuŋa kaŋ, akoranakin nabo akwap ŋina abu toruwor ekasile neni a ŋituŋa.

Isa. 52:9

Toeikisi iyes daadaŋ kaapei, ŋaduketa a Yerusalem ŋuna eritakinitae kwap, anerae eŋarak Ekapolon ŋituŋa keŋ, ido alaku iŋes Yerusalem.

Isa. 54:3

isiyotoryo ŋikukorin a akibois kon lowae ŋolo aloteten ka ŋolo alokedyeny, ikamarete ŋiletok kon ŋakwapin ka iboikinosi lotaunio ŋulu apotu toruwor ŋireŋoroto.

Isa. 55:11

ikokini nenipei akirot kaŋ ŋina alimuni ayoŋ, nyeboŋuni neni kaŋ emam ibore eyakar, nai isiyookini ŋakiro ŋuna sek alimunitor ayoŋ iŋes ka kisiyook ŋuna eyakitor ayoŋ iŋes.

Isa. 58:12

Edukokinio nabo ŋakais kus ŋunakoloŋ ŋuna aritanakina, idukokinete iyes ŋakais ŋuna a ŋanyemeta a ŋuna alalak; ikinyarao iyes ŋikadukokinak nabo ŋarwatatain ŋuna abwaŋabwaŋaara, ŋikewuakinak nabo ŋirotin a etaun ŋulu eya ŋakais nawae.

Isa. 60:10

Edukete ŋigelaanotin ŋarwatatain kus, ikitiyanakinete iyes ŋirwosi kec, anerae abu ayoŋ ananyunyura kaŋ ekesican iyes; nai anajokis kaŋ, adau ayoŋ akisyon iyes.

Isa. 61:4

Edukokinete ikes nabo ŋireŋoroto ŋulu koloŋ, ituruworete ikes ŋakiboisyo ŋuna koloŋ aponi toesikinae ŋuna ekitetyaka, esubanakinete ikes nabo ŋitaunio ŋulu aponi kinyasunae; ŋireŋoroto a ŋanyameta a ŋuna alalak.

Yer. 1:10

Kiira, nakoloŋit na akaseu ayoŋ iyoŋ topolok ŋakwapin ka ŋapukasinei, arutun ka aritakin kwap, amunaar ka akikamar, adukokin ka adupakin.”

Yer. 28:9

Nai ekadwaran ŋolo edwari ŋuna ke ekisil, eyenunio atemar erae Ekapolon kire iyakuunit ekadwaran ŋol erae kiyookin ŋakiro ŋuna edwari iŋes.”

Yer. 30:18

Alimu Ekapolon ŋakiro nu ebe, “Enyakari ayoŋ ŋituŋa kaŋ nakwap kec, ido esyoni ŋikalya daadaŋ, edukokinio Yerusalem nabo, inyakakinio akai ŋina ka apukan nakibois ŋina pei sek ayai.

Yer. 31:4

Okoe ŋituŋa a Isirael, eketogogoŋi ayoŋ iyes nabo iruworosi nabo ŋulu igogoŋ. Ilemunete nabo iyes ŋiburin kus, tolomasi kiŋa kidoŋata ka alakara.

Yer. 32:15

anerae alimu Ekapolon ŋolo a ŋajoresyo, Akuj a Ŋisirael atemar egyelyo moi nabo anakwap a na ŋakais, ŋimanikorin ŋulu a ŋikinyom ka ŋimanikorin ŋulu edupitae ŋikito a epiini.’ ”

Yer. 32:44

Egyelyo ŋimanikorin a ŋisiliŋa, iwuakinete ŋituŋa ŋakan kec nabaruwae ŋuna ka acamunet a ŋina egyelere ŋimanikorin ŋul, ido togolokinoe ŋabaruwae ka emaikina toyakas ŋisuudae, itiyakin nu anakwap a Benjamin, anakiboisyo a ŋuna idunyito Yerusalem, lotaunio a Yudaya, anakwap a ŋina a ŋikamukumukui, alo Sepela, alo Negeb, anerae enyakuni ayoŋ ŋituŋa nakwap kec. Adau ayoŋ Ekapolon alimun ŋun.”

Yer. 33:7

Enyakuni ayoŋ ŋituŋa a Yudaya ka ŋituŋa a Isirael aneni aponi torikoroe, etogogoŋ ikes lopite ŋolo ayakatar ekiŋaren.

Esek. 36:10

Etalalauni ayoŋ ŋituŋa kus, elalata nooi Ŋisirael daadaŋ. Iboikinosi iyes lotaunio ka idukete nabo ŋitaunio ŋulu keponi kimyekinae ŋamoru bon etukosi.

Esek. 38:17

“Alimu Ekapolon Akuj atemar, meere mono iyoŋ erworo ayoŋ ŋakiro kon paaran aneni a ŋiketiyak kaŋ a ŋikadwarak alo Isirael a? Apotu ikes ŋirwa ŋul todwara ŋakiro alotooma ŋikaru ŋulu alalak, tolimut atemar akayauni ayoŋ iyoŋ akirem Ŋisirael.

Dan. 9:12

Esiyook Ekapolon ŋakiro keŋ, ŋakiro ŋuna abu iŋes kirwor ikitoroniyarit isua ka ŋikapolok kosi, etiya Ekapolon ŋun anainakin isua ŋican ŋulu apolok nooi. Ŋuna etiyakin Yerusalem, mam akwap anakwap a daadaŋ ŋina etiyakin ŋun.

Dan. 9:25

Aŋun, toyenu atemar ameun anapaki a ŋina alimorere atemar emaikina kinyakunae Yerusalem ka todukoe nabo, akitodol apaki ŋina ebunio ekarikon ŋolo eseunit Akuj, eyakaun ŋikaru ŋatomoniomwon ka ŋikanikaomwon ka alotooma ŋikaru ŋamiae ŋaomwon ka ŋatomonikanikapei ka ŋiomwon, edukokinio Yerusalem nabo toyakaun ŋirotin ŋulu ke etaun ka ŋarwatatain ŋuna erae ŋatabab ewuatere etaun, nai itiyao ŋun anapaki a ŋina a ŋican.

Amos 9:14

Enyakuni ayoŋ ŋituŋa kaŋ Ŋisirael nakwap kec, edukokinete ikes nabo ŋitaunio kec ŋulu aponi kinyasunae, ido kiboikinos tooma ŋitaunio ŋul, itaete ikes ŋimanikorin kec ŋulu ke epiini, ido tomata epiini kec. itaete ikes ŋimanikorin kec, ido tonyama ŋaraito kec.

Agai 1:13

Tolimok nai Agai, ekiyakia ŋolo ke Ekapolon ŋituŋa ŋakiro ŋuna ke Ekapolon tema, “Ebala Ekapolon, ikirukit ayoŋ ka iyes.”

Sakar 1:17

Kisera jik atemar ŋakiro ŋuna irworo Ekapolon ŋolo Etiron ikes nu, ‘Ilelebun nabo ebari lotaunio kaŋ; isirworiuni nabo Ekapolon Sion, ido eseuni nabo Ekapolon Yerusalem ikwapei etaun keŋ.’”

Sakar 1:6

Ani bo ŋakiro kaŋ ka ŋikisila kaŋ, ŋulu abu ayoŋ olimok ŋikadwarak kaŋ, ŋulu arae ŋiketiyak kaŋ, pa mono apotu ŋun kiduposi atapapaa kus toryamut ŋican aŋun a? Aŋun, apotu ikes tokiwa temasi, ‘Adau Ekapolon ŋolo Etiron akitiya neni yok ŋuna emaikina iwon oryamutu aŋuna ka aronis yok ka aŋuna a ŋiticisyo yok a ŋulu aronok. Etiya iŋes ŋun lopite ŋolo sek ayeunitor akitiyakin.’ ”

Sakar 12:6

“Apaki ŋin, esikwaanikini ayoŋ ŋatekerin a Yudaya ka akim ŋina enomi amoni, kori ŋina enomi ŋatukon a ŋikinyom. Emunyarete ŋituŋa a Yudaya ŋituŋa a ŋakwapin a ŋuna idunyatar ikes. Idoŋete ŋituŋa a Yerusalem lotaun emam ŋace.

Sakar 2:4

Tema neni keŋ, “Tomotun, tolimok esorokit ŋol ŋolo eyakar akipimet ebe, ‘Ebala Ekapolon, eruwor Yerusalem etaun ŋolo emam ŋarwatatain aŋuna alalauniata nooi ŋituŋa keŋ ka ŋibaren keŋ.

Mat. 26:56

Nai etiyakinosi nugu daadaŋ kiyookinotor ŋuna igirito ŋikadwarak.” Toesikis nai ŋikasyomak daadaŋ iŋes kielaros.

Mat. 5:18

Akalimokini ayoŋ iyes kire atemar, mati kesalu nakuj ka akwap, emam enyukuta kori akirot adio cici ŋina ikisaryo a Lokisila, mati kirikakin ŋakiro daadaŋ.

Luk. 24:44

Tolimok Yesu ikes tema, “Erae ŋakiro nu ŋuna paaran akalimokinit ayoŋ iyes eriŋa iwon ikirukit; ŋakiro daadaŋ ŋuna egiritae a ŋuna kaŋ Lokisila ŋulu a Moses ka nakigireta ŋuna a ŋikadwarak ta lokirukisyo a Daudi; itemokino daadaŋ kiyookin.”