Isa. 44:25 - Ebaibul

²⁵ Ayoŋ ŋolo nyemyekini kiyookin ŋakiro ŋuna edwarete ŋimodiyanotin, ayoŋ ŋolo eturuwori ŋikadwarak ŋuna aronok ŋibaŋaanotin ayoŋ alemari asyomit a ŋikaosok, eturuwo aosou kec abaŋao.

Isa. 44:25 Iomraidhean Croise

2 Sam. 15:31

Apaki ŋin, keris kelimokin Daudi ebe, “Erae Aisopel epei a ŋulu ariwo ka Abusalom.” Aŋun, abu Daudi kilip tema, “Okoe Ekapolon, kituruwo Aisopel ebaŋ anakiro a ŋuna elimuni.”

2 Sam. 16:23

Apaki ŋin, ajokak ŋakiro ŋuna alimuni Aisopel, ekwaan ka ŋuna elimokini Akuj ituŋanan. Apotu Daudi ka Abusalom kiwuapa ŋakiro keŋ.

2 Sam. 17:23

Ani eyenuni Aisopel atemar mam ituŋanan abu kiwuap ŋakiro keŋ, abu toenik esigirya keŋ toboŋo kai keŋ lotaun kec. Kitemok ŋiboro alokai keŋ, ido tomyedakin. Ani kedau iŋes atwanare, aponi yaarae akuwan keŋ tonukae neni anukitae papa keŋ.

1 Ŋirw. 22:37

Aŋun, abu erwosit a Isirael totwana, ido aponi yaunae iŋes Samaria tonukae nen.

2 Ŋakiro a ŋirwa 18:11

Apotu ŋikadwarak ŋuluce daadaŋ todwara ŋakiro ŋunapei ŋun temasi, “Ape, kitijik ŋituŋa a Ramos-Gilead, ireuni iyoŋ ikes, anerae einakini Ekapolon Ramos Gilead neni kon a erwosit.”

2 Ŋakiro a ŋirwa 18:34

Tomwanu ejie nooi akoloŋit ŋin, torubak erwosit a Isirael iboi anagaari keŋ iŋoliyarit neni ayakasi Ŋiarameani akitodol eboŋ. Ani edoiyori akoloŋ, kiridak iŋes.

Ŋikiru. 33:10

Ituruwonori Ekapolon ŋakiro ŋuna aronok, ŋuna etukete ŋakwapin ŋacaryo; nyisiyoonokini Ekapolon ŋakiro ŋuna aronok ŋuna etukete ŋituŋa.

Awos. 9:11

Apotu ŋikekukujak nyepedosi aponare neni ayai Moses, anerae ayakatar ikes ŋilepunoe, apotu ŋilepunoe kiteryamut ŋikekukujak kaapei ka ŋituŋa a Ijipit daadaŋ ŋican.

Isa. 19:3

Ekadakini Ŋijipitian, ido eruwor ŋakiro ŋuna eyeunete ikes ŋacaryo; elosete ikes akiŋita ŋakiro aneni a ŋitorubei a ŋakujo, aneni a ŋitai a ŋikatwak ka aneni a ŋimurok ta aneni a ŋililae,

Isa. 29:14

Aŋun, etiyae ayoŋ nabo ŋakiro ŋuna ka aumokin lotuŋa lu, ŋakiro ŋuna eteryaŋakinak ka ŋuna ka aumokin. Eŋopiyari aosou a ŋikaosok kec, epuripuryaar aneni a ŋipiiryanotin apiiryanut ŋina ka ayenut ŋakiro.”

Yer. 49:7

Alimu Ekapolon ŋolo a ŋajoresyo ŋakiro nu aŋuna ke Edom, “Nyeriŋa mono aosou eyai lotuŋa ŋulu a Teman a? Adaun mono ŋakitatameta aneni a ŋikaosok a? Aŋopiya mono aosou kec a?

Yer. 50:36

Earyo a ekileŋ ŋikerujak keŋ, earyo a ekileŋ ŋikajiok a Babilon, ikotere eruworotor ikes ŋibaŋaanotin, ikotere emunyaryo ikes.

Yer. 51:57

Etemerakini ayoŋ ŋikapolok a Babilon ka ŋikasikou keŋ, kaapei ka ŋikepukak keŋ ka ŋulu iwuapito ŋul anapukan ta ŋikajiok keŋ; ejotoorosi ikes ŋajo ŋuna nyekyenyuniata nabo jik ŋikaru ka ŋikaru.” Erwosit, ŋolo erae ekiro keŋ Ekapolon ŋolo a ŋajoresyo, iŋes alimu ŋakiro ŋun.

Dan. 1:20

Anakiro a daadaŋ ka aosou ta anayenut daadaŋ ŋuna iŋisi erwosit ikes, abu erwosit toryamu atemar eloito ikes nooi ŋarwa ŋatomon ŋimurok ŋulu edwarete daadaŋ ka ŋimurok ŋulu a akwap keŋ.

Dan. 4:7

Apotu nai potu neni ayai ayoŋ ŋikekukujak, ŋimurok ŋulu enyaraununeete ŋimuno, Ŋibabiloniyae ka ŋimurok, ido abu ayoŋ olimok ikes ŋakiro ŋuna abu ayoŋ eruja, apotu nai ikes nyepedosi alimokin ayoŋ apolou a ŋakiro a ŋun.

Osea 9:7

Adolut ŋirwa ŋulu ka akisicanio, adolut ŋirwa ŋulu a ŋinyaŋ, igworosi ŋituŋa a Isirael ebasi, “Erae ekadwaran ebaŋ, irumito ŋikerep ituŋanan ŋini eyakar etau ŋolo ka Akuj.” Aŋuna a ŋasecisya kus a ŋuna alalak, elalak daŋ ŋiminan kus.

Mika 3:7

Irumete ŋikadwarak ŋileec. Nyelakarosi ŋimurok, ituruworyo ikes daadaŋ ŋicaryo, anerae nyeboŋokini Akuj ŋakiro kec.

Sakar 10:2

Eminasi ŋituŋa alosenen akiŋita akiru nakujo, kori lomurok. Isilereununeete ŋice apolou a ŋakiro a ŋuna kirujatae, nai nyiyookino ŋakiro kec ka erae ŋakoŋinae. Aŋun, itwaŋaete ŋituŋa esibit ŋamesekin ŋuna eolito, eyakasi ikes locan, anerae emam ekarikon.

Ekim. 23:23

Kire, mam ŋakikukujaeta ŋuna itoroniayarito ŋuna Yakob, mam ŋadwareta ŋuna aronok ŋuna itoroniarito Isirael. Tokona elimunio aŋuna a Yakob ka Isirael ebe, ‘Kiŋolikisi ŋuna etiya Akuj!’