Isa. 44:23 - Ebaibul

²³ Okoe iyes ŋisubuna ŋulu alokidiama toeikisi, anerae adau Ekapolon akitiya ŋuna ka alakun; okoe iyes ŋisubuna ŋulu iyakasi kwap akwap, tocelutu ieosi, okoe iyes ŋimoru, toeikisi, okoe ŋamoni ka ŋikito daadaŋ ŋulu iyakasi namoni, toeikisi, anerae alaku Ekapolon ŋiletok a Yakob, tosodi itopolooryo iŋes alo Isirael.

Isa. 44:23 Iomraidhean Croise

1 Ŋakiro a ŋirwa 16:31

Emaikina ŋisubuna ŋulu anakuj tolelyana, emaikina ŋisubuna ŋulu alokwap tolakaros; emaikina ŋisubuna ŋulu anakuj ka ŋulu alokwap tolimosi ebe, “Ekapolon iŋes erae erwosit!”

1 Ŋakiro a ŋirwa 16:32

Emaikina anam kirurumak ka ibore daadaŋ ŋini eyai tooma keŋ; emaikina ŋimanikorin tolakaros ka ibore daadaŋ ŋini eyai tooma kec.

1 Ŋakiro a ŋirwa 16:33

Eeikinete nai ŋikito a ŋamon alotooma alelyanu alokiŋaren Ekapolon, anerae ebuni iŋes atubokin ŋituŋa.

Ŋikiru. 148:7

Kipuro anakwap Ekapolon, iyes ŋisubuna ŋulu apolok ananam ka ŋulu iya kwap ŋakipi.

Ŋikiru. 148:9

Kipuro Ekapolon iyes ŋimoru ka ŋimukura daadaŋ, ŋikito ŋulu a ŋaraito ka ŋulu a Cedar daadaŋ,

Ŋikiru. 65:13

Ilelebunun ŋisipanin a ŋamesekin nadakarisinei, ido ilelebunun ŋikinyom nakadipaalae; elakar ŋinibore daadaŋ lopite ŋolo elakarotor ŋituŋa tocela ka toeoto.

Ŋikiru. 69:34

Okoe nakuj ka akwap, kipuro Akuj, iyes ŋanamyo ka ŋisubuna daadaŋ ŋulu eya tooma kec, kipuro Akuj;

Ŋikiru. 69:35

anerae eiuni Akuj Sion, edukokinio nabo ŋitaunio ŋulu a Yudaya; ido iboikinosi ŋituŋa keŋ nen, toruwor akwap ŋin ŋina kec;

Ŋikiru. 89:13

Epol nooi agogoŋu kon, itopolooritae nooi apedor kon.

Awos. 18:9

Tolelyan Yesiro a ŋakiro a ŋun a daadaŋ a ŋuna kebu Ekapolon kitiya neni a Ŋisirael, aŋuna aiunia Ŋisirael aneni a Ŋijipitian.

Isa. 12:5

Toeikisi ŋieosyo ŋulu ka akipuro neni ke Ekapolon, anerae etiya iŋes ŋiticisyo ŋulu ailiilok, kimyekisi ŋakiro ŋun toyenut ŋituŋa daadaŋ anakwap.

Isa. 26:15

Okoe Ekapolon itolalau iyoŋ akwap kosi, iyatak iyoŋ akwap kosi alowaetin a daadaŋ; aŋun ikitopolooritae iyoŋ.

Isa. 43:1

Nai tokona Ekapolon ŋolo ikisubuni iyes ŋiletok a Yakob, iŋes ŋolo ikisubuni iyes ŋituŋa a Isirael iŋes alimu atemar: Nyikuryaketa, anerae adau ayoŋ alakun iyes; akanyar ayoŋ iyes a ekiro, ido iruworosi iyes ŋituŋa kaŋ.

Isa. 43:7

Yautu daadaŋ ŋulu enyaritae a ekiro kaŋ, ŋulu abu ayoŋ osub aŋuna ka akitopoloor ayoŋ, ŋituŋa ŋulu abu ayoŋ oyeu ka osub.”

Isa. 46:13

Etaapu ayoŋ alakuno neni kus, nyeriŋa elwana, ido nyedidi aiun kaŋ iyes; ewuakini ayoŋ aiuno Sion aŋuna a Ŋisirael a ŋituŋa kaŋ.”

Isa. 49:13

Okoe iyes ŋisubuna ŋulu alokidiama, toeikisi ka alakara, okoe iyes ŋisubuna ŋulu alokwap, tocelutu ka alelelyanu; okoe iyes ŋisubuna ŋulu iya lomoru tocelutu ieosi, anerae esirworiu Ekapolon ŋituŋa keŋ ka isyoni ŋituŋa keŋ ŋulu eryamunito ŋican.

Isa. 49:3

Abu iŋes tema neni kaŋ,“Irae iyoŋ Isirael eketiyan kaŋ, ŋolo aryamunia ayoŋ akitopolooro.”

Isa. 52:9

Toeikisi iyes daadaŋ kaapei, ŋaduketa a Yerusalem ŋuna eritakinitae kwap, anerae eŋarak Ekapolon ŋituŋa keŋ, ido alaku iŋes Yerusalem.

Isa. 60:21

Eruworosi ŋituŋa kus ŋulu iyookino; ituruworete ikes akwap ŋina kec ŋikaru ka ŋikaru. Erae ikes ŋaten ŋuna abu ayoŋ etolomu, erae ikes etic ŋolo a ŋakan kaŋ, ikotere ayoŋ epedoryo akitopoloor.

Isa. 61:3

ainakin neni a ŋulu iyaloloŋete alo Sion ebokot ŋolo ka alelyanu akilo akipurupura ekuron, akimyet ŋina ka alakara akilo akigworo, ainakin ikes ŋilowi ŋulu ipurore Akuj akilo ŋitai ŋulu iyalaara. Enyarao ikes ŋikuyono ŋulu ka akiyookino, ŋidupakina ŋulu a Ekapolon aŋuna ka akitoodiun apolou a Ekapolon.

Yer. 31:11

Aiu Ekapolon ŋituŋa a Yakob, alaku ikes aneni a ŋulu egogoŋ akilo ikes.

Yer. 51:48

Ekaku ŋun, ecelunete ka alelyanu, ŋisubuna daadaŋ ŋulu alokwap ka ŋulu alokidiama, aŋuna ka akinyasuno a Babilon, anerae epote ŋikenyasak alo Kuju akitijikin Babilon.

Esek. 35:14

Alimu Ekapolon Akuj atemar, eketuruwori ayoŋ iyoŋ neni asilon, ikotere ŋituŋa a akwap a daadaŋ elelyanete aŋuna iruworor iyoŋ akoŋinait,

Esek. 36:1

Abu Ekapolon tema, “Lokoku a ituŋanan, todwar ŋakiro neni a ŋikamukumukui a Isirael, tolimok atemar okoe ŋituŋa ŋulu iyakasi lokamukumukui a Isirael, kiirasi ŋakiro a Ekapolon.

Esek. 36:8

“Nai alokamukumukui a ŋulu alo Isirael, elibunete nabo ŋakuii alokito ka erayete ŋikito aŋuna a ŋituŋa kaŋ a Ŋisirael, anerae eapi ikes aboŋun nakwap kec.

Esek. 39:13

Enukete ŋituŋa a akwap a Isirael daadaŋ ŋituŋa ŋul, itopolooryo ikes a ŋakiro a ŋun akoloŋit ŋina etoodiunia ayoŋ apolou kaŋ.

Ŋiep. 3:21

Toyai neni keŋ apolou aneni a Ŋikristo anakimorikina ka Yesu Kristo ananyameta a daadaŋ, ŋikaru ka ŋikaru! Amen.

Ŋiep. 4:9

Nyo mono apolou a ŋakiro a ŋuna ebasi, “Ani elosi iŋes kidiama”? Apolou kec atemar abu iŋes ekiŋaren bu kwap kiporo tari nakibois ŋina a ŋikatwak.

1 Pet. 4:11

Ituŋanan ŋini itatami, itemokino kitatam ŋakiro ŋuna ka Akuj; ituŋanan ŋini itiyae etic, itemokino iŋes kitiya ka agogoŋu a ŋina einanakini Akuj iŋes, ikotere ipuroe Akuj aloboro a daadaŋ, alotooma Yesu Kristo, ŋolo eyakar apolou ka apedor ŋina a ŋikaru ka ŋikaru. Amen.

Akis. 12:12

Aŋun, tolakari iyoŋ nakuj ka ŋulu iya tooma keŋ! Nai ekaŋ iyes ŋulu iyakasi nakwap ka nanam! Anerae abu Satan kwap neni kus ka enyunyura nooi, aŋuna eyenia atemar eyakar iŋes apaki ŋina euruwuana nooi.”

Akis. 18:20

Nakuj, tolakari! Ŋituŋa ŋulu ka Akuj ka ŋikiyakia ta ŋikadwarak, tolakaros! Anerae adau Akuj atubokin iŋes aŋuna abu iŋes kitiya neni kus!