Isa. 44:19 - Ebaibul

¹⁹ Mam ituŋanan etamatamae, kori eyakar aosou, kori epedori ayenut ŋakiro tosodi tolimu ebe, “Abu ayoŋ esitiya atutubet apei a akitoe a ŋin akinokia akim, abu daŋ ayoŋ epou a ŋatotol keŋ ŋamugati, abu ope akiriŋ a nen ka adau akinyam. Emaikina mono tokona ayoŋ etiyau asiilyo aneni idoŋit anakitoe a ŋin a? Emaikina mono ayoŋ oryedik alokiŋaren akitoe a?”

Isa. 44:19 Iomraidhean Croise

1 Ŋirw. 11:5

Arae ŋun aŋuna abunio Solomon kiwuapya Asitores akuj ŋina a ŋisidoniani ka Milikom akuj ŋina a Ŋiamoni.

1 Ŋirw. 11:7

Abu nai Solomon todukok akai a Cemes akuj a Ŋimoabi ka todukok akai a Milikom a akuj a Ŋiamoni kidiama emukura ŋolo eyai Kide Yerusalem.

2 Ŋirw. 23:13

Tomunaiya iŋes ŋaduketa ŋuna aya nenimukur Kide Yerusalem, ŋuna elipere ŋakujo ka ŋuna aya alowae a ŋolo alo kwap emukura ŋolo enyaritae emukura ŋolo ka Akinyasuno (Iŋes emukura ŋolo a ŋikito ka Olipa). Arae sek Solomon ŋolo arae erwosit a Isirael iŋes aduki ŋaduketa ŋun aŋuna ka akuj a ŋina anyaritae Asitarite a ŋina a Ŋisidoniae ka Kemos akuj a Ŋimoabi ta Milikon akuj a Ŋiamoni.

2 Ŋirw. 23:14

Abu Yosia toukono ŋitorubeei a ŋakujo, totubutubu ŋipirin ŋul, kililyaa ŋapanya.

Awos. 7:23

Abu Parao toboŋo a nen, tolot kai keŋ, ido abu nyemitak tari ŋakiro ŋun daŋ alotau keŋ.

Isa. 44:18

Ŋituŋa ŋulu itiyaete ŋun, emam ŋakiro eyenete, nyeyenete tari ŋakiro ŋuna kitiyaete ikes, anerae egolitoe ŋakoŋen kec, ikotere ikes nyepedosi akiŋolikin, ŋatameta kec daŋ, egolitoe, ikotere ikes nyepedosi ayenun.

Isa. 45:20

Tocunakinos, ido potu kaapei, tocunakinos, ido potu iyes ŋituŋa kaŋ ŋulu irae ŋipiya anakwapin. Emamukatar ŋituŋa ŋulu iwokito ŋakujo aosou, ŋituŋa ŋulu iwokito ŋakujo ŋuna erae ŋakito, ido erubakinito ikes ilipete neni a akuj a ŋina nyepedori aiun.

Isa. 46:8

“Iyes ŋikasecak, totamunito ŋakiro nu ka totamatamata,

Isa. 5:13

Aŋun, erikoryo ŋituŋa kaŋ nakwap ace aŋuna pa ayeneta ŋakiro kaŋ, eari akoro ŋikapolok kec ka enyami akure ŋituŋa kec ŋulu alalak nooi.

Isa. 66:3

“Ituŋanan daadaŋ ŋini akaaranakini ayoŋ emoŋ erae amuronot, ikwaan ituŋanan ŋin ka ŋini eari ituŋanan; ituŋanan daadaŋ ŋini akaaranakini ayoŋ ikale ŋinimesek erae amuronot, ikwaan ituŋanan ŋin ka ŋini emojiri emosiriŋ a iigok tobil; ituŋanan daadaŋ ŋini akainakini ayoŋ ainakinet ŋina a ŋikinyom ikwaan ituŋanan ŋin ka ŋini akainakini ayoŋ ŋaokot a eguruye; ituŋanan daadaŋ ŋini icunyi ekinyate aŋuna ka atamunitor ayoŋ, ikwaan ituŋanan ŋin ka ŋini ilipi neni ka etorube a ŋolo itiyaunitae. Adaut ŋituŋa ŋulu ikote ŋul akiwuap ŋuna kec a ŋikulepek, ido elakara ikes anakitiya asiilyo kec;

Esek. 40:4

Abu ekile ŋol tema neni kaŋ, “Lokoku a ituŋanan, kiŋolik ejok ediyediye ka topupok ejok nooi, yau ŋatameta kon neni a ibore a daadaŋ a ŋini alosi ayoŋ akitoodikin iyoŋ, anerae aponi iyoŋ ikiyaun ne, ikotere eketoodikini ayoŋ iyoŋ ibore daadaŋ. Emaikina iyoŋ tolimok Ŋisirael ibore daadaŋ ŋini iŋolikini iyoŋ a ne.”

Osea 4:12

Eloseneneete ŋituŋa kaŋ akiŋita ŋakiro aneni ka akuj a ŋina erae akitoe, elimonokini ikes ebela ŋolo ke etal ŋakiro ŋuna emaikina kitiyata, anerae etooliyo ikes etau ŋolo ka amalao, etiyata ikes ŋuna ka amalao emyekis akikinyomit Akuj kec.

Osea 7:2

Nai nyeyenete ikes atemar atamunit ayoŋ aronis kec daadaŋ. Irikaunito ŋasecisya kec ikes, ido ileerete ikes aneni kaŋ, anerae eyakasi ikes kiŋaren kaŋ.

Agai 1:5

Aŋun nai tokona, ŋuna alimu Ekapolon ŋolo Etiron ikes nu ebe, “Totamatamata mono iyes ejok nooi epite ŋolo iyakatar iyes.

Ŋikis. 27:15

‘Ilamam ituŋanan daadaŋ ŋini itiyauni etorube a akuj, kori etorube edio ca daadaŋ, kori ibore ca daadaŋ ŋini eŋerit Ekapolon, ibore ŋini icieunitae, ido kilip neni keŋ anakimunono.’ Eboŋokinete ŋituŋa daadaŋ temasi, ‘Kiyookin ŋun.’

Ŋikis. 32:46

tolimok ikes tema, “Kirica alotai kus ŋakiro daadaŋ ŋuna akalimok ayoŋ iyes nakoloŋit na akisuuda ŋakiro kus; tolimokisi ikes erae akiciket neni a ŋidwe kus ikotere iwuapyata ikes ejok ŋakiro daadaŋ ŋuna a ŋikisila.