Isa. 44:18 - Ebaibul

¹⁸ Ŋituŋa ŋulu itiyaete ŋun, emam ŋakiro eyenete, nyeyenete tari ŋakiro ŋuna kitiyaete ikes, anerae egolitoe ŋakoŋen kec, ikotere ikes nyepedosi akiŋolikin, ŋatameta kec daŋ, egolitoe, ikotere ikes nyepedosi ayenun.

Isa. 44:18 Iomraidhean Croise

Ŋikiru. 81:12

Aŋun, abu ayoŋ emyek ikes kiwuapa ŋuna acamito ŋitai kec ŋulu esyaak, kiwuapa ŋuna acamito ikes ŋikulepek.

Ŋikiru. 92:6

Erae nu ŋuna nyepedori ituŋanan ŋini imasimasit ayenun, nyepedori ŋini abaŋaanan ayenun,

Ŋakit. 28:5

Nyeyenete ŋituŋa ŋulu aronok akiyookino, nai eyenete nooi ŋituŋa ŋulu iwarito Ekapolon akiyookino.

Isa. 1:3

Eyeni emoŋ elope keŋ ka eyeni esigirya neni eyai akimuj ŋina itania elope keŋ iŋes. Nai nyeyenete Ŋisirael ŋakiro ŋun, emamukatar ŋituŋa kaŋ ayenut.’ ”

Isa. 26:11

Okoe Ekapolon, itenit iyoŋ akisican ikes, nai nyiteete ikes ŋun. Kimyek ikes kiŋolikis alelakinit kon ŋituŋa kon, ido kiruma ikes ŋileec. kimyek kitoŋopiya ikes aŋoit kon ŋina iŋoikinitor iyoŋ ŋimoe kon.

Isa. 27:11

Ani eokete ŋaten a ŋikito a ŋulu eya nen, ebilibiliunio kwap; potu nai ŋaberu yaasi kinokakiniata akim. Anerae erae ŋul ŋituŋa ŋulu emam ayenut; aŋun nyisyoni ikes Akuj ŋina asubuni ikes, kori nyitiyae ŋakiro ŋadi ŋuna ajokak neni kec.

Isa. 29:10

Ikiinak Ekapolon iyes etau ŋolo ijotoorotor nooi; agol iŋes ŋakonyen kus, iyes ŋikadwarak, emuko iŋes ŋakyes kus, iyes ŋiketeyenunak.

Isa. 44:19

Mam ituŋanan etamatamae, kori eyakar aosou, kori epedori ayenut ŋakiro tosodi tolimu ebe, “Abu ayoŋ esitiya atutubet apei a akitoe a ŋin akinokia akim, abu daŋ ayoŋ epou a ŋatotol keŋ ŋamugati, abu ope akiriŋ a nen ka adau akinyam. Emaikina mono tokona ayoŋ etiyau asiilyo aneni idoŋit anakitoe a ŋin a? Emaikina mono ayoŋ oryedik alokiŋaren akitoe a?”

Isa. 44:20

Emam atyeketait eyai neni a ituŋanan a ŋin ka ŋini enyami ekuron. Ebatasi ituŋanan ŋini itiyae ŋun ŋatameta keŋ ŋuna ka abaŋao, ido nyepedori aiun bon, kori nyepedori acamun atemar erae akuj ŋina eyakar iŋes akoŋinait.

Isa. 44:9

Ŋituŋa daadaŋ ŋulu itiyaununeete ŋakujo erae ŋikoŋinae ka erae ŋiboro ŋulu ikinyomito ikes ŋulu emam ibore iryamunia; emudukaka ŋituŋa ŋulu ilipete neni a ŋakujo a ŋun, kori emam ŋuna eyenete. Aŋun, isirumyo ikes ŋileec.

Isa. 45:20

Tocunakinos, ido potu kaapei, tocunakinos, ido potu iyes ŋituŋa kaŋ ŋulu irae ŋipiya anakwapin. Emamukatar ŋituŋa ŋulu iwokito ŋakujo aosou, ŋituŋa ŋulu iwokito ŋakujo ŋuna erae ŋakito, ido erubakinito ikes ilipete neni a akuj a ŋina nyepedori aiun.

Isa. 56:11

Ikwaan ikes ka ŋiŋokwo ŋulu edakaka, nyimwokeneneete ikes. Erae ikes ŋikeyokok ŋulu emamukatar ayenut, iwuapito ikes ŋuna kec a ŋilopeyek; iwarit ŋinituŋanan aryamun ŋini keŋ a ilope.

Yer. 10:14

Imasimasit ŋituŋa daadaŋ ka emamukatar aosou; irumete ŋileec ŋituŋa ŋulu itiyaununete ŋakujo a egolid, anerae erae ŋitorubei kec ŋulu ka alyokonu ka emam ekieŋanu eyai lotorubei ŋul.

Yer. 10:8

Imasimasit ka ebaŋaaka ikes daadaŋ; emam akitatam ŋina ejok ŋina eryamunete ikes aneni a ŋakujo a ŋunacaryo.

Yer. 5:21

Okoe iyes ŋituŋa ŋulu ibaŋaaka ka ŋulu nyitamete, kiirasi ŋakiro nu, iyes ŋulu iyakatar ŋakonyen, nai nyiteete iyes, ŋulu iyakatar ŋaki, nai nyipupete.

Yer. 51:17

Ebaŋaaka ŋituŋa daadaŋ ka emamukatar ayenut isirumete ŋakujo ŋulu eyeete ikes a egolid ŋileec, anerae erae ŋitorubei kec ŋicaryo, emamukatar ŋitorubei ŋul ekieŋanu.

Esek. 12:2

“Lokoku a ituŋanan, iboiyete iyoŋ ka ŋituŋa ŋulu akaŋerito ayoŋ. Eyakatar ikes ŋakonyen akiŋolikinia, nai nyiteete, eyakatar ikes ŋaki akiirarya, nai nyepupete, anerae erae ikes ŋituŋa ŋulu nyiwuapio ŋuna abala ayoŋ.

Dan. 12:10

Italeunio, itesegunio ka itojokunio ŋulu alalak, nai erubakinete ŋulu aronok itiyaete aronis. Mam ipei daŋ aneni a ŋulu aronok ŋini eyenuni ŋakiro, nai eyenunete ŋulu aosok.

Osea 14:9

Emaikina ŋituŋa ŋulu aosok toyenut ŋakiro nu, emaikina ŋituŋa ŋulu epiiryaka toyenut ŋakiro nu, anerae iyookino ŋirotin ŋulu ke Ekapolon, iwuapito ŋulu iyookino ŋirotin ŋul, nai ibusonokinosi ŋulu nyitiyaete ŋuna iyookino alorotin a ŋulu ke Ekapolon.

Mat. 12:34

Iyes ŋulu iroko ŋulu ikote ŋapomia, ikokinete iyes irworosi ŋakiro ŋuna ajokak toraakas ŋulu aronok ai? Anerae elimuni akituk ŋuna eya lotau.

Yoa. 5:44

Icamito iyes ikitopoloosi ŋulucetuŋa, nai nyiwarito aryamun akitopolooro aneni a ŋolo bon erae Akuj. Ikokinete nai iyes ikinupete ayoŋ ai?

Yoa. 8:43

Kaanukiro ikipiyoritor iyes akiirar ŋuna erworo ayoŋ? Anerae iwounito iyes apupokin ŋakiro kaŋ.

Ŋitic. 14:16

Ananyameta a ŋuna amunyarosi, abu Akuj tocamak ŋakwapin akitiya ŋuna acamito.

Ŋirom. 1:28

Aŋuna aŋeryoto ŋituŋa anatameta kec ayenun Akuj, emyek Akuj ikes iwuapito ŋatameta ŋuna ecamito akitiya ŋuna aronok, ikotere itiyaete ŋuna sek pa etemokino ikes kitiyata.

2 Pet. 2:14

Emam icebore ŋini eminasi ikes akilo ŋaberu ŋuna emalaaka; nyedipanakin ekibure kec ŋolo ka asecenen. Icocoiyanarete ikes ŋituŋa ŋulu epalag alotai naloc. Itatamitae ŋitai kec arorokanut! Ilamit Akuj ikes!