Isa. 44:17 - Ebaibul

¹⁷ Akitoe a ekitoe a ŋol nenice daadaŋ, ituruwori iŋes akuj, akuj keŋ, eryediki kijuuru alokiŋaren kilip neni keŋ, etemari iŋes ilipi neni keŋ ebe, “Toiunae ayoŋ, anerae irae iyoŋ akuj kaŋ.”

Isa. 44:17 Iomraidhean Croise

1 Ŋirw. 18:26

Aŋun, apotu ikes kipakasi emoŋ ŋolo ainio ikes, ido kitemokis. Tonyarata ikes ekiro a Baal ŋinapei taparacu akitodol kidiŋ apaaran. Tocela ikes ebasi, “Okoe Baal toboŋokinoe isua!” Nai mam etoil aponi kirarae, mam ŋini abu toboŋok ikes. Nai apotu torubakis idoŋaete irimete namuroet ŋina adukito ikes.

1 Ŋirw. 18:28

Aŋun, apotu ikes tocelut nooi, toduŋuduŋos make a ŋileŋia ka ŋakwaaras, ikwapei araakar epite kec, akitodol ŋina aleleyaryata ŋaokot anawat kec.

Isa. 2:8

Ileleba nakwap kec ŋitorubei a ŋakujo, ilipete ikes neni a ŋiboro a ŋulu itiyaunitae a ŋakan, ka neni a ŋiboorei a ŋulu itiyaunitae a ŋimoyo.

Isa. 37:38

Akoloŋit apei eriŋa Senakerib ilipi alokai a akuj keŋ a ŋina anyaritae Nisirok, apotu ŋidwe keŋ ŋulusapa Adiramalek ka Sareser toara iŋes a ekileŋ, ido tosiwa nakwap ŋina ka Ararat. Abu lokoku keŋ ŋolo anyaritae Esaradon kilunyokin lokicoloŋ keŋ kipuka Asiriya.

Isa. 44:15

Ekaku, isitiyae ituŋanan ekitoe ŋol akinokia akim. Elemuni ituŋanan akitoe a ekitoe a ŋol iwace akiwuaŋaror, inokakinia iwace akim kipoo ŋamugati; iwace nai kisitiya akitiyaunia akuj, ido kilip neni a akuj a ŋin, icieuni iŋes etorube, ido toryedik kilip ijuurui alokiŋaren etorube ŋol.

Isa. 44:16

Inoki iŋes apei tutubet a akitoe a ŋin, nakitoe ŋin idokokini iŋes akiriŋ tope, tonyam kimwono. Iwuaŋar daŋ iŋes anakim a ŋin, ido tema, “Okoe amwanu akuwan, kitojok akim na!”

Isa. 45:20

Tocunakinos, ido potu kaapei, tocunakinos, ido potu iyes ŋituŋa kaŋ ŋulu irae ŋipiya anakwapin. Emamukatar ŋituŋa ŋulu iwokito ŋakujo aosou, ŋituŋa ŋulu iwokito ŋakujo ŋuna erae ŋakito, ido erubakinito ikes ilipete neni a akuj a ŋina nyepedori aiun.

Isa. 46:6

Eyakasi ŋituŋa ŋulu ebukununuyete egolid alocweei kec, ido kipima esilipa anakiloi kec; kipaŋgata eketyakan egolid kitiyau akuj, tosodo toryediko alokiŋaren akuj ŋin kilipa neni keŋ.

Yer. 2:27

ŋulu ebasi neni a ekitoe ebe, ‘Irae iyoŋ papa kosi’ ka neni a amoru ebe, ‘Iyoŋ ikiuruuni isua’ Irworosi ikes ŋun, anerae akamuleno ikes ayoŋ ka nyeketeete ikes ayoŋ. Nai apaki ŋina eyakatar ikes locan elimunete ikes ebe, ‘Bua, toiunae isua.’

Dan. 3:17

Ani kepedori Akuj kosi ŋina ikitiyanakini isua aiun isua anakim a ŋina a ekitet a ŋina erirae ka alakun isua anapedor kon, okoe erwosit, ikilipi ikilaku iŋes isua.

Dan. 3:29

Aŋun, alimu ayoŋ ŋakiro nu: Ituŋanan daadaŋ, kori ŋakwapin, kori ituŋanan a aŋajep adio, ŋulu iyanyete Akuj a Sadirak, Mesak ka Abedinego, etubutubooryo ŋakejen ka ŋakan ka ituworyo akai keŋ ŋamoru ŋuna etukosi koŋin, anerae emam akuj ace ŋina epedori alakun lopite lo.”

Dan. 6:16

Tolimok nai erwosit ŋituŋa atemar yaunae Daniel, tosodi aponi yaunae Daniel kimasakinae nadui a ŋiŋatunyo. Tema erwosit neni a Daniel, “Elipi itoiu iyoŋ Akuj kon ŋina itiyanakini anakikinyoma!”

Dan. 6:27

Ikilakuni iŋes ka ikiuni, itiyae iŋes ŋakujuwuanisya ka ŋaumonokineta anakuj ka anakwap; anerae aiu iŋes Daniel anapedor a ŋiŋatunyo.”

Osea 13:2

Arubakis tokona ikes eseceneneete, itiyaununeete ŋiboorei a ŋasuwa, ido kilipa neni kec, itiyaununeete ŋitorubei a ŋakujo a esilipa lopite ŋolo eyeniata ikes, erae ŋituŋa ŋulu eyenete akitiya ŋiboro ejok ikes itiyaununeete ŋakujo ŋun, ido ebasi ŋituŋa a Epuraim, “Oinakisi ŋamuronisya neni a ŋakujo a ŋun!” Enuyete ŋituŋa ŋul ŋitorubei a ŋitak.

Mika 5:12

Amunaari ayoŋ ŋiboorei ŋulu inapito iyes itisibito eyakatar apedor, ekemyek iyes imamukatar ŋimurok.

Abak. 2:19

Ekaŋ iyes, ŋulu ibasi neni ka akitoe ebe, “Tonyou!” Kori neni ka amoru ebe, “Tonyou!” Epedori mono akuj ŋina itiyaunitae alimokin iyoŋ ŋakiro ŋadi a? Epedoryo akuj ŋin bon akitiyaun ke esilipa, kori ke egolid, nai mam akiyar eyai tooma keŋ.

Ŋitic. 19:27

Iŋes nai atemar alomu neni aronon; eryamuni akicuruta yok ekiro ŋolo aronon. Meere ŋun daŋ bon, eruwor akoŋinait akai ka akuj a ŋina enyaritae Artemis ka akuj yok ŋina apolon, edaun daŋ arwonu keŋ--ŋina ilipyata ŋituŋa alo Asia ka anakwapin a daadaŋ iŋes!”