Isa. 44:14 - Ebaibul

¹⁴ Eyepuni iŋes akitoe a Cedar, kori a Sipres, kori a ekuyon, kori a ekitoe edio a ŋolo kebu iŋes kimyek togogoŋior anamoni, kori epedori iŋes adupakin ekitoe a Cedar kitopolou nai akiru.

Isa. 44:14 Iomraidhean Croise

Isa. 40:20

Ikwapei ainakinet, eseuni ituŋanan akitoe ŋina agogoŋon, akitoe ŋina nyipirenene, tosodi nai kiwararya ituŋanan ŋini epiiryana nakicere ŋiboro, kiceu ŋin ibore ŋini anikesipokin nyimasar jik.

Isa. 44:13

Tosodi elemuni eketiyan ŋabaoi akipimet kipimya akitoe, ido kigerok a akalamu neni etubunio iŋes ibore ŋini ecamit iŋes akicieun, tosodi kisyak akiciere a erokon, ido kitiyau etorube ŋolo ikwaan ka ituŋanan, kibus daŋ lopite ŋolo ibusya ituŋanan, itiyauni iŋes etorube ŋol aŋuna ka asipokin neni ilipya iŋes.

Isa. 44:15

Ekaku, isitiyae ituŋanan ekitoe ŋol akinokia akim. Elemuni ituŋanan akitoe a ekitoe a ŋol iwace akiwuaŋaror, inokakinia iwace akim kipoo ŋamugati; iwace nai kisitiya akitiyaunia akuj, ido kilip neni a akuj a ŋin, icieuni iŋes etorube, ido toryedik kilip ijuurui alokiŋaren etorube ŋol.

Osea 4:12

Eloseneneete ŋituŋa kaŋ akiŋita ŋakiro aneni ka akuj a ŋina erae akitoe, elimonokini ikes ebela ŋolo ke etal ŋakiro ŋuna emaikina kitiyata, anerae etooliyo ikes etau ŋolo ka amalao, etiyata ikes ŋuna ka amalao emyekis akikinyomit Akuj kec.

Abak. 2:19

Ekaŋ iyes, ŋulu ibasi neni ka akitoe ebe, “Tonyou!” Kori neni ka amoru ebe, “Tonyou!” Epedori mono akuj ŋina itiyaunitae alimokin iyoŋ ŋakiro ŋadi a? Epedoryo akuj ŋin bon akitiyaun ke esilipa, kori ke egolid, nai mam akiyar eyai tooma keŋ.