Isa. 44:11 - Ebaibul

¹¹ Topupokisi, isirumyo ŋileec ŋituŋa daadaŋ ŋulu ilipete neni a ŋitorubei a ŋul, erae tari ŋituŋa ŋulu itiyaununeete ikes ŋikoŋinae. Emaikina ikes daadaŋ tocunakin iwapei, emaikina ikes towua, ebuli ikes ka isurumyo ikes daadaŋ ŋileec.

Isa. 44:11 Iomraidhean Croise

1 Ŋirw. 18:40

Tema Eliya neni a ŋituŋa, “Kikamutu ŋikadwarak a Baal, nyimyekis epei daŋ ebucar.” Kikamut nai ŋituŋa ikes; yau Eliya ŋikadwarak ŋul totiyaaror nayonae Kison, ido toar ikes a nen.

Ŋikiru. 97:7

Isurumitae daadaŋ ŋileec ŋulu ilipete neni a ŋakujo, ikes ŋulu iturosi aŋuna a ŋakujo aŋunacaryo a ŋun; iyes ŋakujo daadaŋ toryediko, kilipa neni ka Akuj!

Isa. 1:29

Eroketa aneni kus ŋakiriketa ŋuna sek ilipyata iyes ka erokeata aneni kus ŋimanikorin ŋulu sek iseunito iyes.

Isa. 42:17

Nai ikes ŋulu ikinyomito neni a ŋakujo, ŋulu irworosi neni a ŋakujo ebasi, ‘Irae iyes ŋakujo kosi,’ isurumyo ikes ŋileec nooi.

Isa. 44:9

Ŋituŋa daadaŋ ŋulu itiyaununeete ŋakujo erae ŋikoŋinae ka erae ŋiboro ŋulu ikinyomito ikes ŋulu emam ibore iryamunia; emudukaka ŋituŋa ŋulu ilipete neni a ŋakujo a ŋun, kori emam ŋuna eyenete. Aŋun, isirumyo ikes ŋileec.

Isa. 45:16

Isirumyo ŋituŋa daadaŋ ŋileec ka isiguryakinio, isiguryakinio ŋulu itiyaununeete ŋakujo kaapei.

Isa. 65:13

Aŋun, alimu Ekapolon Akuj ebe, “Imujete ŋiketiyak kaŋ, nai ikinyami iyes akoro; emasete ŋiketiyak kaŋ, nai ikinyami iyes akure, elelyanete ŋiketiyak kaŋ, nai ikisirumyo iyes ŋileec.

Yer. 10:14

Imasimasit ŋituŋa daadaŋ ka emamukatar aosou; irumete ŋileec ŋituŋa ŋulu itiyaununete ŋakujo a egolid, anerae erae ŋitorubei kec ŋulu ka alyokonu ka emam ekieŋanu eyai lotorubei ŋul.

Yer. 51:17

Ebaŋaaka ŋituŋa daadaŋ ka emamukatar ayenut isirumete ŋakujo ŋulu eyeete ikes a egolid ŋileec, anerae erae ŋitorubei kec ŋicaryo, emamukatar ŋitorubei ŋul ekieŋanu.

Osea 13:2

Arubakis tokona ikes eseceneneete, itiyaununeete ŋiboorei a ŋasuwa, ido kilipa neni kec, itiyaununeete ŋitorubei a ŋakujo a esilipa lopite ŋolo eyeniata ikes, erae ŋituŋa ŋulu eyenete akitiya ŋiboro ejok ikes itiyaununeete ŋakujo ŋun, ido ebasi ŋituŋa a Epuraim, “Oinakisi ŋamuronisya neni a ŋakujo a ŋun!” Enuyete ŋituŋa ŋul ŋitorubei a ŋitak.

Ŋikis. 4:28

Aina ipote iyes akitiyanakin ŋakujo ŋace ŋuna erae ŋituŋa itiyaunito, ŋiboorei ŋulu ecieunitae anakito ka anamoru, ŋulu nyiteete, nyepupete, nyimujete ka nyiŋuunete.