Isa. 43:4 - Ebaibul

⁴ Aŋuna iraakatar iyes alokiŋaren kaŋ ŋituŋa ŋulu ijokak nooi, ŋituŋa ŋulu ikitopolooritae ka ŋulu amina ayoŋ, epotori ayoŋ ŋituŋa aŋuna ka aryamun iyes, epotori ayoŋ ŋituŋa a ŋakwapin aŋuna ka akilokonyunia akiyar kus.

Isa. 43:4 Iomraidhean Croise

Akisy. 12:2

Eketipituni ayoŋ iyoŋ anakwap ka eketerereŋi, ido eturuwo ekiro kon ŋolo eyenen anakwap, ikotere iyoŋ iruwor ŋolo ka arereŋu.

Ŋikiru. 112:9

Adaut ikes akoranar ŋiboro kec emam akitac, adaut ikes ainakin ŋiboro kec neni a ŋikulyak; erubakini akiyookino kec ŋikaru ka ŋikaru; itopolooritae nooi apedor kec.

Ŋikiru. 135:4

Abu Ekapolon toseu Yakob aruwor ituŋanan keŋ, abu Ekapolon toseu Ŋisirael aruwor ŋituŋa keŋ a elope.

Isa. 49:5

Alimu tokona Ekapolon ŋolo akayeuni ayoŋ anakook atoto kaŋ aruwor eketiyan keŋ, ŋolo akaseuni ayoŋ akinyakar neni keŋ ŋiletok a Yakob ka acunar Ŋisirael neni keŋ; ŋolo eketopoloorit ayoŋ, Akuj kaŋ ŋina aruwor agogoŋu kaŋ,

Isa. 63:9

alocan kec a daadaŋ. Pa arae ekiyakia kori emalaika, nai ayakau a Ekapolon kaapei ka ikes abu toiu ikes; abu iŋes anamina ka anakisyon keŋ tolaku ikes, abu todak ikes, kidar ikes ŋirwa daadaŋ ŋinapei koloŋ sek.

Yer. 31:3

abu ayoŋ otakanu neni kec aneni alwanan. Adau ayoŋ aminakin iyes ka amina a ŋina a ŋikaru ka ŋikaru, aŋun, arubak ayoŋ ekekinyomit iyes.

Osea 11:1

Apaki ŋina ariŋaakar Isirael erae ikoku, abu ayoŋ ominak iŋes, abu ayoŋ onyarau lokoku kaŋ alo Ijipit.

Mal. 1:2

Ebala Ekapolon neni a Ŋisirael, “Adau ayoŋ amina iyes jwi jwi. Nai iŋitasi iyes ibasi: ‘Alipite ikiminakinia iyoŋ isua?’ ” Iŋita Ekapolon ebe, “Pa mono arae Esau lokato a Yakob a? Abu robo ayoŋ ominak Yakob,

Mal. 3:17

Ebala Ekapolon ŋolo Etiron ebe, “Eruworosi ikes ŋulu kaŋ, ani edoli akoloŋit ŋina eturuworya ayoŋ ikes ŋituŋa kaŋ a elope, nyaari ayoŋ ikes, esyoni ayoŋ ikes lopite ŋolo epedorya papa akisyon lokoku keŋ ŋolo itiyanakini iŋes.

Yoa. 16:27

anerae ikimina iyes Papa elope. Ikimina iŋes iyes, anerae ikiminasi iyes ayoŋ ka inupito atemar abunit ayoŋ aneni a Papa.

Yoa. 17:23

Ayai ayoŋ tooma kec, iyai iyoŋ tooma kaŋ, ikotere toruworos ikes ŋipei jik, ikotere nai toyenu akwap atemar ikiyakuunit iyoŋ ayoŋ ka atemar imina iyoŋ ikes, ikwaŋinapei ikiminar iyoŋ ayoŋ.

Yoa. 17:26

Eketeyenu ayoŋ iyoŋ ikes ka arubakini ekoni nenipei, ikotere min amina ŋina ikiminar iyoŋ ayoŋ tooma kec ka ayoŋ daŋ tooma kec.”

Yoa. 5:44

Icamito iyes ikitopoloosi ŋulucetuŋa, nai nyiwarito aryamun akitopolooro aneni a ŋolo bon erae Akuj. Ikokinete nai iyes ikinupete ayoŋ ai?

Ŋikis. 14:2

anerae irae iyes ŋituŋa ŋulu asegak aneni ke Ekapolon Akuj kus, iyes ikiseu Ekapolon alotuŋa a ŋakwapin a daadaŋ aruwor ŋulu keŋ, ŋituŋa keŋ ŋulu emina iŋes nooi.

Ŋikis. 26:18

Nakoloŋit na, icamunosi iyes ke Ekapolon, iruworosi iyes ŋituŋa keŋ ŋulu emina iŋes nooi, lopite ŋolo ikiikinia iŋes iyes ka iwuapete iyes ŋakiciketa keŋ;

Ŋikis. 4:37

Tosodi aŋuna amina Akuj atapapaa kus, abu ekaku toseu ŋiletok kec. Abu ikiyau iyes alo Ijipit irukito ka iŋes a apedor keŋ a alope,

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.

1 Pet. 1:7

Erae ikes ŋakikatanakinet anupit kus kerae ŋina a kire. Tari egolid daŋ ŋolo epedoryo akinyasun, ikatakinio ka akim; anupit kus daŋ ŋina ejok nooi akilo egolid, itemokino torotae, ikotere etitinyikini. Aŋun, iryamunete iyes akipuro ka apolou ta akereru apaki ŋina isileereunere Yesu Kristo.

1 Pet. 2:9

Nai irae iyes ebuku ŋoloseuna, ŋisacaradotin ŋulurwosi, ŋituŋa ŋulu etyakaritae neni ka Akuj, ŋituŋa keŋ ka alope. Ikiseu iŋes iyes akisera ŋiticisyo ŋulu apolok nooi, ŋulu a ŋolo ikinyarau iyes anakiryonut tooma nakica keŋ, ŋina ka aumokin.

Akis. 3:9

Kiira! Ayauni ayoŋ neni kon atukot ŋina a Satan, ŋikalyokonok ŋulu ebasi ikirae Ŋiyudayan, nai nyerae. Ayauni ikes eteryedik alokiŋaren kon, ikotere eyenunete atemar akamina ayoŋ iyoŋ.