Isa. 43:28 - Ebaibul

²⁸ Aŋun, abu ayoŋ ojamuwa ŋikapolok anakibois kaŋ a ŋina asegan ka abu epotok ŋiletok a Yakob namunyaro ka emyek ŋiletok a Isirael erae ŋulu ejamuwaritae.”

Isa. 43:28 Iomraidhean Croise

2 Sam. 1:21

Iyes ŋimukura ŋulu a Gilboa, nyepete ŋakopi kidiama kus, kori nyilimi akiru, nyerayete ŋimanikorin ŋulu eya neni kus! Anerae neni kus emasarere nariet aupal a ekatitinyon, aupal a Saul ŋina nyeriŋa iosyo ka akimyet.

1 Ŋakiro a ŋirwa 24:5

Aponi ikes totyakae emam ŋini ariit neni a ŋice, kisitiyae akilamilam, anerae amaikina toryamunae ŋikarikok ŋulu ka akibois a ŋina asegan ka ŋikarikok ŋulu ke etic ka Akuj alopapae ke Eleasar ka Isamar.

2 Ŋakiro a ŋirwa 36:17

Aŋun, abu Akuj tocamak erwosit a Babilon ebuni akirem ikes. Abu toar ŋisorok kec anakibois kec a ŋina asegan, abu nyisyon esorokit, kori asorokit, ekasikout, kori akimat, kori ituŋanan idio daadaŋ ŋini apalag. Abu Akuj kipotok ŋituŋa ŋul daadaŋ neni a Nebukadinesar toar.

Ŋikiru. 79:4

Ikiruwor isua ŋulu ikibolyatar ŋikidunyet kosi, ikiruwor isua ŋulu ikijamuwarito ka ŋulu ikikyenatar ŋikidunyet kosi.

Ŋikiru. 89:39

Iŋer iyoŋ acamunet kon ka erwosit kon, ilema iyoŋ apolou aneni keŋ.

Isa. 24:6

Aŋun, amunyasi ŋilam akwap, aryamut ŋituŋa ŋulu iboiyete anakwap ekaile ŋolo ka asecit; aŋun, adaun ŋituŋa anakwap edoŋ ŋidikudyo.

Isa. 34:5

Kedau Ekapolon amunyar ŋiboro ŋulu alokidiama, kiŋolik atemar etemokin, kiirasi, etiyaun iŋes Edom, neni a ŋituŋa a ŋulu adau Ekapolon atubokin atemar tomunyarae.

Isa. 47:6

Abu ayoŋ oŋoik ŋituŋa kaŋ, abu ayoŋ etiya neni kec esibit nyerae ikes ŋituŋa kaŋ; abu ayoŋ oinak ikes napedor kon, ido ibu iyoŋ nyitoodik ikes akisyon; ibu iyoŋ totiŋ erono nooi tari ŋulu amojoŋito.

Isa. 65:15

Imyekinete iyes ŋirorwa kus aneni a ŋuluseuna kaŋ erae ŋulu ilamare; ido ikimunyari Ekapolon Akuj iyes; nai einakini iŋes ŋiketiyak keŋ ekiro ŋolo egelaana.

Yer. 24:9

Eturuwori ayoŋ ikes ŋulu inyasuna, ibore ŋini aronon alotuŋa a ŋakwapin a daadaŋ, ŋulu nyejokak, ŋulu irworore, ŋulu eŋoito ka ŋulu icenen anakiboisyo a daadaŋ a ŋuna eritari ayoŋ ikes,

Yer. 52:27

Abu erwosit a Babilon toar ikes alo Ribila alotaun a ŋolo ayai nakwap ŋina enyaritae Amas. Ekoni nen arikoro a ŋituŋa a Yudaya anakwap kec.

Aum. 2:2

Amunya Ekapolon emam akisyon ŋirerya daadaŋ ŋulu a ŋituŋa a Yakob; amunyumunyaki kwap ŋaduketa ŋunajiet ŋuna agogoŋok ŋuna a ŋituŋa a Yudaya. Eturuwo apukan a Yudaya akoŋinait ka eturuwo ŋikepukak a Yudaya ŋikoŋinae.

Aum. 4:20

Apotu ikes kikamasi erwosit kosi ŋolo amecitae isua neni keŋ, ŋolo arae Ekapolon abu toseu aruwor erwosit. Erwosit ŋolo sek ekinyomitae isua atemar ikiuni iŋes isua alomoe a daadaŋ.

Esek. 5:15

Apaki ŋina akaŋoikinia ka akaryenyanikinia ayoŋ iyes, eketuruwo akitocoikinet a ŋuluce, ebuli ŋakwapin daadaŋ ŋuna idunyatar iyes. Ikiŋolikinete ikes iyes ikimenito ka ikijamuwarito.

Dan. 9:11

“Abila ŋituŋa ŋulu a Isirael daadaŋ ŋikisila kon ka aŋero akiwuap ŋakiro kon, awout akiwuap ŋakiro ŋuna irworo iyoŋ, apotu neni kosi ŋilam ŋulu igiritae lokitaabo ŋolo a ŋikisila a Moses a eketiyan a ŋolo ka Akuj, anerae ikisec isua aneni kon!

Dan. 9:12

Esiyook Ekapolon ŋakiro keŋ, ŋakiro ŋuna abu iŋes kirwor ikitoroniyarit isua ka ŋikapolok kosi, etiya Ekapolon ŋun anainakin isua ŋican ŋulu apolok nooi. Ŋuna etiyakin Yerusalem, mam akwap anakwap a daadaŋ ŋina etiyakin ŋun.

Dan. 9:14

Aŋun, abu Ekapolon nyerubak ite ŋuna itiyao isua, abu yau neni kosi ŋican, anerae iyookino Ekapolon Akuj kosi alotooma daadaŋ ŋuna etiya iŋes, ido nyiwuapa isua ŋakiro ŋuna irworo iŋes.

Sakar 5:3

Tema nai iŋes neni kaŋ, “Erae ŋul ŋicen ŋulu epete akwap daadaŋ; anerae alotooma ŋakiro ŋuna igiritae epeiwae ekitaabo ŋol, ebasi ebe, ‘Emunyaryo ŋolo kokolan daadaŋ, ido ebasi ŋuna igiritae lowae ŋoloce, ituŋanan daadaŋ ŋini ikoŋi alyokonu emunyaryo.’

Sakar 8:13

Ŋituŋa a Yudaya ka Isirael! Ikwapei paaran iraakatar iyes ŋulu ikilamete ŋigelaanotin, akaiuni tokona ayoŋ iyes toruworos arereŋu. Aŋun, totitinyokiata, Nyikuryaketa!”

1 Ŋites. 2:16

Apotu ikes kikatakis tari akiretakin isua alimonokin ŋituŋa ŋulu nyerae Ŋiyudayan ŋakiro ŋuna eryamuniata ikes aiuno. Alopite a ŋol, apotu ŋasecisya kec kilelebikinos. Nai tokona adolu anyunyura ŋina ka Akuj neni kec.