Isa. 43:27 - Ebaibul

²⁷ Abu papaa kus ŋolo esyaunan tosec ka apotu ŋikerworok aŋuna kus toseca neni kaŋ.

Isa. 43:27 Iomraidhean Croise

Ŋikiru. 78:8

Nyikwaanikinosi ikes ka atapapaa kec, anyamet ŋina a ŋasyanisya ka ŋikaŋerok, ŋulu pa etopoloorito Akuj alotai kec, ŋulu pa ekinyomito Akuj alotai kec.

Isa. 24:20

Iteritero akwap lopite ŋolo iteriteror ituŋanan ŋini emera, ido iyaŋiyaŋa lopite ŋolo iyaŋiyaŋar akai aŋanya iloiloi ekuwuam ŋolo agogoŋon, enuwakin ŋasecisya nooi nakwap, ido imasar ka nyeteni nabo.

Isa. 28:7

Etooliyo epiini lu daŋ, ido iteriterosi aŋuna ke epiini a ŋolo adwaran; aoliyosi ŋisacaradotin ka ŋikadwarak anakimat epiini ŋolo adwaran, esimatimataiya ikes epiini, iteriterosi aŋuna ke epiini a ŋolo adwaran; nyisiyoonokinete ŋuna isileerekini Akuj ikes anakiruja, nyetubete ŋakiro a ŋituŋa a akiyookino.

Isa. 29:10

Ikiinak Ekapolon iyes etau ŋolo ijotoorotor nooi; agol iŋes ŋakonyen kus, iyes ŋikadwarak, emuko iŋes ŋakyes kus, iyes ŋiketeyenunak.

Isa. 3:12

Ŋidwe ikes isicanito ŋituŋa kaŋ ka ŋaberu ikes ipukato. Okoe ŋituŋa kaŋ ikitooliyosi iyes ŋikarikok kus, ikitoŋopikis ikes iyes ŋuna emaikina iyes kiwuapa.

Isa. 50:1

Alimu Ekapolon ŋakiro nu, “Ai eyai abaruwa ŋina alakitor ayoŋ toto kus? Kori alu alotuŋa ŋulu etiŋito ŋisiliŋa kaŋ abu ayoŋ okogyelak iyes? Mam, erae aŋuna a ŋasecisya kus iŋes aponere ikigyelar iyes ka eritaryo toto kus aŋuna a ŋaronisya kus.

Isa. 51:2

Totamutu Aburaam papa kus ka Sara ŋina ikidouni iyes. Apaki ŋina anyaraa ayoŋ Aburaam, arae iŋes epei bon, nai abu ayoŋ eterereŋ iŋes eturuwo iŋes ŋituŋa ŋulu alalak.

Isa. 58:1

Alimu Ekapolon ebe, “Tocelutu nooi, nyililiŋiyasi! Tocelutu a ŋitoilon a ŋulu apolok esibit arupepe erwo. Tolimokisi ŋituŋa kaŋ ŋakiro ŋuna akaŋeryoto ayoŋ, tolimokisi ŋiletok a Yakob ŋasecisya kec.

Isa. 9:15

Anyaritae ŋikasikou ka ŋikapolok akou a ŋituŋa, anyaritae ŋikadwarak ŋulu etatamete alyokonu kaku a ŋituŋa,

Yer. 3:25

Emaikina iwon opero alokwap ka ŋileec yok, emaikina ikirapuwasi iwon ŋileec ŋulu nyitopolooritere iwon Ekapolon, anerae ikisec iwon aneni a Ekapolon Akuj yok, iwon kaapei ka atapapaa yok; ameun anasoroko yok tari nakoloŋit na, ido nyiwuapa iwon ŋuna irworo Ekapolon Akuj yok.”

Yer. 5:31

edwarete ŋikadwarak alyokonu ka ipukato ŋisacaradotin lopite ŋolo elimokiniata ŋikadwarak ikes, italakarito ŋakiro ŋun ŋituŋa kaŋ, nai anu itiyaete iyes apaki ŋina ebunio asalunet?”

Yer. 8:8

“Nyo ikitilimuni iyes ebe, ‘Ikiosok isua ka eyakare isua ŋikisila ke Ekapolon,’ torae bo eturuwosi ŋikegirigirak ŋikisila ŋakiro ŋun alyokonu?.

Yer. 8:9

Isurumyo ŋikaosok ŋileec, itakadakinio ikes ka eyaaryo ikes, anerae aŋero ikes akirot ŋina ke Ekapolon, aniosou nai eyai neni kec?

Esek. 16:3

Tema iyoŋ neni a Yerusalem, ‘Alimu tokona Ekapolon Akuj aŋuna a Yerusalem ŋakiro nu atemar arae koloŋ nakwap a Ŋikanaani aponiata ŋituŋa kon ka edounere ikes. Arae papa kec Emorait ka arae toto kec Aititait.

Osea 4:6

Amunyarosi ŋituŋa kaŋ aŋuna amamukatar ayenut, anerae iŋero iyes ayenut, akaŋer ayoŋ daŋ iyes anarakau ŋisacaradotin kaŋ. Aŋuna ikimuryakiniata iyes ŋikisila a Akuj kus, ayoŋ daŋ ekemuryakinete ŋidwe kus.

Mika 3:11

Etubete ŋikepukak a Yerusalem ŋakiro aŋuna a ŋakaluŋuluŋui, itatamete ŋisacaradotin keŋ ŋikisila aŋuna ke etacit, edwarete ŋikadwarak keŋ ŋakiro aŋuna a ŋisiliŋa; torae bo neni ke Ekapolon eyarikinito ebasi, “Kire jik, ikirukit iwon ke Ekapolon, emam awana ebuni neni yok.”

Mal. 3:7

Akisyakin ŋinapei koloŋ alorwa atapapaa kus, iŋero iyes ŋikisila kaŋ nyiwuapito ikes. Toboŋutu neni kaŋ, ido aboŋuni ayoŋ neni kus. Nai iŋitasi iyes ibasi, ‘Alipite ikiboŋunio isua?’ ”

Ekim. 32:14

Iyes tokona lu, iyes ŋulu irae atukot a ŋikasecak, ilunyokinosi neni atapapa kus akiyatakin anyunyura a Ekapolon neni a Ŋisirael.

Mat. 15:14

Kimyekisi ikes make. Erae ikes ŋikarikok ŋulu emudukaka alokidiŋ ŋimudukanotin ŋuluce. Ani kerik ituŋanan ŋini emudukana emudukanot, imasakinosi ikes daadaŋ nauwuat.”

Mat. 27:1

Ani taparacu eriŋa akwap elilim, apotu ŋisacaradotin ŋulu apolok daadaŋ ka ŋikatukok totukut epite ŋoloaret Yesu.

Mat. 27:41

Ŋisacaradotin daŋ ŋulu apolok ka ŋiketatamak a Ŋikisila ta ŋikatukok tokyenatar iŋes ebasi,

Ŋitic. 7:51

“Eninik ŋatameta kus nooi! Ikote ŋitai kus ŋulu a ŋituŋa a ŋulu nyenupito Akuj! Nyicamunete iyes akiirar ŋakiro ŋuna ka Akuj! Ikote iyes atapapaa kus, itepegete iyes jwi jwi Etau ŋolo Asegan!

Ŋirom. 5:12

Abu asecit bu nakwap alotooma ipeituŋanan ka anerae abu iŋes tosec, etemokino iŋes totwan ka aŋun, akeikin atwanare lotuŋa daadaŋ, anerae aseca daadaŋ.