Isa. 43:25 - Ebaibul

²⁵ “Arae ayoŋ Akuj ŋina ikisyoni iyes ŋasecisya kus, aŋuna kaŋ a alope, ido nyatamuni ayoŋ ŋasecisya kus nabo.

Isa. 43:25 Iomraidhean Croise

2 Ŋakiro a ŋirwa 6:21

Kiira adyekitoi a eketiyan kon ka ŋina a ŋituŋa kon a Ŋisirael apaki ŋina ilipyata iŋoliunito nakibois na. Okoe kiirarae isua anakuj aneni iboiyo iyoŋ; topupok ido ikisyon.

Ŋikiru. 103:12

Ebi elwana neni elwania Kide alo To, elwana nooi neni ewuatari iŋes ŋasecisya aneni yok.

Ŋikiru. 103:3

Isyoniyenene Ekapolon ŋasecisya kaŋ daadaŋ, eketaŋaleununui iŋes ayoŋ alodekesyo kaŋ a daadaŋ;

Ŋikiru. 25:11

Aŋuna ka akitopoloor ekiro kon, okoe Ekapolon, kisyoni ŋasecisya kaŋ, anerae elalak nooi.

Ŋikiru. 25:7

Tojoŋo atamunit ŋasecisya ŋuna ka asorokanut kaŋ, kori ŋipitesyo kaŋ ŋulu akaŋereneneo ayoŋ iyoŋ; totamunae ayoŋ anamina kon a ŋina nyiryaŋiryaŋa, anerae ijok iyoŋ, okoe ekapolon.

Ŋikiru. 51:3

Ayeni ayoŋ ŋadyakanareta kaŋ, ido etakani asecit kaŋ a ŋinapaki.

Ŋikiru. 51:4

Asecit ayoŋ aneni kon, neni kon bon asecitor ayoŋ; adau ayoŋ akitiya aronis alokiŋaren kon, aŋun, iyookino iyoŋ anakiro a ŋuna irworo; ido iyookinit iyoŋ ikitubokinit ayoŋ akisicanio.

Ŋikiru. 51:9

Kisyoni ayoŋ ŋasecisya kaŋ, kikisa aronis kaŋ daadaŋ.

Isa. 1:18

Irworo Ekapolon ebala, “Iyes ŋituŋa a Yudaya, potu tokona erworiutu ŋakiro, tari kereŋak ŋasecisya kus puu ikwa ŋaokot, ekwaŋunete ikwa ŋalepan; tari kereŋak ikes ikwa ausi ŋina areŋan-kipurat, ekwaŋunete ikwa ŋajul a amesek a ŋina akwaŋan.

Isa. 37:35

Euryari ayoŋ etaun lo oiu, aŋuna kaŋ a elope ka aŋuna a Daudi a eketiyan kaŋ.”

Isa. 38:17

Kire, arae aŋuna ka alakara kaŋ iŋes ayakar ayoŋ apodo ŋina apolon; nai ibu iyoŋ nyikimyek ayoŋ otwana oloma nakipany ŋina ka akinyasuno, anerae imana iyoŋ ŋasecisya kaŋ daadaŋ kau kon.

Isa. 43:11

Ayoŋ arae Ekapolon, mam akaiunan ace mati ayoŋ bon.

Isa. 44:22

Alema ayoŋ ŋasecisya kus, lopite ŋolo eakarya edou, alema ayoŋ ŋasecisya kus, lopite ŋolo eŋopiyarya ekuno. Toboŋutu neni kaŋ, anerae akalaku ayoŋ iyes.

Isa. 48:11

Etiya ayoŋ ŋun aŋuna kaŋ a elope, anerae kaanukiro ejamuwaritere ekiro kaŋ? Nyainakini ayoŋ apolou kaŋ neni a ice.

Isa. 55:7

emaikina ŋulu aronok kimyekis akitiya aronis ka emaikina ŋulu nyiyookino ŋatameta kec kimyekis akitam ŋuna nyiyookino; emaikina ikes toboŋut neni ke Ekapolon, ikotere Ekapolon isyoni ikes emaikina ikes toboŋut neni ka Akuj yok, anerae isyoni iŋes ikes nooi.

Isa. 64:8

Kikote neni daŋ okoe Ekapolon, irae iyoŋ papa kosi. Ikirae isua ecoto ka iyoŋ ekayeunan isua; ikirae isua daadaŋ ŋisubuna kon.

Isa. 64:9

Okoe Ekapolon nyiŋo kareca jik ka nyirubak itamunit jik ŋasecisya kosi ŋikaru ka ŋikaru, Totamak tokona atemar ikirae isua daadaŋ ŋituŋa kon.

Yer. 31:34

Nyerubakinete nabo ikes itatamasi make, kori elimonokinete ŋuluce ebe, ‘Toyenete Ekapolon,’ anerae akayenunete ikes daadaŋ ayoŋ, ameun alotuŋa a ŋulucaryo tari ŋulu itopolooritae, anerae esyoni ayoŋ ŋasecisya kec, nyatamu nabo ŋasecisya kec jik.”

Yer. 50:20

Alimu Ekapolon atemar alorwa a ŋul ka anapaki a ŋin, iwaryo asecit aneni a Ŋisirael, ido nyeryamunio, iwaryo asecit alotuŋa a Yudaya, ido nyeryamunio, anerae isyoni iyoŋ ŋipiya a ŋituŋa a ŋulu abu ayoŋ emyek nyeara.

Esek. 18:22

Nyisicanio iŋes aŋuna ka asecit ka adio a ŋina sek etiyat iŋes. Eyari iŋes aŋuna ka akiyookino a ŋina etiya iŋes.

Esek. 20:14

Nai aŋuna a ekiro kaŋ, abu ayoŋ etiya ŋuna nyepedorere akiyanyia ekiro kaŋ alokiŋaren ŋituŋa ŋulu abu ayoŋ oyaunia ikes.

Esek. 20:22

Nai abu ayoŋ emyek akisican ikes, abu ayoŋ aŋuna ekiro kaŋ etiya ŋuna nyepedorere akiyanya ekiro kaŋ alokiŋaren ŋituŋa ŋulu abu ayoŋ oyaunia ikes.

Esek. 20:9

Nai aŋuna a ekiro kaŋ, abu ayoŋ etiya ŋuna nyepedorere akiyanyia ekiro kaŋ anakwapin a ŋuna eboiyoto Ŋisirael ka alokiŋaren ŋituŋa ŋulu abu ayoŋ etoodikin anayaun Ŋisirael anakwap a Ijipit.

Esek. 33:16

Nyetamunio tari apei anasecisya a ŋuna itiyato ikes kimarakinae erae ŋina imanitere ikes; anerae etiyata ikes ŋuna ecamito ŋikisila ka ŋuna iyookino, eyarete ikes kire jik.

Esek. 36:22

“Aŋun, tolimok Ŋisirael atemar alimu Ekapolon Akuj ebe, ‘Okoe Ŋisirael, meere aŋuna kus eapiya ayoŋ akitiyakin ŋakiro ŋadi, nai erae aŋuna a ekiro kaŋ a ŋolo asegan, a ŋolo ijamuwasi iyes anakwapin a ŋuna ipotu iyes toloto.

Esek. 36:32

Alimu Ekapolon Akuj atemar, meere aŋuna kus eapiya ayoŋ akitiyakin ŋakiro ŋadi, emaikina iyes toyenete ŋun. Okoe Ŋisirael, emaikina iyes ikiruma ŋileec kus a ŋilopeyek ka itokadak iyes ŋilopeyek alotooma ŋuna iwuapito iyes.

Mar. 2:7

“Kaanukiro irworor ekile logo ikona? Erae ŋin akiyany Akuj, anerae emam ituŋanan epedori akisyon ŋasecisya, mati Akuj bon.”

Luk. 5:21

Apotu ŋiketatamak a Ŋikisila ka Ŋiparisayon kiŋitas make temasi, “Ŋae ŋini iyanyi Akuj ikona en? Emam ituŋanan ŋini epedori akisyon ŋasecisya, mati Akuj bon!”

Ŋitic. 3:19

Tokiwa nai, kibelekinos neni ka Akuj, ikotere ikisari iŋes ŋasecisya kus. Kitiyata ŋun, ikotere epote aneni ke Ekapolon ŋarwa ŋuna itogogoŋere ŋitai kus.

Ŋirom. 5:20

Abu Akuj kitolomu Ŋikisila aŋuna ka akiyatakin asecit, anerae aponi iŋes kisileereunoe; nai neni abunio asecit kiyatakinor, abu ajokis ŋina ka Akuj kiyatakin nooi adepar.

Ŋiep. 1:6

Ikotere iwon ikipuri iŋes aŋuna ka ajokis keŋ a ŋina apolon, a ŋina erae ainakinet keŋ ŋina a Lokoku keŋ a ŋolo minat!

Ŋiep. 1:8

Anajokis a ŋin, abu Akuj ikiinak iwon aosou daadaŋ ka ayenut,

Ŋibur. 10:17

Nabo ebala iŋes, “Nyatamuni nabo jik ŋasecisya kec ka ŋiticisyo kec ŋulu aronok.”

Ŋibur. 8:12

Esyoni ayoŋ ŋaronisya kec, nabo nyatamuni ŋasecisya kec jik.”