Isa. 43:24 - Ebaibul

²⁴ Nyeyauna iyes neni kaŋ ŋakasirim ŋuna abobok kaapei ka ao, kori nyisimwonikina iyes ayoŋ a ŋasepwa a ŋamuronisya kus. Nai ikican iyes ayoŋ a ŋasecisya kus; ikituupa iyes ayoŋ a ŋaronisya kus.

Isa. 43:24 Iomraidhean Croise

Ŋikiru. 95:10

Ŋikaru ŋatomoniomwon, abu ayoŋ oŋer ŋituŋa a anyamet a ŋin, abu otema, ‘Okoe, erae ikes ŋituŋa ŋulu nyepupete ŋakiro! Ewounito akiwuap ŋakiro kaŋ.’

Awos. 30:34

Tema Ekapolon neni a Moses, “Tolemu ŋimina lu ŋulu akukunyok ŋulu enyaritae: Resin, onika ka galbanum ta eminae ŋolo akwaŋan kya. Emaikina ŋimina ŋul daadaŋ eriyan etyae.

Awos. 30:7

Emaikina Aron kicunyanak ekinyate anakibois a ŋin a ŋinataparacu apaki ŋina elosyo iŋes akitemonokin ŋitaae.

Isa. 1:14

Eŋerit etau kaŋ ŋasuban kus ŋuna a ŋilapyo a ŋulukitet ka ŋasuban kus ŋuna emaikina iyes itiyaete, eketuupa ikes ayoŋ, ekesyaasi ikes ayoŋ nyapedori akidaŋidaŋ.

Isa. 1:24

“Aŋun irworo Ekapolon ŋolo ipukat daadaŋ, Ekapolon a ŋajoresyo, Ekapolon ŋolo etiron ŋolo a Ŋisirael ebe, ‘Okoe! anyunyurikin ayoŋ ŋimoe kaŋ, ido enyaŋa ŋuna etiyata ŋimoe kaŋ neni kaŋ.

Isa. 63:10

Nai apotu ikes toŋero Ekapolon, ido kitoŋoa etau keŋ ŋolo asegan; aŋun, abu Ekapolon toruwor emoit kec, abu iŋes elope kitiji ikes.

Isa. 7:13

Tema nai Isaya neni ka Aas, “Kiirasi tokona iyes ŋiletok a Daudi, nyituupa mono iyes ŋituŋa anakidaŋidaŋ ŋakiro kus, ido icamito akituup Akuj kaŋ daŋ a?

Yer. 44:22

Abu Ekapolon nyepedo akidaŋidaŋ ŋiticisyo kus ŋulu aronok, asiilyo ŋina ipotu iyes kitiyata, aŋun, abu akwap kus toruwor ereŋorot, acaryoit ka ŋina a ŋicen tomamukaun ituŋanan eyai lopite ŋolo eyakar tari nakoloŋit na.

Yer. 6:20

Ekainyo kaŋ ekinyate ŋolo eyaunitae alo Seba, kori akasirimaete ŋina abobon ŋina eyaunitae anakwap a ŋina alwanan? Nyacamit ayoŋ ŋainakineta kus ŋuna epeyo, kori nyeketalakarito ayoŋ tari ŋamuronisya kus.

Esek. 16:43

Aŋuna pa ibunio iyoŋ totamunia ŋirwa ŋulu ka asoroko kon ŋulu akatiŋitor ayoŋ iyoŋ ejok, a ŋun ikitoŋo iyoŋ ayoŋ anakiro a daadaŋ a ŋuna itiya iyoŋ, ŋakiro ŋun nai eketoboŋokinio ayoŋ iyoŋ ŋiticisyo kon pei ikisicanere iyoŋ. “‘Kaanukiro ibunio iyoŋ kiatakinia amalao nakiro ŋuna aronok ŋuna sek itiyae iyoŋ?

Esek. 6:9

Ikes ŋulu ebucarosi akatamunete ayoŋ anakwapin a ŋuna erikoryo erae ŋirikon. Etamunete ikes epite ŋolo abunio ayoŋ oŋoya aŋuna aponiata ikes tomalaaketa alotai kec toŋero anupit ayoŋ ka ŋuna aponiata ikes okoŋero ayoŋ toloto neni a ŋakujo kec. Nyepedorete nabo ikes acamun akitiya ŋuna aronok ŋuna etiyata ka ŋuna ka asiilyo daadaŋ ŋuna adaut ikes akitiya.

Ŋilep. 3:16

Epedori nai esacaradoti akicuny ŋinerin ŋul daadaŋ alokidiama namuroet ikwapei akimuj ka ainakinet ŋina epeyo, ŋina ebob eure keŋ aneni ke Ekapolon. Emaikina asepwae daadaŋ erae ŋina ke Ekapolon.

Ŋilep. 4:31

Emaikina esacaradoti tolema asepwae daadaŋ lopite ŋolo alemanarere ŋina ka ainakinet a ŋina ke ekisil, ido emaikina kicuny alokidiama namuroet ikwapei ainakinet ŋina epeyo, ŋina ebob eure keŋ aneni ke Ekapolon. Alopite a ŋol, emookuni esacaradoti ituŋanan ŋin anasecit keŋ, ido isyonio ituŋanan ŋin.

Amos 2:13

Aŋun, ekeimakini ayoŋ iyes neni iboiyoto iyes, lopite ŋolopei iimaror kwap agaari ŋina ileleba ŋikinyom,

Mal. 1:14

Ilamam ituŋanan ŋini emodiyana, ŋini ani kiik ainakin ayoŋ ibarasit ŋini ajokan alosipan keŋ, yau neni kaŋ ibarasit ŋini nyejok; arae ayoŋ Erwosit ŋolo apol akilo ŋuluce, ido itopolooritae ekiro kaŋ anakwapin.”