Isa. 43:23 - Ebaibul

²³ Nyeyauna iyes neni kaŋ ŋamesekin kus ikwapei ŋainakineta ŋuna epeyo, kori nyikitopolooro iyes ayoŋ a ŋamuronisya kus. Nyicana ayoŋ iyes a ŋainakineta, kori nyituupa ayoŋ iyes anainakin ayoŋ ekinyate.

Isa. 43:23 Iomraidhean Croise

Neem. 13:10

Abu daŋ oryamu atemar keponi nyeinakin ŋilepi akimuj ŋina sek amaikina ikes eryamununeete, ido kepotu ŋilepi ka ŋikaeok ŋulu sek etiyaete alo Kai ka Akuj toloto akitare ŋimanikorin kec aŋuna ka aryamunia akimuj aŋuna kec.

Awos. 30:34

Tema Ekapolon neni a Moses, “Tolemu ŋimina lu ŋulu akukunyok ŋulu enyaritae: Resin, onika ka galbanum ta eminae ŋolo akwaŋan kya. Emaikina ŋimina ŋul daadaŋ eriyan etyae.

Ŋakit. 15:8

Erae ŋamuronisya a ŋulu aronok asiilyo aneni a Ekapolon, nai elakara Ekapolon aŋuna ka akilip a ituŋanan a ŋini iyookino.

Ŋakit. 21:27

Erae amuronot a ŋulu aronok ibore ŋini erae asiilyo, etya nai asiilyo ŋin ai erae keyaunitae amuronot ŋin aŋuna ka akitiyaa aronis!

Ŋakit. 3:9

Kitopoloorite Ekapolon anainanakin iŋes ibore idio alobari kon, inanakini Ekapolon ŋaraito a ŋikinyom kon a daadaŋ.

Isa. 66:3

“Ituŋanan daadaŋ ŋini akaaranakini ayoŋ emoŋ erae amuronot, ikwaan ituŋanan ŋin ka ŋini eari ituŋanan; ituŋanan daadaŋ ŋini akaaranakini ayoŋ ikale ŋinimesek erae amuronot, ikwaan ituŋanan ŋin ka ŋini emojiri emosiriŋ a iigok tobil; ituŋanan daadaŋ ŋini akainakini ayoŋ ainakinet ŋina a ŋikinyom ikwaan ituŋanan ŋin ka ŋini akainakini ayoŋ ŋaokot a eguruye; ituŋanan daadaŋ ŋini icunyi ekinyate aŋuna ka atamunitor ayoŋ, ikwaan ituŋanan ŋin ka ŋini ilipi neni ka etorube a ŋolo itiyaunitae. Adaut ŋituŋa ŋulu ikote ŋul akiwuap ŋuna kec a ŋikulepek, ido elakara ikes anakitiya asiilyo kec;

Yer. 7:21

“Irworo Ekapolon ŋolo a ŋajoresyo Akuj ŋina a Ŋisirael atemar kiyatakisi ŋainakineta kus namuronisya kus ka tonyama akiriŋ,

Yer. 7:22

anerae akoloŋit ŋina ayaunia ayoŋ atapapaa kus anakwap a Ijipit, nyelimokina ayoŋ ikes, kori nyicikakina ayoŋ ikes ŋakiro ŋadi ŋuna a ŋainakineta a ŋuna epeyo ka ŋuna a ŋamuronisya.

Ŋilep. 2:1

Ani keyau ituŋanan idio ainakinet ŋina erae ŋikinyom neni ke Ekapolon, emaikina iŋes kirye yau erae ŋakirya. Emaikina iŋes kiwuak nakirya ŋun akimyet ka ekinyate,

Ŋilep. 24:7

Aŋololain a ŋamugati, kiwuakisi ekinyate ŋolo ajokan, ikwapei ainakinet aŋuna ka akimuj ka ainakinet neni ke Ekapolon ŋina epeyo.

Amos 5:25

“Okoe Ŋisirael, ani mono ŋikaru ŋatomoniomwon ŋulu iwuosyata iyes analoŋisat, ipotu mono iyes yaut neni kaŋ ŋamuronisya ka ŋainakineta a?

Mika 6:3

Ŋikaatuŋa, anukiro etiya ayoŋ neni kus? Alipite eketeryamunia ayoŋ iyes ŋican? Toboŋokinoe ayoŋ.

Mal. 3:8

“Ekeŋisit ayoŋ iyes ebe, ‘Ejok mono ituŋanan akoko Akuj a?’ Mam nyejok, nai ikikokoyete iyes ayoŋ, ido iŋitasi ibasi, ‘Alipite ikikokoya isua iyoŋ?’ Ikikokoyete iyes ayoŋ aŋuna nyiyaununiyata atutubet apei alotooma ŋatomon aloboro kus ka aŋuna nyikiinanakiniata ayoŋ ŋainakineta.

Mat. 11:30

Anerae epatana akinap ayokot kaŋ ka eook egogos kaŋ.”