Isa. 43:20 - Ebaibul

²⁰ Eketopoloorete ayoŋ ŋityaŋ ŋulu ka ariet, ŋikweei ka ŋikaleeso, anerae ewuakini ayoŋ ŋakipi naloŋisat ka ŋaŋololin naonite, ikotere ŋituŋa kaŋ ŋuluseuna emasete,

Isa. 43:20 Iomraidhean Croise

1 Ŋakiro a ŋirwa 16:13

Totamunito ŋun, iyes ŋiletok ka Aburaam a ŋolo arae eketiyan keŋ, totamunito ŋun, iyes ŋidwe a Yakob a ŋolo abu iŋes toseu.

Ŋikiru. 104:21

Irurumaete ŋiŋatunyo apaki ŋina iwaritotor akimuj, iwarito ikes akimuj ŋina einanakini Akuj ikes.

Ŋikiru. 148:10

iyes ŋityaŋ ŋulu ka ariet ka ŋibaren daadaŋ, ŋisubuna ŋulu alyatok ka ŋikyeny.

Ŋikiru. 33:12

Erereŋ akwap ŋina erae Akuj Ekapolon keŋ erereŋ ŋituŋa ŋulu aseu Ekapolon aruwor ŋituŋa keŋ.

Isa. 13:22

Epote ŋibuin arwore anaduketa keŋ a ŋuna aoyak ka elomarete ŋikweei nakais kec ŋuna ka apukan, aapuu apaki ŋina inyasunere Babilon, adaun ŋirwa keŋ.”

Isa. 30:25

Akoloŋit ŋina earere ŋimoe kus ŋulu alalak ŋina eritarere ŋaduketa ŋuna aoyak, eyakaunosi ŋayona ŋuna elelyaata ŋakipi alomoru a ŋulu aoyak a daadaŋ ka alokamukumukui a ŋulu aoyak a daadaŋ.

Isa. 32:2

Eruwor neni kec eiunotor ŋituŋa ikwa akibois ŋina ipakarit ekuwuam, kori akibois ŋina ikimukori anakiru a ŋina alalan. Ikwaanikin ikes ka ŋayona ŋuna elelyata ŋakipi analoŋisat, ikwaanikin ka etolim a ataaba a ŋina apolon anakwap a ŋina ka akure.

Isa. 33:21

Eyakaun Ekapolon nen aŋuna yok erae ŋolo ailiilon, erae nen akibois ŋina a ŋaŋololin ka ŋayona ŋuna apolok, ŋuna emam ŋatakerin itorete, ŋuna emam ŋameeli itorete;

Isa. 35:7

Eruwor asinyon ŋina amwanan abwal ka eruwor neni sek icana ŋakipi ŋilelyan, eruwor neni sek iboiyoto ŋikweei ŋijomya elomunete a nen ŋatetelei ka asasaki.

Isa. 41:17

“Ani epote ŋikulyak ka ŋituŋa ŋulu eyakatar akiitanit iwarito ŋakipi, ido nyeryamut ŋadi, tooko ŋaŋajepa kec aŋuna ka akure, ayoŋ Ekapolon aboŋokini ikes, ayoŋ Akuj a Isirael nyemyekini ikes.

Isa. 41:18

Aŋaari ayoŋ ŋaŋololin toleleut anaonitei a ŋuna alokidiama ŋimoru aŋaari ayoŋ ŋilelyan toitut alokidiŋ ŋakadipaalae; eturuwori ayoŋ aloŋisat neni esipotor ŋakipi ka eturuwori ayoŋ neni sek eonit anakwap neni ileleba ŋicowae ŋulu eya ŋakipi.

Isa. 43:19

Eapi ayoŋ akitiyakin ibore ŋini kitete, ageu ibore ŋin akitiyakin, eriŋa iyes nyeyenuna a? Ewuakini ayoŋ erot naloŋisat ka ewuakkini ŋaŋololin naonite.

Isa. 48:21

Apaki ŋina arikitor iŋes ikes analoŋisat, nyenyama ikes akure, abu iŋes kiteleleu aŋuna kec ŋakipi anataaba, abu iŋes kibel ataaba, ido tonaŋun ŋakipi anataaba.

Isa. 49:10

Nyenyami ikes akoro, kori akure, nyeari ikes ekuwuam ŋolo amwanan, kori akoloŋ, anerae iteni ikes ŋolo abu kisyoni ikes, iteni ikes kitoryo neni eya ŋiitan a ŋakipi.

Isa. 65:15

Imyekinete iyes ŋirorwa kus aneni a ŋuluseuna kaŋ erae ŋulu ilamare; ido ikimunyari Ekapolon Akuj iyes; nai einakini iŋes ŋiketiyak keŋ ekiro ŋolo egelaana.

Yer. 31:9

Epote ikes igworosi, ido enyakuni ayoŋ ikes emaimai, etorunio ayoŋ ikes nayona ŋuna a ŋakipi, etorunio ayoŋ ikes lorot ŋolo ecorot ŋolo emam ibore igukini ikes, anerae aruwor ayoŋ papa a Ŋisirael ka erae Epuraim lokoku kaŋ ŋolokiyae.”

Yoel 3:18

“Akoloŋit ŋin, elomuni epiini ŋolo abobon alomukur, eleleunete ŋakile alomukur, ido elelearete ŋakipi alotai a ŋayona a Yudaya a daadaŋ; elomuni elelya alo Kai ke Ekapolon, toleleya nayonae ŋina enyaritae Sitim.

Mar. 13:20

Kerae nyituuruwuanit Akuj ŋirwa ŋul, kemam ituŋanan epuun. Nai aŋuna aminar Akuj ŋulu aseunit iŋes, abu kituuruwuan ŋirwa ŋul.

Yoa. 4:10

Toboŋok Yesu tema, “Kerae toyeni iyoŋ ainakinet ŋina ecamit Akuj ainakin iyoŋ ka ŋolo ebala iyoŋ ‘Kitamatae,’ kiŋisit iyoŋ iŋes ka kikiinakinit ŋakipi ŋuna eteyarak.”

Yoa. 4:14

nai ŋini emasi ŋakipi ŋuna ainakini ayoŋ iŋes, nyenyami akure nabo jik. Ŋakipi ŋuna abuni ayoŋ ainakin iŋes, eruworosi aneni keŋ eitanit ŋolo a ŋakipi a ŋuna eyaunete akiyar ŋina nyedaun.”

1 Pet. 2:9

Nai irae iyes ebuku ŋoloseuna, ŋisacaradotin ŋulurwosi, ŋituŋa ŋulu etyakaritae neni ka Akuj, ŋituŋa keŋ ka alope. Ikiseu iŋes iyes akisera ŋiticisyo ŋulu apolok nooi, ŋulu a ŋolo ikinyarau iyes anakiryonut tooma nakica keŋ, ŋina ka aumokin.

Akis. 17:14

Itijiyete ikes Imesek, nai ilouni ikes Imesek kaapei ka ŋulu enyaritae, ŋulu eseunitae ka ŋikewuapak ŋulu erubakinito enupito iŋes, anerae erae iŋes Ekapolon a ŋikapolok ka Erwosit a ŋirwosi.”

Akis. 21:6

Tema nabo neni kaŋ, “Erikakin! Arae ayoŋ Alpa ka Omega--Akisyakinet ka Asalunet. Ŋini daadaŋ enyami akure, ainakini ŋakipi ŋuna emam egyelit, ŋuna aloitanit a ŋolo ka akiyar.

Akis. 22:17

Ebasi Etau ka Ateran, “Bua!” Itemokino ituŋanan daadaŋ ŋini iirari nu tema, “Bua!” Itemokino iŋes ŋini enyamit akure bu, itemokino iŋes ŋini ecamit ŋakipi ŋuna ka akiyar, ya pa egyelit.