Isa. 43:2 - Ebaibul

² Apaki ŋina itoryoto iyes kidiŋ ŋakipi, ikirukit ayoŋ ka iyes; kori apaki ŋina itoryoto iyes naŋololin, nyepedorete ŋakipi akiwok iyes; apaki ŋina itoryoto iyes kidiŋ akim, nyikinomi akim iyes ka nyikinomiari iyes arira a akim a ŋin;

Isa. 43:2 Iomraidhean Croise

Yob 5:19

Ikilakuni Akuj anatyokisyo a ŋakanikapei; ani edoli ŋina a ŋakanikaarei emam awana iryamuni.

Ŋikiru. 23:4

Tari kalosi ayoŋ anakadipaalat a ŋinakiryonon cuc, nyakuryani ayoŋ atemar akawanio; anerae ikirukit ayoŋ ka iyoŋ ka akaiunito ayoŋ abiro ka ebela kon.

Ŋikiru. 32:6

Aŋun, emaikina ituŋanan daadaŋ ŋini enupit neni kon kilip neni kon; anapakio a ŋuna a ŋican a ŋulu alalak nyeryamunete ikes ŋican ŋul.

Ŋikiru. 66:10

Okoe Akuj, idau iyoŋ akikatakin isua; ikikatak iyoŋ isua lopite ŋolo ikatakinere esilipa.

Ŋikiru. 66:12

Ibu iyoŋ kimyek ŋituŋa ŋulu ameto ŋaŋolei ikipudaete isua; aponi isua toryamununae ŋican ikwa ŋituŋa ŋulu iteryamunito ŋakipi ka akim ŋican; nai ikiyau iyoŋ isua nakibois ŋina ka ajakao.

Ŋikiru. 91:15

Ani akanyaraete ikes ayoŋ, aboŋokini ayoŋ ikes; ikiruki ikes ka ayoŋ anapaki a ŋina eyakatar locan, aiuni ayoŋ ikes, ido etopoloo.

Awos. 14:29

Nai apotu Ŋisirael todoka Anam eonit neni alosyoto ikes ka erounito ikes ŋakipi esibit ŋarwatatain aloteten ka alokedyeny kec.

Awos. 3:12

Tema Akuj neni a Moses, “Ikiruki ayoŋ ka iyoŋ, ido eruwor na akitoodikinet aneni kon atemar erae ayoŋ ekeyakit iyoŋ: Ani kidau iyoŋ ayaun ŋituŋa alo Ijipit, ilipi iyoŋ neni kaŋ alomoru a lo.”

Isa. 29:6

ebuni Ekapolon ŋolo a ŋajoresyo akipeyokin iyes, ebuni iŋes ka agiro ka amaran ŋina ka akwap ta etoil ŋolo apolon nooi, ebuni iŋes a ekuwuam a ŋolo ipiripiri ka ŋolo aryenyaanan ta akim ŋina enomiyari akwap.

Isa. 30:27

Kiirasi, ebunit ekiro a Ekapolon aneni alwanan, ebunit anaŋoit a ŋina erirae ka anapuru a ŋina iryono cuc a ŋina eremit kidiama; ileleba anyunyura nakituk keŋ, ido ikwaan aŋajep keŋ ka akim ŋina ikinomiyari.

Isa. 41:10

nyikuryaketa, anerae ikirukit ayoŋ ka iyes, nyikuryaketa, anerae arae ayoŋ Akuj kus, eketogogoŋi ayoŋ iyes ka ekeŋarakini ayoŋ iyes. Akaiuni ayoŋ iyes a apedor kaŋ a ŋina elounan.

Isa. 41:14

“Iyes ŋituŋa a Yakob ŋulu ipalag, nyikuryaketa, iyes ŋituŋa a Isirael ŋulu ikudyoko, nyikuryaketa. Ekeŋarakini ayoŋ iyes, Akuj ŋina asegan ŋina a Isirael iŋes erae akalakunan kus.

Isa. 43:5

Nyikuryaketa, anerae ikirukit ayoŋ ka iyes, ayauni ayoŋ ŋiletok kus alo Kide ka akacununi ayoŋ iyes alo To.

Yer. 42:11

Nyikuryaketa aŋuna ke erwosit a Babilon, lopite ŋolo sek ikuryaketa iyes, nyikuryaketa aŋuna keŋ, anerae ikirukit ayoŋ ka iyes, aŋuna ka aiun iyes ka alakun iyes anapedor keŋ.

Yer. 46:28

Ŋituŋa kaŋ ŋiletok a Yakob, nyikuryaketa, anerae ikirukit ayoŋ ka iyes amunyari ayoŋ ŋituŋa a ŋakwapin a ŋuna abu ayoŋ ekeelak iyes, nai nyakamunyari ayoŋ iyes. Ekesicani ayoŋ iyes alotooma akiyookino, nai nyekemyekini ayoŋ iyes nyisicana.”

Dan. 3:23

Nai apotu ŋikilyok ŋuluuni lu: Sadirak, Mesak ka Abedinego tocakakinos eenen tooma nakim ŋina arirae ŋina ke ekitet.

Agai 1:13

Tolimok nai Agai, ekiyakia ŋolo ke Ekapolon ŋituŋa ŋakiro ŋuna ke Ekapolon tema, “Ebala Ekapolon, ikirukit ayoŋ ka iyes.”

Sakar 13:9

Ekatakini ayoŋ ŋituŋa ŋulu idoŋete, ekatakini ayoŋ ikes oliu ikwaŋina eliyere esilipa, ekatakini ayoŋ ikes, ikwaŋina ipoere egolid toanyunere erae kejok. Enyaraete ikes ekiro kaŋ, ido aboŋokini ayoŋ ikes. Alimokini ayoŋ ikes ebe, ‘Irae iyes ŋituŋa kaŋ,’ ido elimunete ikes ebe, ‘Erae Ekapolon Akuj kosi.’ ”

Mal. 4:1

Ebala Ekapolon ŋolo Etiron ebe, “Kiirasi ebunit akoloŋit ŋina eriraa akim ikoni ŋina ke ekitet, akoloŋit ŋin icunyaryo daadaŋ ŋulu eturok ka ŋulu itiyaete aronis, mam ikes ipei daŋ ŋini idoŋi.

Mat. 1:23

“Epotiuni ka idouni apese ŋina nyiryamakina ka ekile ikoku ŋini sapat, enyarao ekeekiro Emmanuel.” (Apolou keŋ atemar, “Ikirukit iwon ka Akuj.”)

2 Tim. 4:17

Nai abu Ekapolon okowoik ayoŋ, okoinak agogoŋu, ido abu opedo alimonokin Ŋakiro ŋuna Ajokak daadaŋ, ikotere ŋituŋa daadaŋ ŋulu nyerae Ŋiyudayan iirarete ka aponi okoiun anatubokino atwanare.

2 Tim. 4:22

Toyai Ekapolon lotau kon! Toyai neni kus daadaŋ ajokis ŋina ka Akuj.

Ŋibur. 11:29

Anupit iŋes koloŋ etoryoto ŋituŋa ŋulu a Isirael Nanam ŋina Areŋan eonit ikwa akwap neni aonon, nai ani ikatakinete ŋituŋa ŋulu a Ijipit daŋ akidok, kitamata ŋakipi ikes.

Yos. 1:5

Emam ituŋanan ŋini epedori akiloun iyoŋ eriŋa iyari. Ikiruki ayoŋ ka iyoŋ lopite ŋolopei sek ikirukitor ka Moses. Nyatyakar jik ayoŋ aneni kon, kori nyakaŋeri jik ayoŋ iyoŋ.

Yos. 1:9

Tokona nai, ekeciki ayoŋ iyoŋ; togogoŋ ka totitiny. kiurya nyikikadanak, anerae ayoŋ Ekapolon Akuj kon, ikirukit ayoŋ ka iyoŋ aneni ilosi daadaŋ.”