Isa. 43:19 - Ebaibul

¹⁹ Eapi ayoŋ akitiyakin ibore ŋini kitete, ageu ibore ŋin akitiyakin, eriŋa iyes nyeyenuna a? Ewuakini ayoŋ erot naloŋisat ka ewuakkini ŋaŋololin naonite.

Isa. 43:19 Iomraidhean Croise

Ŋikiru. 105:41

Abu Akuj toped ataaba, ido apotu ŋakipi toleleut kiŋa; toleleyasi analoŋisat lopite ŋolo elelyaa aŋolol;

Ŋikiru. 126:4

Okoe Ekapolon, kinyakakinae isua ajokis ikwa ŋina inyakakinia akiru ŋakipi nayona ŋuna analoŋisat a ŋina alo Kwap Yudaya.

Awos. 17:6

Awoi ayoŋ alokiŋaren kon anataaba a ŋina eyai lomukura ŋolo enyaritae Oreb. Toram ataaba ŋin, elomunete ŋakipi a nen, ido tomata ŋituŋa.” Abu Moses kitiya ŋun iteete ŋikasikou a Ŋisirael.

Isa. 30:25

Akoloŋit ŋina earere ŋimoe kus ŋulu alalak ŋina eritarere ŋaduketa ŋuna aoyak, eyakaunosi ŋayona ŋuna elelyaata ŋakipi alomoru a ŋulu aoyak a daadaŋ ka alokamukumukui a ŋulu aoyak a daadaŋ.

Isa. 32:2

Eruwor neni kec eiunotor ŋituŋa ikwa akibois ŋina ipakarit ekuwuam, kori akibois ŋina ikimukori anakiru a ŋina alalan. Ikwaanikin ikes ka ŋayona ŋuna elelyata ŋakipi analoŋisat, ikwaanikin ka etolim a ataaba a ŋina apolon anakwap a ŋina ka akure.

Isa. 33:21

Eyakaun Ekapolon nen aŋuna yok erae ŋolo ailiilon, erae nen akibois ŋina a ŋaŋololin ka ŋayona ŋuna apolok, ŋuna emam ŋatakerin itorete, ŋuna emam ŋameeli itorete;

Isa. 35:1

Elakar aloŋisat ka akwap neni eonit, elelyani aloŋisat ka eturouni; lopite ŋolo eturounio ecomocomo,

Isa. 41:18

Aŋaari ayoŋ ŋaŋololin toleleut anaonitei a ŋuna alokidiama ŋimoru aŋaari ayoŋ ŋilelyan toitut alokidiŋ ŋakadipaalae; eturuwori ayoŋ aloŋisat neni esipotor ŋakipi ka eturuwori ayoŋ neni sek eonit anakwap neni ileleba ŋicowae ŋulu eya ŋakipi.

Isa. 41:19

Eturupuni ŋikito a Cedar analoŋisat, eturupuni ayoŋ ŋikito ka Akacia, ŋikito ŋulu ikwaan ka ŋikamurya, ŋikito a Olipa analoŋisat; eturupuni ayoŋ ŋikito a Cipres analoŋisat aneni eonit, eturupuni ayoŋ analoŋisat ŋikito ŋulu aoyak ka ŋulu arubak togogoŋ,

Isa. 42:9

Kiirasi, alunyarosi ŋakiro ŋuna ŋorok, erworo tokona ayoŋ ŋakiro ŋunakitet; ani eriŋa ŋakiro ŋun nyetakanuna, akalimokini ayoŋ iyes ikes.”

Isa. 48:5

Abu ayoŋ okolimok iyes ŋakiro ŋun koloŋ sek, abu ayoŋ eserau ŋakiro ŋun neni kus eriŋa nyitiyakina, ikotere nai iyes nyitemasi, ‘Erae etorube a akuj kaŋ etiyakini ŋakiro ŋun, erae etorube ŋolo ecieunit ayoŋ a akitoe ka ŋolo etiyaunit ayoŋ a asuwat ikes etiyakis ŋakiro ŋun.’

Isa. 48:6

“Idaut iyes akiirar ka akiŋolikin ŋun daadaŋ, nyipedorete tokona iyes alimor ŋakiro ŋun a? Ameun tokona ekesiirari ayoŋ iyes ŋakiro ŋunakitet, ŋakiro ŋuna sek ewuaitae, ŋuna nyeyenuna iyes.

Isa. 49:10

Nyenyami ikes akoro, kori akure, nyeari ikes ekuwuam ŋolo amwanan, kori akoloŋ, anerae iteni ikes ŋolo abu kisyoni ikes, iteni ikes kitoryo neni eya ŋiitan a ŋakipi.

Isa. 51:3

Isirworiuni Ekapolon ŋituŋa a Sion; itojokuni ŋakiboisyo kec daadaŋ ŋuna apotu toruworos ŋacaryo ka ituruwori aloŋisat kec akibois ŋina ajokan ŋina ikoni Eden, kikwaanikin aloŋisat kec ka emanikor a Ekapolon. Eyakaun alelyanu ka alakara Sion, eokinete ŋituŋa a nen ŋieosyo ŋulu ka alakara.

Yer. 23:7

Aŋun, adau Ekapolon alimun ŋakiro nu atemar eponito kire jik ŋirwa ŋulu nyikoŋioto nabo ŋituŋa a ekiro kaŋ ebasi, “Ikwapei eyarya Ekapolon ŋolo etipeunio ŋituŋa a Isirael anakwap a Ijipit,”

Yer. 31:22

Okoe iyes ŋituŋa ŋulu emam akikinyoma, tari ori irimito iyes? Adau Ekapolon asubun ibore ŋini kitete anakwap, iyoki aberu ekile.”

Yer. 31:9

Epote ikes igworosi, ido enyakuni ayoŋ ikes emaimai, etorunio ayoŋ ikes nayona ŋuna a ŋakipi, etorunio ayoŋ ikes lorot ŋolo ecorot ŋolo emam ibore igukini ikes, anerae aruwor ayoŋ papa a Ŋisirael ka erae Epuraim lokoku kaŋ ŋolokiyae.”

Ekim. 20:11

A nen, kikyaa Moses akan keŋ, toram ataaba ŋin ŋarwa ŋaarei a ebela keŋ; kiyesun ŋakipi elalak nooi, tomata ŋituŋa ka ŋibaren kec.

2 Ŋikor. 5:17

Aŋun, ani keyai ŋini eyai tooma Kristo, aruwor iŋes isubuna ŋini kitete; asalut ŋuna ŋorok, apotu ŋuna kitet.

Ŋikis. 8:15

nyikimuryak Ekapolon ŋolo abu ikirik iyes analoŋisat a ŋina apolon nooi ka a ŋina a ŋican a ŋulu apolok a ŋina eleleba ŋimuno ka ŋitwania ŋulu aarak. Abu Ekapolon kiteleleu ŋakipi aŋuna kus anataaba a ŋinasulut

Akis. 21:5

Tolimu nai ŋolo eboi alokicoloŋ a ŋolo ka apolou tema, “Kiŋolik! Tokona eturuwo ayoŋ ŋiboro daadaŋ ŋikitet!” Abu iŋes nabo okolimok ayoŋ tema, “Kigir ŋun, anerae erae ŋakiro ŋuna a kire ŋuna epedoryo akikinyom.”