Isa. 43:13 - Ebaibul

¹³ Arae ayoŋ Akuj ka arubakini arae Akuj jik, mam ituŋanan epedori aiun iyes anapedor kaŋ. Ani ketiyak ayoŋ ŋadi, ŋae ekesipiyori ayoŋ akitiya ŋun?

Isa. 43:13 Iomraidhean Croise

Yob 10:7

tari kiyeni atemar emam ekaile eyai neni kaŋ ka emam ituŋanan epedori alakun ayoŋ anapedor kon a?

Yob 34:29

Ani kerubaki Akuj ililiŋi, ŋae epedori akitoroniyar Akuj? Ani kiwua iŋes ereet keŋ, ŋae epedori akiŋolikin iŋes?

Yob 9:12

Elemanari iŋes, ŋae epedori akiretakin iŋes tojoŋo alemanar? Ŋae elimokini iŋes ebe, ‘Nyo itiyae iyoŋ?’

Ŋikiru. 102:28

Iboikinoi isua ŋiketiyak kon ka ŋidwe kosi emam ŋace, erubakinete ŋipapae kosi iboiyete emam ŋace.

Ŋikiru. 50:22

“Totamatamata ŋakiro ŋun, iyes idaut ajamuwar ayoŋ, ani kemam, akamunyari ayoŋ iyes, emam ituŋanan ikiuni.

Ŋikiru. 90:2

Eriŋa ŋimoru nyitiyauna, kori eriŋa ŋalup ka akwap nyetakanuna ikwapei eyakatar, irae iyoŋ Akuj ŋina a jik.

Ŋikiru. 93:2

Iberakin koloŋ sek iyoŋ akiwuakin apukan kon; iyai iyoŋ ŋinapei koloŋ sek.

Ŋakit. 21:30

Emam ibore itiyakini ituŋanan aŋuna ka aosou keŋ, ayenut keŋ ka ayere keŋ ŋuna kitiya, erae pa kecamakinit Ekapolon.

Ŋakit. 8:23

Aponi ayoŋ okosubun anakisyakinet, arae ayoŋ ekesyaunio asubun eriŋa akwap nyeyakauna.

Isa. 14:27

Ayeu Ekapolon ŋolo a ŋajoresyo akitiya ŋun Ŋae epedori akiretakin iŋes? Isicani tokona iŋes ŋituŋa ka Asiriya. Ŋae epedori akisimyekin iŋes ŋun?”

Isa. 41:4

Ŋae etiyae ŋun ka ŋae eturubak ŋun itiyasi? Ŋae enyaraununui ŋanyameta ŋinapei anakisyakinet? Ayoŋ Ekapolon, arae ŋolo a ekiŋaren, ayakaun ayoŋ tari apaki ŋina esidyon.

Isa. 46:10

Abu ayoŋ olimu ŋakiro ŋuna esidyok anakisyakinet ka abu ayoŋ alimu anapakio a ŋuna akoloŋ ŋakiro ŋuna ariŋa nyitiyakina otema, ‘Iyookin ŋakiro ŋuna ayeunit ayoŋ ka erikakini akitiya ŋuna acamit kitiyakin.’

Isa. 46:4

Arubakini ayoŋ arae Ekapolon kus tari anapaki a ŋina imojoŋiata iyes, tari apaki ŋina ekwaŋuniata ŋitim anakyes kus akadaki ayoŋ iyes. Abu ayoŋ okosub iyes, ido akadaki ayoŋ iyes, akadaki ayoŋ iyes ka akalakuni.

Isa. 47:15

Ikote nen aneni kus ŋituŋa ŋulu ipotu iyes inakinos neni kec, ŋituŋa ŋulu itiyata iyes ka agogoŋu neni kec ŋinapei anasoroko kus, erae ikes daadaŋ ŋulu edyakarito, emam ŋini ikiuni iyes.

Isa. 48:16

Potu diyete kaŋ, kiirasi ŋakiro nu! Ŋinapei anakisyakinet nyirworo ayoŋ anakimunono, ayai ayoŋ ŋinapei anakisyakinet. Ekeyaku tokona ayoŋ Ekapolon kaapei ka etau keŋ.”

Isa. 57:15

Alimu Ekapolon ŋolo iboi alokidiama nooi, ŋolo iboi ŋikaru ka ŋikaru ŋolo erae ekiro keŋ ŋolo asegan ebe, “Eboi ayoŋ alokidiama ka anakibois a ŋina asegan, kaapei ka ŋituŋa ŋulu itiditeuna ka iapara alotai kec, ikotere ainakini ikes nabo ŋitai ŋulu itiditeuna ka oinak ikes nabo ŋitai ŋulu iapara.

Dan. 4:35

Erae ŋituŋa daadaŋ ŋulu ka akwap ŋicaryo, itiyae iŋes ŋuna ecamit neni a ŋisubuna a ŋulu eya kidiama ka neni a ŋulu iboiyete anakwap. Mam ituŋanan epedori akiretakin ŋuna ecamit iŋes akitiya, kori epedori akiŋit ebe, “Nyo itiyae iyoŋ?”

Osea 2:10

Tokona, esileereuni ayoŋ aleeco keŋ alokiŋaren ŋikilyok ŋulu emina iŋes, mam ituŋanan epedori aiun iŋes anapedor kaŋ.

Osea 5:14

Aryanyaanikini ayoŋ Epuraim lopite ŋolo eryenyaania eŋatuny ka Yudaya lopite ŋolo eryenyaania itaok a eŋatuny. Ayoŋ elope amunyari ikes, ido emyek a nen, ani kariko ayoŋ ikes, mam ituŋanan epedori aiun ikes.

Mika 5:2

Abu Ekapolon tema, “Betelem, etaun ŋolo eyai Epurata, tari kerae iyoŋ idit nooi alotaunio a ŋulu ka ateker a Yuda, alemuni ayoŋ ekepukan aneni kon, ekepukan ŋolo ebuni akipuka Isirael, ekepukan ŋolo eponito ŋakiro keŋ ananyameta a ŋuna a koloŋ.”

Abak. 1:12

Ekapolon, ŋina pei anakisyakinet irae iyoŋ Akuj, irae iyoŋ Akuj kaŋ ŋina asegan ka ŋina a ŋikaru ka ŋikaru. Okoe Ekapolon Akuj kaŋ ka ekeuryaran kaŋ, idau iyoŋ aseun ŋituŋa a Babilon ka itogogoŋ iyoŋ ikes, ikotere ikisicanete isua.

Ekim. 23:20

Kiira, akalimokinitae ayoŋ akiterereŋ, adau iŋes akiterereŋ, ido nyalemari ayoŋ arereŋu ŋin.

Yoa. 8:58

Tolimok Yesu ikes tema, “Akalimokini ayoŋ iyes kire atemar, tari eriŋa Aburaam nyeuruuna, Arae Ayoŋ ŋolo Arae Ayoŋ!”

Ŋiep. 1:11

Itiyao ŋiboro daadaŋ alopite a ŋolo itemokinitor ka etubunitor Akuj ka abu Akuj ikiseu iwon aŋuna ka acamit keŋ aruwor ŋituŋa keŋ ka alope anakimorikina ka Kristo, ikwa kebunio iŋes totubunio ŋinapei anakisyakinet.

Ŋikis. 28:31

Earyo ŋimoŋin kus iteete iyes, nai nyinyamete iyes akiriŋ kec, ekokoiyaryo ŋisigirya kus iteete iyes, ido nyikinyakakinio iyes. Einakinio ŋamesekin kus neni a ŋimoe kus, emam ituŋanan ikiŋarakini iyes akinyakun.

Ŋikis. 32:39

Toyenutu tokona atemar ayoŋ arae Akuj, emam Akuj ace mati ayoŋ, aari ayoŋ ka eteyari, awani ayoŋ ka etaŋaleuni, emam ituŋanan elakuni ituŋanan anapedor kaŋ,

1 Tim. 1:17

Toyai akerit ka apolou ŋina nyedaun neni ke Erwosit a ŋolo ipukae ŋikaru ka ŋikaru, ŋolo nyetwani, ŋolo erae iŋes bon erae Akuj! Amen.

Ŋibur. 13:8

Nyiloconokin Yesu Kristo jik, ikoni nenipei ayakar bien, nakoloŋit na ka rwanu daŋ.

Yos. 2:2

Keponi tolimokinae erwosit ŋolo ke etaun a Yeriko atemar kepotu akoloŋit ŋin nakwaare Ŋisirael ŋice tolomut lotaun aŋuna ka akireb akwap.

Akis. 1:8

Ebala Ekapolon Akuj ŋina etiron, ŋina erae ka ŋina arae ka ŋina ebuni, “Arae ayoŋ Alpa ka Omega” (iŋes atemar Akisyakinet ka Asalunet).