Isa. 43:10 - Ebaibul

¹⁰ Ebala Ekapolon, irae iyes ŋisuudae kaŋ ka ŋiketiyak kaŋ ŋulu abu ayoŋ oseu, ikotere iyes ikiyenunete ayoŋ ka ikinupete ayoŋ, ido toyenut atemar ayoŋ bon arae Akuj. Ayoŋ bon arae Akuj, mam akuj ace mam akuj ace ayai ekiŋaren, mam ace jik eyakaun ekaku.

Isa. 43:10 Iomraidhean Croise

Ŋikiru. 102:27

Nai irubakini iyoŋ ikoni nenipei, ido nyedaun akiyar kon.

Awos. 8:6

Aŋun, abu Aron kikyaa akan keŋ kidiama ŋakipi ŋuna aya nakwap a Ijipit; ido apotu ŋakidodoka tolomut a nen pena nakwap a Ijipit.

Isa. 41:20

ikotere iŋolikinete daadaŋ ka toyenut; ikotere etamatamaete ŋituŋa daadaŋ ka toyenut atemar Ekapolon etiya ŋun a apedor keŋ ka eyenunete atemar, Akuj ŋina asegan ŋina a Isirael iŋes emyek ŋun itiyakin.”

Isa. 41:4

Ŋae etiyae ŋun ka ŋae eturubak ŋun itiyasi? Ŋae enyaraununui ŋanyameta ŋinapei anakisyakinet? Ayoŋ Ekapolon, arae ŋolo a ekiŋaren, ayakaun ayoŋ tari apaki ŋina esidyon.

Isa. 41:8

Nai iyes Ŋisirael, ŋituŋa kaŋ, iyes ŋiletok a Yakob ŋulu adau ayoŋ aseun, iyes ŋiletok ka Aburaam a ekone kaŋ;

Isa. 42:1

“Eketiyan kaŋ lo ŋolo etogogoŋit ayoŋ, eseuna kaŋ, ŋolo elelyakinit etau kaŋ. Ewuak ayoŋ etau kaŋ neni keŋ; eyauni iŋes akiyookino lotuŋa a ŋakwapin.

Isa. 43:12

Abu ayoŋ olimu, oiu, ido eserau, abu ayoŋ etiya ŋun apaki ŋina amamukar akuj ace ŋinagela alokidiŋ kus; ido irae iyes ŋisuudae kaŋ.

Isa. 45:5

Arae ayoŋ Ekapolon, emam ece mati ayoŋ bon; ayoŋ bon arae Akuj emam akuj ace, akainakini ayoŋ iyoŋ ŋiboro ŋulu ke ejie tari pa kikiyeni iyoŋ ayoŋ,

Isa. 45:6

ikotere eyenunete ŋituŋa ŋinapei alo Kide tari To atemar emam akuj ace mati ayoŋ bon; arae ayoŋ Ekapolon, emam ece mati ayoŋ bon.

Isa. 48:12

Kiirasi ŋakiro kaŋ okoe ŋiletok a Yakob, iyes Ŋisirael ŋulu abu ayoŋ onyarau, arae ayoŋ iŋes; arae ayoŋ ŋina eŋarenon ka arae ayoŋ ŋina esidyon.

Isa. 49:23

Eruworosi ŋirwosi aneni kus atapapa ka eruworosi ŋarwosi kec aneni kus atatoto ŋuna ikitanete iyes. Ijuuruyete ikes alokiŋaren kus ikitopoloorito iyes itiditeunosi ikes make ikitopoloorito iyes. Iyenunete nai iyes atemar arae ayoŋ Ekapolon, nyisurumyo ŋileec ŋulu ekekinyomito ayoŋ.”

Isa. 55:4

Kiirasi, abu ayoŋ eturuwo Daudi esuuda aneni a ŋituŋa, ekarikon ka ekepukan a ŋituŋa.

Agai 2:23

Ebala Ekapolon ŋolo Etiron ebe, “Akoloŋit ŋin, akayai ayoŋ iyoŋ eketiyan kaŋ Serubabel lokoku a Sealtiel, akainakini ayoŋ iyoŋ apolou, anerae akaseu ayoŋ iyoŋ. Ayoŋ Ekapolon ŋolo Etiron alimu ŋun.”

Yoa. 15:27

Irae iyes daŋ ŋisuudae kaŋ, anerae ikirukit iyes ka ayoŋ ŋinapei anakisyakinet.

Yoa. 20:31

Nai igiritae nu, ikotere tonupyata iyes atemar erae Yesu iŋes erae Kristo, Lokoku ka Akuj, ka alotooma anupit kus iŋes, toryamut akiyar alokiro keŋ.

Ŋitic. 1:8

Nai iryamunete iyes apedor apaki ŋina ebunio Etau ŋolo Asegan neni kus; iruworosi iyes ŋisuudae kaŋ alo Yerusalem, alo Yudaya daadaŋ ka Samaria tari neni isalya akwap.”

1 Ŋikor. 15:15

Nabo daŋ, ikitakani isua esibit ikimodyanakini ŋituŋa ikirworo ŋuna ka Akuj, anerae aponi isua tolimonokinae ebe abu Akuj kiteyaru Kristo alokatwak. Nai pa kiteyarunit Akuj Kristo, iŋes kire atemar nyiteyarunio ŋikatwak.

Ŋikis. 32:39

Toyenutu tokona atemar ayoŋ arae Akuj, emam Akuj ace mati ayoŋ, aari ayoŋ ka eteyari, awani ayoŋ ka etaŋaleuni, emam ituŋanan elakuni ituŋanan anapedor kaŋ,

Ŋikis. 4:35

Abu Akuj ikitoodik iyes ŋakiro ŋun ikotere iyeununete iyes atemar erae Ekapolon Akuj, emam akuj ace eyai mati iŋes bon.

Ŋikis. 4:39

Aŋun, toyenutu tokona ka tonupa alotai kus atemar erae Ekapolon Akuj ŋina alokidiama, alokwap ka alotooma akwap; emam Akuj ace eyai.

Ŋipil. 2:7

Nai, abu iŋes elope kituruwor ekoŋinait, abu kikok eketiyan, ikwapei edounitere iŋes erae ituŋanan.

Ŋikol. 1:7

Ipotu iyes toyenut ŋuna ka ajokis a ŋina ka Akuj aneni ke Epapuras, a ŋolo minat, a ŋolo ikitiyae kaapei ka isua. Erae iŋes eketiyan ŋolo a Kristo ŋolo ikinyomitae, ŋolo itiyae aŋuna kosi.

Akis. 1:2

Eteyenu Yoana ŋakiro daadaŋ ŋuna abu iŋes toanyu, ŋuna eponito aneni ka Akuj ka ŋuna eteyenu Kristo.

Akis. 1:5

ta aneni a Yesu Kristo ŋolo erae esuuda ŋolo ikinyomitae, ŋolo esyaunan ayarun alokatwak, torae daŋ ekepukan ŋolo a ŋirwosi a ŋulu ka akwap. Ikimina iŋes iwon, ka aŋuna ka atwanare keŋ abu itolacak iwon anasecisya yok.

Akis. 3:14

“Kigir neni ke emalaika a ŋolo ka atukot a Ŋikristo alo Laodikeya atemar: “Erae ŋakiro nu ŋuna eponito aneni a ŋolo enyaritae Amen, esuuda ŋolo ikinyomitae ka ŋolo a kire ŋolo erae akisyakinet ŋina a ŋisubuna ka Akuj.