Isa. 42:7 - Ebaibul

⁷ ikotere itekyenyunete ŋakonyen a ŋulu emudukaka, ikotere ilakunete ŋienan ŋulu iboiyete anakiryonut.

Isa. 42:7 Iomraidhean Croise

Ŋikiru. 97:7

Isurumitae daadaŋ ŋileec ŋulu ilipete neni a ŋakujo, ikes ŋulu iturosi aŋuna a ŋakujo aŋunacaryo a ŋun; iyes ŋakujo daadaŋ toryediko, kilipa neni ka Akuj!

Isa. 29:18

Akoloŋit ŋin, iirarete ŋikiŋimanotin ŋakiro ŋuna igiritae lokitaabo, ido anakiyaloloŋ kec ka anakiryonut iŋolikinete ŋakonyen a ŋimudukanotin.

Isa. 35:5

Eŋaaryo nai ŋakonyen a ŋimudukanotin ka eŋaaryo ŋaki a ŋikiŋimanotin;

Isa. 42:16

Ariki ayoŋ ŋimudukanotin, etoryo ikes lorot ŋolo nyeyenete, omekinia ŋirotin ŋulu sek nyemekinito, eteni ayoŋ ikes. Elocokini ayoŋ akiryonut alokiŋaren kec toruwor akica, elelyaari ayoŋ ŋakiboisyo ŋuna sek esagam. Ŋakiro ŋun ikes etiyakini ayoŋ, ido nyemyekini ayoŋ akitiya ŋun.

Isa. 42:22

Nai arae ŋituŋa keŋ ŋulu akokoiyaritae ka aŋataritae, arae ikes daadaŋ ŋulu agolokinitoe napanya ka ewuaitae alojerae; apotu ikes toruwor akimuj a ŋityaŋ todaun ŋini eiuni, apotu ikes toruwor ŋiŋatanara todaun ŋini etemari, “Kinyakasi ikes.”

Isa. 49:9

Alimonokin ŋimabus ebe, ‘Tolomutu kiŋa,’ alimonokin ŋulu eya nakiryonut ebe, ‘Kitoodiunos.’ Eryamunete ikes akimuj emeto ŋirotin, eryamunete ikes akimuj alokidiama ŋikamukumukui daadaŋ ŋulu emam ŋikito.

Isa. 61:1

Eyai etau a Ekapolon neni kaŋ, anerae ekeos iŋes ayoŋ, ekeyaki iŋes ayoŋ alimokin ŋulu isicanitae ŋakiro ŋuna ajokak, akisimukekin ŋulu ekadanakinit alotai kec, akiseraun atemar elacakinio ŋulu erikoritae, akiseraun atemar elacakinio ŋulu eenitae;

Isa. 9:2

Eŋolikis ŋituŋa ŋulu sek ayakasi nakiryonut akica ŋina apolon. Acaiki akica ŋituŋa ŋulu sek eboiyete anakiryonut a ŋinakiryonon cuc.

Mika 7:9

Aŋuna aseca ayoŋ aneni ke Ekapolon, edaŋidaŋi ayoŋ anyunyura ke Ekapolon, akitodol ŋina akacamakinia iŋes ayoŋ, ido totub ŋakiro kaŋ. Akalemuni iŋes ayoŋ anakiryonut tooma nakica; eŋolikini ayoŋ iŋes akaiuni.

Mat. 11:5

Ekyenyununuyete ŋimudukanotin, erotonokinete ŋikaŋwalak, esegununuyete ŋulu irumit atapon, iiranarete ŋikiŋimanotin, eyarununuyete ŋikatwak, nabo elimonokinio Ŋakiro ŋuna Ajokak neni a ŋikulyak.

Luk. 24:45

Toŋaaros ŋatameta kec toyenut ŋuna igiritae Nakigireta.

Yoa. 9:39

Tolimu nai Yesu tema, “Abunit ayoŋ nakwap atubonokin, ikotere ŋulu sek emudukaka ekienyunete, ido ŋulu sek ekienyete tomudukakyata.”

Yoa. 9:7

Tolimok Yesu iŋes tema, “Ape kilota ŋakonyen kon anabwal a ŋina a Siloam” (apolou keŋ atemar “Iyakitae”). Tolot iŋes, kilota, toboŋu ekienyi.

Ŋitic. 26:18

Iŋaari iyoŋ ŋakonyen kec, ikotere kibelekinos anakiryonut nakica ka anapedor a ŋina a Satan, pena neni ka Akuj; toryamut nai aŋuna ka anupit kec akisyonio ŋina a ŋasecisya ka akibois aneni a ŋituŋa a ŋulu eturuwo Akuj ŋulu keŋ.’

2 Ŋikor. 4:6

Arae Akuj abu tema, “Tocau akica anakiryonut”, Akuj ŋinapei ŋin etacau akica keŋ alotai yok, ainakinia iwon akica ŋina ka ayenut ka apolou ŋina ka Akuj ŋina etacaun aloreet a Kristo.

2 Tim. 2:26

Eosunete nai ikes ŋilopeyek, tolomut anauno a ŋina a Satan, a ŋolo abu kikamu ikes ka ŋolo abu kituruwo ikes ŋulu iwuapito acamit keŋ.

1 Pet. 2:9

Nai irae iyes ebuku ŋoloseuna, ŋisacaradotin ŋulurwosi, ŋituŋa ŋulu etyakaritae neni ka Akuj, ŋituŋa keŋ ka alope. Ikiseu iŋes iyes akisera ŋiticisyo ŋulu apolok nooi, ŋulu a ŋolo ikinyarau iyes anakiryonut tooma nakica keŋ, ŋina ka aumokin.

Akis. 3:18

Aŋun, akalimokini ayoŋ iyoŋ, togyelu egolid aneni kaŋ, egolid ŋolo eliitae ka akim, ikotere tobar. Togyelu daŋ ŋilowi ŋulu akwaŋak, ikotere torapya ŋileec kon ŋulu ileryo. Togyelu tari ekitoe ŋolo a ŋakonyen kon, ikotere tokienyu.