Isa. 42:6 - Ebaibul

⁶ Arae ayoŋ Ekapolon, akanyarau ayoŋ iyes anakiyookino, ikiriit ayoŋ ka iyes, ekeurya iyes; iyoŋ iruwuor acamunet kaŋ ka ŋituŋa, iyoŋ iruwor akica a ŋituŋa a ŋakwapin,

Isa. 42:6 Iomraidhean Croise

Isa. 26:3

Iyokit iyoŋ a ekisil ŋulu nyiryaŋiryaŋasi anatameta kec, iyokit iyoŋ ikes, anerae ikikinyomito iyoŋ.

Isa. 27:3

“Ayoŋ Ekapolon arae eketen emanikor a epiini, a ŋinapaki abuki ayoŋ iŋes ŋakipi. Ete ayoŋ iŋes nakwaare ka naparan, ikotere nyinyasu ituŋanan idio iŋes;

Isa. 32:1

Topupokisi, ebuni erwosit ŋolo ipukae a akiyookino ka ipukaete ŋikapolok a akiyookino.

Isa. 41:13

Ayoŋ Ekapolon Akuj kus atiŋi ŋakan kus ŋuna aloteten; ayoŋ akalimokinit iyes ebe, ‘Nyikuryaketa, ekeŋarakini ayoŋ iyes.’

Isa. 41:2

“Ŋae etonyou ekelounan ŋolo alo Kide, ŋae anyarau iŋes akitiya etic keŋ? Ŋae ainakini iŋes akiloun ŋirwosi ka ŋapukasinei? Aridaa iŋes ŋirwosi a ekileŋ keŋ lopite ŋolo etwaarere apuwa, eela iŋes a ŋikaleŋeleŋe keŋ ŋirwosi lopite ŋolo ielarya ekuwuam ŋanya kiwok.

Isa. 42:1

“Eketiyan kaŋ lo ŋolo etogogoŋit ayoŋ, eseuna kaŋ, ŋolo elelyakinit etau kaŋ. Ewuak ayoŋ etau kaŋ neni keŋ; eyauni iŋes akiyookino lotuŋa a ŋakwapin.

Isa. 43:1

Nai tokona Ekapolon ŋolo ikisubuni iyes ŋiletok a Yakob, iŋes ŋolo ikisubuni iyes ŋituŋa a Isirael iŋes alimu atemar: Nyikuryaketa, anerae adau ayoŋ alakun iyes; akanyar ayoŋ iyes a ekiro, ido iruworosi iyes ŋituŋa kaŋ.

Isa. 45:1

Alimu Ekapolon ŋakiro nu aŋuna a Kirus, a ŋolo aseu iŋes akisitiya aŋuna ka akilounia ŋituŋa a ŋakwapin, ka akilounia ŋirwosi, aseu iŋes Kirus, ikotere eŋaari Ekapolon ŋikekya a ŋitaunio alokiŋaren keŋ, nyegolokinio nabo ŋipukei a ŋitaunio a ŋul jik. Abu Ekapolon tema neni a Kirus,

Isa. 45:13

Etonyou ayoŋ Kirus akitiya ŋuna iyookino, alemari ayoŋ ŋican alorotin a daadaŋ a ŋulu itori iŋes; edukokini iŋes etaun kaŋ ka elakuni ŋituŋa kaŋ ŋulu erikoritae. Nyegyeluni ikes, kori nyeyai akaluŋuŋulut aŋuna kec.”

Isa. 49:6

ebe, “Epataka mono ŋakiro ŋuna iraakar iyoŋ eketiyan kaŋ a? anerae ilosi iyoŋ akinyakun ŋikabilae a Yakob neni kaŋ ka ayaun neni kaŋ Ŋisirael ŋulu erae ŋipiya; eketuruwori ayoŋ iyoŋ akica ŋina a ŋulu nyerae Ŋiyudayan, ikotere itodoli iyoŋ aiuno ŋina ebunit aneni kaŋ nakisaleta a akwap.”

Isa. 49:8

Alimu Ekapolon ŋakiro nu, “Ani ŋina adolyo akoloŋit ŋina akaiunia iyes, abu ayoŋ ekeŋarak iyes, adau ayoŋ akiyok iyes, akituruwor iyes acamunet aŋuna a ŋituŋa a ŋakwapin, akinyakakin akwap lotuŋa kaŋ, akoranakin nabo akwap ŋina abu toruwor ekasile neni a ŋituŋa.

Yer. 12:16

Ekaku, ani keyenut ŋikidunyet a Ŋisirael ka alelakinit ayenun ŋuna iwuapito ŋituŋa kaŋ, ido kikoŋo alokiro kaŋ ebasi, ‘Ikwapei eyarya Ekapolon,’ lopite ŋolo etatamitotor ikes ŋituŋa kaŋ akikoŋ alokiro a Baal, ŋun nai epedoryata ikes akiboi kaapei ka ŋituŋa kaŋ.

Mat. 26:28

anerae erae nugu ŋaokot kaŋ, ŋaokot ŋuna ka Acamunet, ŋuna ebukoritae ikotere ŋulu alalak isyoniyo ŋasecisya.

Luk. 2:32

Akica ŋina ecaikini lobukui ŋulu nyerae Ŋiyudayan, ka ŋina erae akipuro ŋina a ŋituŋa kon Isirael.”

Yoa. 8:12

Kirwor nabo Yesu neni kec tema, “Arae Ayoŋ akica ŋina ka akwap; ŋini ekewuapakini ayoŋ, nyelomari nakiryonut, nai eryamuni akica ŋina ka akiyar.”

Ŋitic. 13:47

Anerae ŋuna ikilimok Ekapolon isua akitiya ikes nu: ‘Eketuruwo ayoŋ iyes akica ŋina a ŋulu nyerae Ŋiyudayan, ikotere iyaunete iyes aiuno nakisaleta ŋuna ka akwap.’ ”

Ŋitic. 26:23

Abasi ikes ebe itemokino Kristo kisicanae ka toruwor ŋolo ke ekiŋaren ayarun alokatwak, kiserau nai akica ŋina ka aiuno neni a Ŋiyudayan ka ŋulu nyerae Ŋiyudayan daŋ.”

2 Ŋikor. 1:20

Anerae aryamut ŋakiikineta daadaŋ ŋuna ka Akuj “Ee” kec aneni a Yesu. Iŋes nai ikilimununuyo alotooma Yesu Kristo atemar “Amen” apaki daadaŋ ŋina ipurore Akuj.

Ŋibur. 12:24

Arae neni a Yesu iponito iyes, ŋolo abu kitemok Acamunet ŋina Kitete ka anaokot a ŋuna etesegunak anasecisya, ŋuna eyai apolou nooi akilo ŋuna ka Abel.

Ŋibur. 13:20

Eteyaru Akuj alokatwak Ekapolon yok Yesu ŋolo abu toruwor Ekeyokon a ŋamesekin ŋolo apolon anaokot keŋ a ŋuna ka Acamunet a ŋina nyedaun.

Ŋibur. 7:2

Inak Aburaam iŋes atutubet apei anatomon aloboro a daadaŋ a ŋulu aŋatuni iŋes. (Apolou ŋina ke ekiro a Melekisedek iŋes atemar, “Erwosit ŋolo ka akiyookino;” nabo ikwapei araakar iŋes erwosit ŋolo a Salem, apolou ŋina ke ekiro keŋ ace iŋes atemar, “Erwosit ŋolo ke ekisil.” )

Ŋibur. 7:26

Yesu nai erae Esacaradoti yok ŋolo Apolon nooi, ŋolo ikitemokino iwon anakiitanit a daadaŋ. Eseg iŋes alotau, emam asecit ka emam ŋuna inyasito iŋes; etyakaritae iŋes alokasecak ka ekyaar iŋes kidiama nakuj.

Ŋibur. 8:6

Nai tokona, ainakin Yesu etic ŋolo ke esacaradoti ŋolo epol nooi akilo. Nabo ikoŋinapei, erae Acamunet ŋina iloit--Acamunet ŋina eyaunitor iŋes akimorikina ŋina ka Akuj ka ŋituŋa, anerae itorunit nakiikineta ŋuna ajokak nooi akilo.

Ŋibur. 9:15

Aŋuna a ŋakiro a ŋun, Kristo eyaunit akimorikina a ŋituŋa ka Akuj a Nacamunet a ŋina Kitete, ikotere nai toanyuniata ŋituŋa ŋulu adau Akuj anyarare arereŋu ŋina a jik ŋina ikiik Akuj. Epedor ŋun, anerae abu Kristo totwan ikotere elacakinia ŋituŋa anaronis kec a ŋina etiyaete ikes eriŋa Acamunet ŋina ke ekiŋaren eyai.

1 Pet. 2:9

Nai irae iyes ebuku ŋoloseuna, ŋisacaradotin ŋulurwosi, ŋituŋa ŋulu etyakaritae neni ka Akuj, ŋituŋa keŋ ka alope. Ikiseu iŋes iyes akisera ŋiticisyo ŋulu apolok nooi, ŋulu a ŋolo ikinyarau iyes anakiryonut tooma nakica keŋ, ŋina ka aumokin.