Isa. 42:25 - Ebaibul

²⁵ Ŋakiro ŋun ikes ainakinete iŋes anyunyurikin iwon nooi ka akiteryenyaanikin ŋimoe alojie; apotu ŋakiro ŋun inakis iŋes akiteryenyaanikin iwon ŋimoe alowaetin a daadaŋ, nai aponi iwon nyeyenun ŋun; apotu ŋun ikimunyasi iwon, nai aponi iwon nyeyenun ŋadi daŋ.

Isa. 42:25 Iomraidhean Croise

2 Ŋirw. 25:9

Kicunyak Nebusaradan Akai ka Akuj ka akai ŋina a erwosit ta ŋakais daadaŋ ŋuna aya Yerusalem. Kicunyak iŋes ŋakais daadaŋ ŋuna a ŋikapolok.

Yob 40:11

Kisileereu aŋoit kon, kiŋolik ŋulu eturok daadaŋ, ido inak ikes kitiditeunos make alokiŋaren kon.

Isa. 29:13

Alimu Ekapolon ebe, “Eapiyete ŋituŋa lu aneni kaŋ anakiro aŋuna irworosi ka eketopoloorito ayoŋ anakiro aŋuna irworosi, nai elwaka ŋitai kec aneni kaŋ, erae akilip kec neni kaŋ ŋina iwuapitere ŋikisila ŋulu etatamyo ikes eboonokin alimunun.

Isa. 47:7

Ibu iyoŋ tema, ‘Aruwor ayoŋ arwosit ŋikaru ka ŋikaru.’ ido ibu nyitamu ŋakiro ŋun, kori nyitamatam ŋuna itiyakin anakiro a ŋun ekaku.

Isa. 48:8

Pa iirarito iyes ŋun ekiŋaren, pa iyenunito iyes ŋun ekiŋaren, ŋinapei koloŋ agolol ŋaki kus. Etiyae ayoŋ ŋun, anerae ayeni ayoŋ atemar iruwor iyes ŋulu nyikikinyomitae ka ŋikaŋerok ŋinapei anakoloŋit a ŋina ikidounere.

Isa. 5:25

Aŋun, abu aŋoit ŋina a Ekapolon toyakaun lotuŋa keŋ, ka abu akisican ikes a apedori keŋ, apotu ŋimoru tomaranikis, kikokis ŋawat a ŋituŋa a ŋulu atwakito alorotin etukosi ŋatunyeny. tari ŋina aponiata ŋun kitiyakin, ariŋa Ekapolon eŋoikinit ikes ka arubakinit jik isicani ikes.

Isa. 57:1

Ani etwakete ŋituŋa ŋulu iyookino, emam ituŋanan emisit atamatam alotau keŋ. Ani earyo ŋituŋa ŋulu enupito nooi, emam ituŋanan eyeni ŋakiro ŋuna aarere ikes. Elemanaryo ŋituŋa ŋulu iyookino, anerae nyecamitae ikes toryamut ŋican,

Isa. 57:11

Ŋae ikerito ka ikuryanito iyes aŋuna keŋ, ŋini abu ikiinak iyes akirwor alyokonu, ido ikitojoŋo iyes atamunit ayoŋ, kori atamatam aŋuna kaŋ? Meere nai aŋuna abunio ayoŋ eliliŋ apaki ŋina aoyan iŋes iponiata iyes nyikitopoloosi ayoŋ a?

Isa. 9:13

Tari ŋina esicania Ekapolon ŋituŋa a Isirael nyekiwa ikes ka nyeboŋoro neni a ŋolo abu kisican ikes, kori nyiwara Ŋisirael Ekapolon ŋolo a ŋajoresyo.

Isa. 9:19

Aŋuna ka aŋoit a Ekapolon a ŋolo a ŋajoresyo, abu akim tonomiya akwap, kikwaanikin ŋituŋa ka ŋakito ŋuna inokere akim, mam ituŋanan abu toesik ŋinice.

Yer. 12:11

Eturuwosi ikes iŋes ereŋorot; aruwor iŋes ereŋorot ka igworo neni kaŋ. Aruwor akwap daadaŋ ereŋorot, nai mam ituŋanan emitakinit.

Yer. 5:3

Okoe Ekapolon, meere mono ŋuna a kire ite iyoŋ a? Idau iyoŋ akisican ikes, nai eriŋa aryeba nyenomoro ikes; idau iyoŋ akitonomor ikes, nai aŋero ikes akiwuap ŋuna icamit iyoŋ. Etogogoŋ ikes ŋakyes kec lopite ŋolo egogoŋio ataaba; aŋero ikes aboŋun neni kon.

Yer. 7:20

Aŋun, alimu Ekapolon Akuj atemar, aŋoikini ka anyunyurikin ayoŋ ikes etiyakini ŋuna aronok neni a ŋituŋa ka ŋityaŋ, neni a ŋikito a ŋulu ke emanikor ka ŋaraito ŋuna ka akwap, enokuni aŋoit kaŋ ikwa akim ka mam ituŋanan epedori akituduŋere.

Aum. 2:3

Anaŋoit keŋ a ŋina adedeŋan, alema Ekapolon ŋikagogoŋok daadaŋ anakwap a Isirael; awou akiŋarakin ikes epote ŋimoe. Amunya iŋes ŋituŋa a Yakob lopite ŋolo enyamuwarya akim ibore daadaŋ.

Aum. 2:4

Amunya Ekapolon ŋituŋa keŋ ŋulu sek ikinyomit, amunya Ekapolon ŋituŋa daadaŋ ŋulu sek ikiruunitor iwon alotuŋa a Sion; amunya Ekapolon ŋituŋa keŋ anaŋoit lopite ŋolo enyamuwarya akim ibore.

Esek. 20:34

Akayauni ayoŋ iyes anakwapin, akacununi ayoŋ iyes anakiboisyo a ŋuna aponi ikielar iyes. Akayauni ayoŋ iyes a nen a apedor kaŋ a ŋina apolon ka ewuakini ayoŋ agogoŋu kaŋ daadaŋ neni kus alotooma anyunyura.

Osea 7:9

ademasi ŋigelae ikes agogoŋu kec, nai nyeyenete ikes, amojoŋa ikes apusyaketa ŋakyes kec nai nyeyenete ikes.

Naum 1:6

Ŋae epedori akidaŋidaŋ aŋoit keŋ? Ŋae epedori akidaŋidaŋ anyunyura ŋina ka adedeŋu keŋ? Ededeŋ anyunyura a Ekapolon ikwaan ka akim ŋina amwanan nooi, ebwaŋabwaŋaari iŋes ŋatabab ŋuna aburok.

Mal. 2:2

Ani pa kiwuapa iyes iŋes ka ani pa kikitopoloosi iyes ayoŋ alotai kus, eyakuuni ayoŋ ŋicen neni kus, ido alemari ayoŋ ŋarereŋisyo ŋuna iryamunete iyes, toryamut ŋicen nabo daŋ adau ayoŋ alemar ŋarereŋisyo ŋun, anerae nyikitopoloorito iyes ayoŋ alotai kus.

Ŋikis. 32:22

Enokuni aŋoit kaŋ esibit akim, todol aŋoit kaŋ tari nakibois a ŋikatwak, emwana esibit akim emunyari aŋoit kaŋ akwap ka ibore daadaŋ ŋini eyai nakwap edoli aŋoit kaŋ tari nakisyakinet a ŋimoru.