Isa. 42:19 - Ebaibul

¹⁹ Ŋae emudukana, mati eketiyan kaŋ? Kori ekiŋimana ikwaan ka eketiyan kaŋ ŋolo eyakit ayoŋ? Ŋae emudukana ikwaan ka ŋolo einakina aŋuna kaŋ, kori emudukana ikwaan ka eketiyan ŋolo a Ekapolon?

Isa. 42:19 Iomraidhean Croise

Isa. 26:3

Iyokit iyoŋ a ekisil ŋulu nyiryaŋiryaŋasi anatameta kec, iyokit iyoŋ ikes, anerae ikikinyomito iyoŋ.

Isa. 27:5

Ani kecamit emanikor ŋol, emaikina iŋes kimiidiun neni kaŋ aŋuna ka akiyokiyo, emaikina iŋes esila ka ayoŋ, emaikina iŋes esila ka ayoŋ.”

Isa. 29:18

Akoloŋit ŋin, iirarete ŋikiŋimanotin ŋakiro ŋuna igiritae lokitaabo, ido anakiyaloloŋ kec ka anakiryonut iŋolikinete ŋakonyen a ŋimudukanotin.

Isa. 41:8

Nai iyes Ŋisirael, ŋituŋa kaŋ, iyes ŋiletok a Yakob ŋulu adau ayoŋ aseun, iyes ŋiletok ka Aburaam a ekone kaŋ;

Isa. 43:8

Yautu kiŋaren ŋituŋa ŋulu emudukaka toyakatar bo ŋakonyen, ŋulu ekiŋimaka, toyakatar bo ŋaki!

Isa. 44:26

Ayoŋ esiyoonokini ŋakiro ŋuna irworosi ŋiketiyak kaŋ ka esiyoonokini ŋakiro ŋuna edwarete ŋikiyakya kaŋ; ayoŋ alimuni aŋuna a Yerusalem ebe, ‘Epote ŋituŋa akiboi alotooma keŋ’ ka ayoŋ alimu aŋuna a ŋitaunio a Yudaya ebe, ‘Edukokinio ikes nabo ka etonyouni ayoŋ ŋarwatatain a ŋakais kec ŋuna eritanakina.’

Isa. 56:10

Emudukaka ŋiketeok a Ŋisirael, emamukatar ikes daadaŋ aosou, ikwaan ikes daadaŋ ka ŋiŋokwo ŋulu nyikomosi; irujaete eperete alokwap, eminasi ikes ajot

Isa. 6:9

Okolimok nai Ekapolon ayoŋ tema, “Ape tolimok ŋituŋa ŋul atemar, ‘Iirarete ŋina erae akiirar, nai nyiyenunete; iŋolikinete ŋina erae akiŋolikin, nai nyianyunete.’

Yer. 4:22

Irworo Ekapolon ebala, “Ebaŋaaka ŋituŋa kaŋ, nyakayenete ayoŋ, erae ikes ŋidwe ŋulu ebaŋaaka, emam ŋakiro eyenete. Eyenete ikes akitiya aronis, nai nyeyenete akitiya ajokis.”

Yer. 5:21

Okoe iyes ŋituŋa ŋulu ibaŋaaka ka ŋulu nyitamete, kiirasi ŋakiro nu, iyes ŋulu iyakatar ŋakonyen, nai nyiteete iyes, ŋulu iyakatar ŋaki, nai nyipupete.

Esek. 12:2

“Lokoku a ituŋanan, iboiyete iyoŋ ka ŋituŋa ŋulu akaŋerito ayoŋ. Eyakatar ikes ŋakonyen akiŋolikinia, nai nyiteete, eyakatar ikes ŋaki akiirarya, nai nyepupete, anerae erae ikes ŋituŋa ŋulu nyiwuapio ŋuna abala ayoŋ.

Mat. 13:13

Erworo ayoŋ neni kec a ŋakitadapeta, anerae kiŋolikis daŋ nyeanyuwasi, ani kepuput daŋ, nyiirasi kori nyeyenut.

Yoa. 12:40

“Etumudukan Akuj ŋakecekonyen ka etabaŋaan ikes, ikotere nyiŋolikis a ŋakonyen kec ka nyeyenut ŋatameta kec, nyeboŋut neni kaŋ, tosodi etaŋaleu ayoŋ ikes.”

Yoa. 9:39

Tolimu nai Yesu tema, “Abunit ayoŋ nakwap atubonokin, ikotere ŋulu sek emudukaka ekienyunete, ido ŋulu sek ekienyete tomudukakyata.”

Yoa. 9:41

Tolimok Yesu ikes tema, “Kerae tomudukaka iyes, kemam iyes asecit; nai aŋuna irworotor atemar ‘Ikite,’ irubakinito iyes irae ŋikasecak.”

Ŋirom. 11:25

Ŋikaitotoi kaŋ, eya ŋakiro ŋuna a kire ŋuna ka akimunono ŋuna acamit ayoŋ iyes toyenut. Ikitojoŋoe nen iyes akitam atemar kori iosok iyes. Ikote ŋakiro ne: nyerae akisyaanua Ŋisirael a ŋice ŋinaruba, nai edaun anapaki a ŋina ecamuniata daadaŋ ŋulu eseunitae aneni a ŋulu nyerae Ŋiyudayan ŋakiro ka Akuj.

2 Ŋikor. 4:4

Adau ekepukan ŋolo ka akwap a na akitumudukan ŋatameta a ŋulu nyenupito, ikotere nyiŋolikiniata akica ŋina a Ŋakiro a ŋuna Ajokak, ŋuna ka apolou a Kristo, a ŋolo ikwaan ka Akuj per.