Isa. 42:16 - Ebaibul

¹⁶ Ariki ayoŋ ŋimudukanotin, etoryo ikes lorot ŋolo nyeyenete, omekinia ŋirotin ŋulu sek nyemekinito, eteni ayoŋ ikes. Elocokini ayoŋ akiryonut alokiŋaren kec toruwor akica, elelyaari ayoŋ ŋakiboisyo ŋuna sek esagam. Ŋakiro ŋun ikes etiyakini ayoŋ, ido nyemyekini ayoŋ akitiya ŋun.

Isa. 42:16 Iomraidhean Croise

Ŋikiru. 94:14

anerae nyeŋeri Ekapolon ŋituŋa keŋ; nyimyekini iŋes jik ŋituŋa ŋulu erae ŋulu keŋ.

Ekal. 1:15

Nyepedori ibore ŋini ilugilugitoe kitoonoi arikin tocorotot; nyemaikina kimarakinae ibore ŋini emam loboro ŋulu eya.

Ekal. 7:13

Totamatamata mono iyes ŋuna a ibore a daadaŋ a ŋini adau Akuj asubun. Ŋae epedori arikin ibore ŋini esubunitae emagul?

Isa. 26:7

Esulut erot a ŋituŋa a ŋulu iyookino. Okoe Ekapolon ŋolo iyookino, itusulutut iyoŋ erot a ŋulu iyookino.

Isa. 29:18

Akoloŋit ŋin, iirarete ŋikiŋimanotin ŋakiro ŋuna igiritae lokitaabo, ido anakiyaloloŋ kec ka anakiryonut iŋolikinete ŋakonyen a ŋimudukanotin.

Isa. 29:24

Eyenunete ŋulu esecito alotai kec ŋakiro, ecamunete ŋulu iŋuruŋurasi ŋakiro ŋuna itatamyo.

Isa. 30:18

Kikote neni daŋ ecamit Ekapolon akitiya ajokis neni kus, aŋun ebuni iŋes akisyon iyes; anerae erae Ekapolon Akuj ŋina ka akiyookino, erereŋ daadaŋ ŋulu idarito iŋes.

Isa. 30:21

Ani kilot iyes lowae ŋolo aloteten, kori lowae ŋolo alokedyeny, iirarete iyes etoil alokaku kus ebala, “Erot lo, tomekisi.”

Isa. 32:3

Nyerubakinete ikes iteete ŋuna aronok nyesubakis, iirarete ŋulu epupete ŋakiro topupokis.

Isa. 35:5

Eŋaaryo nai ŋakonyen a ŋimudukanotin ka eŋaaryo ŋaki a ŋikiŋimanotin;

Isa. 35:8

Eyakaun nen erot ŋolo apolon, enyarao iŋes, erot ŋolo asegan. Nyelosete ŋikasecak alorot a ŋol, nai eruwor erot ŋolo a ŋituŋa ka Akuj, mam ikaloton a nen eoliyori, nyeoliyori tari ibaŋaanot.

Isa. 40:4

Itemokino ŋakadipaalae daadaŋ kitiriyanae, itemokino ŋimoru ka ŋikamukumukui daadaŋ tobwaŋabwaŋae; itemokino nenimukur todipal iwace kitiriyanae, itemokino ŋakiboisyo ŋuna esagam kitusulutae.

Isa. 41:17

“Ani epote ŋikulyak ka ŋituŋa ŋulu eyakatar akiitanit iwarito ŋakipi, ido nyeryamut ŋadi, tooko ŋaŋajepa kec aŋuna ka akure, ayoŋ Ekapolon aboŋokini ikes, ayoŋ Akuj a Isirael nyemyekini ikes.

Isa. 41:3

Iwuapi iŋes ikes elosi kiŋaren emam ŋace, elosi iŋes ikomae nooi esibit nyipudaete ŋakejen keŋ akwap.

Isa. 45:2

“Ekeŋarenikini ayoŋ iyoŋ, alemari ayoŋ ŋatyokisyo alokiŋaren kon, anyilinyiliyari ayoŋ ŋipukei ŋulu itiyaunitae a eburonis, atubutuboori ayoŋ ŋasuwa ŋuna iloritere ŋipukei,

Isa. 45:7

Etiyau ayoŋ akica ka etiyau akiryonut, etiyau ayoŋ ŋuna ajokak ka etiyau ayoŋ ŋican; ayoŋ Ekapolon etiyau ŋakiro ŋun daadaŋ.

Isa. 48:17

Alimu Ekapolon ekalakunan kus, Akuj ŋina asegan ŋina a Isirael ebe, “Arae ayoŋ Ekapolon Akuj kus, ŋina eketatami iyes aŋuna ka ajokis kus a ŋikulepek, ŋina akarikit iyes alorotin a ŋulu emaikina iyes kiwuapa.

Isa. 52:12

Nyilosete iyes ikirikirasi ka nyilosete iyes ikerete, anerae ikiŋarenikini Ekapolon iyes ka eruwor Akuj a Isirael ikiyokuunit iyes alokaku.

Isa. 54:13

Itatami Ekapolon ŋituŋa kon daadaŋ ka ebarete ŋituŋa kon nooi.

Isa. 58:10

ani kiinakis iyes akimuj kus neni a ŋini enyamit akoro, ido kiŋarakis ŋulu iteryamunitae ŋican, etakanuni nai ajokis kus ŋina sek nyetakani, edaun akiyaloloŋ kus ileereuni ajokis kus ikwa akoloŋ kidiŋ apaaran.

Isa. 62:12

Enyarao ikes, ‘Ŋituŋa ŋulu ka Akuj, ŋituŋa ŋulu alakuni Ekapolon,’ ido enyarao Yerusalem, ‘Etaun ŋolo apolon ŋolo emina Ekapolon. Etaun ŋolo eyakasi ŋituŋa.’ ”

Esek. 14:23

Etikiun etau kon iŋolikini iyoŋ ŋipitesyo ka ŋiticisyo kec, anerae ianyuni iyoŋ atemar nyitiya ayoŋ ŋadi neni a ŋituŋa a Yerusalem pa edyakarito ikes.”

Osea 2:14

Aŋun, amodiuni ayoŋ iŋes oya naloŋisat, erwor neni keŋ a arimao a ŋina apolon.

Osea 2:6

Aŋun, awakini ayoŋ awas ŋina a ŋikukwa neni itorenene iŋes; adukokini ayoŋ arwatata ŋina ewauni iŋes, ikotere todaun iŋes neni itori.

Amos 5:8

Ekapolon Akuj iŋes asubuni ŋikacer ŋuluuni ka ŋulu enyaritae ŋiremotom, iŋes ilocokini akuwar toruwor apaaran ka akuwar toruwor apaaran, iŋes iteleleiyari ŋakipi ananam neni eonit,

Luk. 3:5

Itemokino nenidipal daadaŋ kitiriyanae, itemokino ŋimukura ka ŋimoru tobwaŋabwaŋae. Itemokino ŋirotin ŋulu ilugilugito kisidiiri ka ŋirotin ŋulu sagam kitusulututae;

Ŋitic. 26:18

Iŋaari iyoŋ ŋakonyen kec, ikotere kibelekinos anakiryonut nakica ka anapedor a ŋina a Satan, pena neni ka Akuj; toryamut nai aŋuna ka anupit kec akisyonio ŋina a ŋasecisya ka akibois aneni a ŋituŋa a ŋulu eturuwo Akuj ŋulu keŋ.’

Ŋiep. 5:8

Iyakasi paaran sek iyes nakiryonut, nai aŋuna ka akimorikina kus ka Ekapolon, iyakasi tokona iyes nakica. Aŋun, itemokino iyes kiboiyete ikwa ŋituŋa ŋulu erae ŋulu ka akica,

Ŋibur. 13:5

Nyiraakasi ŋulu iminasi ŋisiliŋa, kimwonikina a ŋiboro a ŋulu iyakatar iyes. Anerae alimu Akuj atemar, “Nyakaesikini ayoŋ iyoŋ jik, nyakacakari ayoŋ iyoŋ jik.”

Yos. 3:4

ikotere ianyunete erot ŋolo emaikina kiwuapakis, anerae nyiyenete sek iyes erot ŋol. Nai emaikina iyes tocadakinos neni ebi akilomita. Nyiyapiyasi Nasaduku.”

1 Pet. 2:9

Nai irae iyes ebuku ŋoloseuna, ŋisacaradotin ŋulurwosi, ŋituŋa ŋulu etyakaritae neni ka Akuj, ŋituŋa keŋ ka alope. Ikiseu iŋes iyes akisera ŋiticisyo ŋulu apolok nooi, ŋulu a ŋolo ikinyarau iyes anakiryonut tooma nakica keŋ, ŋina ka aumokin.