Isa. 42:15 - Ebaibul

¹⁵ Amunaari ayoŋ ŋimoru ka ŋikamukumukui, esikwaanikini ayoŋ ŋaŋololin ka ŋiculeta, etooni ayoŋ ŋataparin.

Isa. 42:15 Iomraidhean Croise

Ŋikiru. 18:7

Abu nai akwap tomaranik ka kiryaŋiryaŋakin; apotu ŋawoeta a ŋimoru daŋ tomaranikis ka kiryaŋiryaŋakin anerae abu Akuj toŋo.

Isa. 41:15

Kiirasi, ekesikwaanikini ayoŋ iyes ka aramet ŋikinyom, aramet ŋikinyom ŋina eriŋa ekitetena erami ejok; iramete iyes ŋamoru kiryaasi kituruwosi apuwa koŋin, iramete iyes ŋikamukumukui kitiditeut kituruwosi ŋamilo koŋin;

Isa. 44:27

Ayoŋ alimokini nenicukul anakipi ebe, ‘Toon keu, etooni ayoŋ ŋaŋololin ŋuna eleleete neni kon;’

Isa. 49:11

Esitori ayoŋ ŋirotin kidiŋ ŋimoru kaŋ daadaŋ ka ewuakini ŋirotin kaŋ ŋulu apolok.

Isa. 50:2

Kaanukiro amamukar idiotuŋanan apaki ŋina abunio ayoŋ? Kaanukiro pa aboŋokinio ayoŋ ituŋanan apaki ŋina anyarar ayoŋ? Emam mono ayoŋ apedor ŋina akalakunia iyes a? Kori emam mono ayoŋ apedor ŋina akaiunia iyes a? Kalimu ayoŋ akirot eoni anam, eturuwori ayoŋ ŋaŋololin aonite; etobosuni ayoŋ ŋikolya ŋulu eya tooma kec aŋuna icanakinotor ŋakipi idio totwaka aŋuna ka akure.

Yer. 4:24

Abu eŋoliya lomoru, okoe, amaranete, ido eiŋiiŋasi ŋikamukumukui pa awuasi aiwapei.

Esek. 38:19

Analilit ka anaŋoit a ŋina anyunyurar ayoŋ, alimu ayoŋ atemar akoloŋit ŋina ebunio Gog akirem akwap a Isirael, eyakaun amaran ŋina apolon nooi neni a Ŋisirael.

Esek. 38:20

Emaranikinete apaki ŋina ayakaunor ayoŋ nen: Ŋikolya, ŋikeny, ŋityaŋ ŋulu ka ariet, ŋiboorei daadaŋ ŋulu alyatok alokwap ka ŋituŋa daadaŋ ŋulu anakwap. Eukokinio kwap ŋikamukumukui, eritakinio ŋakopee ka eritakin ŋarwatatain daadaŋ kwap.

Agai 2:6

Ŋuna alimu Ekapolon ŋolo Etiron ikes nu, ‘Alotooma apaki ŋina euruwuana, eiŋiiŋakini ayoŋ nakuj ka akwap, anam ka akwap neni aonon.

Sakar 10:11

Ani itorunete ikes nanam ŋina nyepatana akitor, ayoŋ Ekapolon etidipokini ekuwuam ananam, ido etooni neni ecukul anaŋolol a ŋina a Nile, itiditeunio ŋituŋa ka Asiriya ŋulu sek iturosi, edaun agogoŋu eyakar Ijipit ŋina sek egogoŋ.

Akis. 11:13

Anapaki a ŋinapei a ŋin, toyakaun amaran ŋina ka akwap ŋina aronon; abu atutubet apei alotooma ŋunatomon ŋuna ke etaun a ŋolo apolon toritakin, totwaka ŋituŋa ŋalipyo ŋakanikaarei. Tobul ŋituŋa ŋuluce, kipuro apedor ŋina ka Akuj a ŋina anakuj.

Akis. 16:12

Abu emalaika ŋolo a ŋikanikapei tobukok anyunyura ŋina ka Akuj anabakule keŋ naŋolol ŋina enyaritae Eupurate. Abu aŋolol kijuwa toono deu aŋuna ka akitemokin neni itorete ŋirwosi ŋulu epote alo Kide.

Akis. 16:18

Toyakaun akimilyaa, ŋitoilon, agiro ŋina ereta ka amaran ŋina ka akwap ŋina apolon. Nyetakanuna amaran ŋina ikoni ŋin ŋinapeisubunet ituŋanan, arae ŋin amaran ka akwap ŋina aronon nooi akilo daadaŋ.

Akis. 20:11

Abu oanyuwa ekicoloŋ ŋolo akwaŋan ŋolo apolon ka iŋes ŋini icoloŋit. Toŋopiyasi akwap ka nakuj alokiŋaren keŋ nyeanyuwar nabo jik.