Isa. 42:11 - Ebaibul

¹¹ Emaikina ŋaloŋisae ka ŋituŋa ŋulu iboiyete alotaunio a ŋulu eya naloŋisat tocelut ipurosi Ekapolon, ŋituŋa ŋulu iboiyete alo Kedar kipuro Ekapolon, emaikina ŋituŋa ŋulu iboiyete alo Sela toeikis ka alelyanu, emaikina ikes tocelut alokidiama ŋimoru.

Isa. 42:11 Iomraidhean Croise

Akisy. 25:23

Tolimok Ekapolon iŋes tema, “Eyakasi ŋituŋa a ŋakwapin a ŋaarei nakook kon, ido ŋituŋa a ŋakwapin ŋulu ŋiarei ŋulu idouni iyoŋ, etyakasi, egogoŋioto ŋituŋa ka akwap a apei akilo ŋinace, eruwor edya ŋolo apolon eketiyan a ŋolo cici.”

Ŋikiru. 120:5

Oi acakar bare ca ayoŋ aŋuna eboiyo alo Mecek! Acakar bare ca aŋuna eboiyo alokidiŋ ŋituŋa ŋulu a Kedar!

Isa. 12:5

Toeikisi ŋieosyo ŋulu ka akipuro neni ke Ekapolon, anerae etiya iŋes ŋiticisyo ŋulu ailiilok, kimyekisi ŋakiro ŋun toyenut ŋituŋa daadaŋ anakwap.

Isa. 16:1

Kiyakiyasi ŋikaalei ŋulumesekin alo Sela, neni ke ekepukan ka akwap, kitoryoto lorot ŋolo ka aloŋisat, yaasi lomukura ŋolo a ŋituŋa a Sion.

Isa. 21:16

Aŋun, abu Ekapolon okolimok ayoŋ tema, “Alotooma ekaru epei, ŋolo ikwaan ka ŋolo itiyaa ituŋanan ŋini ipaŋgaunitae, edaun apolou a Kedar daadaŋ,

Isa. 32:16

Erubakini nai akiyookino eyai naloŋisat ka erubakini akiyookino eyai lomanikorin ŋulu araak.

Isa. 35:1

Elakar aloŋisat ka akwap neni eonit, elelyani aloŋisat ka eturouni; lopite ŋolo eturounio ecomocomo,

Isa. 35:6

eporete nai ŋikaŋwalak ikwa ŋatili ka eokinete ka alakara ŋulu sek ikajikajasi. Elomunete ŋakipi analoŋisat ka eleleiyarete ŋakipi anayona a ŋuna analoŋisat,

Isa. 40:3

Iworoe etoil a ituŋanan a ice analoŋisat ebala: “Kitemonokisi erot ŋolo ke Ekapolon analoŋisat, kisidiiryata analoŋisat erot aŋuna ka Akuj yok.

Isa. 43:19

Eapi ayoŋ akitiyakin ibore ŋini kitete, ageu ibore ŋin akitiyakin, eriŋa iyes nyeyenuna a? Ewuakini ayoŋ erot naloŋisat ka ewuakkini ŋaŋololin naonite.

Isa. 52:7

Etya ai alokidiama ŋimoru ajokis a abunore a ekiyakia a ŋolo iserae ŋakiro ŋuna ke ekisil, ŋolo eyaunit ŋakiro ŋuna ajokak, ŋolo iserae ŋakiro ŋuna ka aiuno ebala lotuŋa a Sion, “Erae Akuj kus Erwosit.”

Isa. 60:7

Iudunio ŋamesekin a Kedar daadaŋ neni kus, eyaunio neni kus ŋimesekin a Nebaiyos ikwapei ŋamuronisya ŋuna epeyo, acamuni ayoŋ ikes anamuroet kaŋ, esibusi ayoŋ Akai kaŋ ŋina ka apolou.

Yer. 21:13

“Kiirasi, akaremokino ayoŋ iyes, okoe iyes ŋituŋa ŋulu iboiyete alokidiama akadipaalat, okoe iyes ŋituŋa ŋulu iboiyete alokamukumukut a ŋolo elalak ŋamoru. Iyes ŋulu irworosi ibasi, ‘Ŋae epedori akitijikin iwon, kori ŋae epedori alomun nakais kosi ŋuna eŋopitere?’

Yer. 48:28

Kimyekisi ŋitaunio, kiboiyosi natabab, okoe iyes ŋituŋa a Moab! Kitiyata ikwa akuri ŋina eduki akai keŋ nakituk a akabaat ataaba.

Yer. 49:16

Ikimodik iyes ekabule ŋolo iinakinito iyes lotuŋa ka akituro a ŋitai kus. Iyes lu ŋulu iboiyete alokidiama ŋatabab ka alokidiama emukura. Tari kiboiyete iyes alokidiama ŋimoru ikwa ŋigolei, akacakuni ayoŋ iyes a ina.

Yer. 49:31

“Tonyoutu, toloto kitijikis ŋituŋa a akwap a ŋina iboi emam ŋace, akwap ŋina emam ŋimoe imanito. Akwap ŋina emam ŋipukei, kori ŋasuwa ŋuna egolere ŋipukei a etaun, akwap ŋina iboi bon.

Esek. 27:21

Apotu ŋituŋa ka Arabia ka ŋirwosi daadaŋ ŋulu a Kedar toruworos ŋikagyelak ŋulu ajokak ŋulu a ŋiboro kon; apotu ikiinakis iyoŋ ŋikaalei ŋulumesekin, ŋimeesekin ka ŋamee.

Obad. 1:3

Ikimodik iyoŋ akituro alotau kon, iyoŋ ŋina iboi anaitae a ŋimoru, iyoŋ ŋina erae neni eoya alomoru erae ere kon. Ibala iyoŋ alotau kon, ‘Ŋae epedori acakun ayoŋ kwap?’

Naum 1:15

Kiirasi iyes ŋituŋa a Yudaya, adolu alokidiama ŋimoru ekiyakia ŋolo eyaunit ŋakiro ŋuna ajokak, iserae iŋes ŋuna ke ekisil. Iyes ŋituŋa a Yudaya, kinumunuma ŋasuban kus, kisiyookisi ŋakikoŋieta kus, anerae nyikiremete nabo iyes ŋimoe kus, adaun amunyar ikes jik.”