Isa. 41:8 - Ebaibul

⁸ Nai iyes Ŋisirael, ŋituŋa kaŋ, iyes ŋiletok a Yakob ŋulu adau ayoŋ aseun, iyes ŋiletok ka Aburaam a ekone kaŋ;

Isa. 41:8 Iomraidhean Croise

1 Ŋakiro a ŋirwa 16:13

Totamunito ŋun, iyes ŋiletok ka Aburaam a ŋolo arae eketiyan keŋ, totamunito ŋun, iyes ŋidwe a Yakob a ŋolo abu iŋes toseu.

2 Ŋakiro a ŋirwa 20:7

Pa mono ibu iyoŋ Akuj kosi kirita alokiŋaren Ŋisirael ŋituŋa ŋulu eboiyete anakwap a na, ido inak akwap na neni a ŋiletok alokone kon Aburaam toruwor ŋina kec ŋikaru ka ŋikaru a?

Ŋikiru. 105:6

Totamunito ŋun iyes ŋiletok ka Aburaam a ŋolo arae eketiyan keŋ, totamunito ŋun iyes ŋidwe a Yakob a ŋolo abu iŋes toseu.

Ŋikiru. 135:4

Abu Ekapolon toseu Yakob aruwor ituŋanan keŋ, abu Ekapolon toseu Ŋisirael aruwor ŋituŋa keŋ a elope.

Ŋikiru. 136:21

Abu iŋes inak ŋakwapin a ŋirwosi a ŋul toruwor ŋuna a ŋituŋa a ŋice, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

Ŋikiru. 136:22

Apotu ŋakwapin kec toruworos ŋuna a Ŋisirael a ŋiketiyak keŋ, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

Ŋikiru. 33:12

Erereŋ akwap ŋina erae Akuj Ekapolon keŋ erereŋ ŋituŋa ŋulu aseu Ekapolon aruwor ŋituŋa keŋ.

Isa. 14:1

Nai isyoni nabo Ekapolon ŋiletok a Yakob ka eseuni nabo Ŋisirael, iwuakini ikes nabo nakwap kec, epote ŋituŋa ŋulugelae akiboi kaapei ka ŋiletok a Yakob.

Isa. 29:22

Aŋun, alimu Ekapolon ŋolo abu tolaku Aburaam ŋakiro nu aŋuna a ŋiletok a Yakob atemar: Nyeriŋa nabo isirumyo ŋiletok a Yakob ŋileec, nyeriŋa nabo ikes itonyorididete ŋireetin;

Isa. 42:1

“Eketiyan kaŋ lo ŋolo etogogoŋit ayoŋ, eseuna kaŋ, ŋolo elelyakinit etau kaŋ. Ewuak ayoŋ etau kaŋ neni keŋ; eyauni iŋes akiyookino lotuŋa a ŋakwapin.

Isa. 42:19

Ŋae emudukana, mati eketiyan kaŋ? Kori ekiŋimana ikwaan ka eketiyan kaŋ ŋolo eyakit ayoŋ? Ŋae emudukana ikwaan ka ŋolo einakina aŋuna kaŋ, kori emudukana ikwaan ka eketiyan ŋolo a Ekapolon?

Isa. 43:1

Nai tokona Ekapolon ŋolo ikisubuni iyes ŋiletok a Yakob, iŋes ŋolo ikisubuni iyes ŋituŋa a Isirael iŋes alimu atemar: Nyikuryaketa, anerae adau ayoŋ alakun iyes; akanyar ayoŋ iyes a ekiro, ido iruworosi iyes ŋituŋa kaŋ.

Isa. 43:10

Ebala Ekapolon, irae iyes ŋisuudae kaŋ ka ŋiketiyak kaŋ ŋulu abu ayoŋ oseu, ikotere iyes ikiyenunete ayoŋ ka ikinupete ayoŋ, ido toyenut atemar ayoŋ bon arae Akuj. Ayoŋ bon arae Akuj, mam akuj ace mam akuj ace ayai ekiŋaren, mam ace jik eyakaun ekaku.

Isa. 43:5

Nyikuryaketa, anerae ikirukit ayoŋ ka iyes, ayauni ayoŋ ŋiletok kus alo Kide ka akacununi ayoŋ iyes alo To.

Isa. 44:21

Okoe ŋiletok a Yakob, totamunito ŋakiro nu, okoe ŋiletok a Isirael, totamunito ŋakiro nu, anerae irae iyes ŋiketiyak kaŋ; ayoŋ akasubuni iyes, irae iyes ŋiketiyak kaŋ. Okoe Ŋisirael, nyimuryakinosi iyes aneni kaŋ.

Isa. 45:4

Aŋuna a ŋiletok a eketiyan kaŋ a Yakob ka aŋuna a ŋiseuna kaŋ a Ŋisirael, akanyar ayoŋ iyoŋ a ekiro kon, akanyar ayoŋ iyoŋ a ekiro a ŋolo ka akapul tari pa kikiyeni iyoŋ ayoŋ.

Isa. 48:12

Kiirasi ŋakiro kaŋ okoe ŋiletok a Yakob, iyes Ŋisirael ŋulu abu ayoŋ onyarau, arae ayoŋ iŋes; arae ayoŋ ŋina eŋarenon ka arae ayoŋ ŋina esidyon.

Isa. 49:3

Abu iŋes tema neni kaŋ,“Irae iyoŋ Isirael eketiyan kaŋ, ŋolo aryamunia ayoŋ akitopolooro.”

Isa. 51:2

Totamutu Aburaam papa kus ka Sara ŋina ikidouni iyes. Apaki ŋina anyaraa ayoŋ Aburaam, arae iŋes epei bon, nai abu ayoŋ eterereŋ iŋes eturuwo iŋes ŋituŋa ŋulu alalak.

Isa. 63:16

Irae iyoŋ papa kosi, tari pa kikiyeni Aburaam isua ka pa kikicamit Yakob isua, okoe Ekapolon, irae iyoŋ papa kosi, erae ekiro kon ekalakunan kosi ŋinapei koloŋ.

Yer. 33:24

“Nyeyenuna iyoŋ atemar irworosi ŋituŋa lu ebasi, ‘Aŋer Ekapolon ŋikalya ŋuluarei ŋulu abu iŋes toseu,’ nyeyenuna iyoŋ epite ŋolo ejamuwaritotor ŋituŋa ikes, ido nyeriŋa ikes iteete ikes ikwapei ŋituŋa ka akwap kec a?

Ŋilep. 25:42

anerae erae Ŋisirael ŋiketiyak kaŋ, ŋulu abu ayoŋ oyau alo Ijipit, nyemaikina ikes togyelarae esibit ŋipi.

Mal. 1:2

Ebala Ekapolon neni a Ŋisirael, “Adau ayoŋ amina iyes jwi jwi. Nai iŋitasi iyes ibasi: ‘Alipite ikiminakinia iyoŋ isua?’ ” Iŋita Ekapolon ebe, “Pa mono arae Esau lokato a Yakob a? Abu robo ayoŋ ominak Yakob,

Mat. 3:9

Nyitamete alotai kus atemar, ‘Erae Aburaam papa kosi.’ Akalimokini ayoŋ iyes atemar, epedori Akuj akilocokin ŋamoru nu toruworos ŋidwe ŋulu ka Aburaam!

Ŋigal. 3:19

Arae nai nyo etic a Ŋikisila? Aponi kiyatakinae Ŋikisila nakiikinet akitoodiunia ibore ŋini erae asecit ka etemokino kiboiyoto ikes akitodol abunore ŋina ke eletonit a ŋolo ka Aburaam a ŋolo aris Akuj kiik. Apotu ŋimalaikan kikobut Ŋikisila kwap, kisitorut neni a Moses, a ŋolo arae ekemorikinan Akuj ka ŋituŋa.

Ŋikis. 10:15

abu iŋes tominak atapapaa kus bon ka abu ikiseu iyes, ŋulu irae ŋiletok kec alotuŋa daadaŋ, lopite ŋolo eyakatar ŋakiro tokona.

Ŋikis. 14:2

anerae irae iyes ŋituŋa ŋulu asegak aneni ke Ekapolon Akuj kus, iyes ikiseu Ekapolon alotuŋa a ŋakwapin a daadaŋ aruwor ŋulu keŋ, ŋituŋa keŋ ŋulu emina iŋes nooi.

Yak. 2:23

Aŋun, apotu kiyookinos Ŋakigireta ŋuna ebasi, “Abu Aburaam tonup Akuj ka aŋuna ka anupit keŋ, abu Akuj tocamu iŋes erae ŋolo iyookino.” Alopite a ŋol, aponi tonyarae Aburaam ekone ŋolo ka Akuj.