6 Iŋaranakini ikes make, ebasi neni a ŋinice ‘Totitinyoto!’
Tolimokisi ŋulu ekuryaka alotai kec ebe, “Togogoŋ, nyikuryaketa! Ebuni Akuj kus; ebuni iŋes akinyaŋar, inyaŋi iŋes ŋakiro kus enyunyura nooi, ebuni iŋes aiun iyes.”
Nyikwaan iŋes ka etorube a akuj a ŋina itiyaunio tosipokinae, ido bu eketiyan egolid toburusik egolid kidiama keŋ ka kitanapik ŋiriko ŋulu itiyaunitae a esilipa.
Eŋolikis ŋituŋa ŋulu iboiyete alodiyete anam ŋakiro ŋun ka akuryaketa ikes, amaranikis ŋituŋa ŋulu eya nakisaleta a akwap; acunun ikes ka apotu kiŋaren.
Isimukekini eketiyan ŋiboro a ŋakito ituŋanan ŋini eyeni akitiya ŋiboro a egolid ka isimukekini ŋolo ibubui ŋiboro a enyondo ituŋanan ŋini ityeki anakityeket. Ebala iŋes neni a ŋini imadi ka asuwat ebe, ‘Itiyat iyoŋ ejok;’ tosodo nai ikes kibubukis etorube a akuj a ŋisumari, ikotere eenikin ejok.
Elemuni eketyakan ŋasuwa asuwat kiwuak nakim, ido kityek asuwat ŋin a enyondo, toŋirik a agogoŋu keŋ akitiyaun ibore ŋini ecamit iŋes akityekun. Ani enyami akoro iŋes, ido todaun agogoŋu keŋ ka ŋakipi ŋuna emasi, ilelenyi iŋes.
