Isa. 41:5 - Ebaibul

⁵ Eŋolikis ŋituŋa ŋulu iboiyete alodiyete anam ŋakiro ŋun ka akuryaketa ikes, amaranikis ŋituŋa ŋulu eya nakisaleta a akwap; acunun ikes ka apotu kiŋaren.

Isa. 41:5 Iomraidhean Croise

Akisy. 10:5

Lopapae a Yapes ŋul akorarotor ŋituŋa ŋulu eboiyete alodiyete ŋanamyo nakwapin. Totyakaros ŋulutuŋa irworosi aŋajep apei ka erae ateker apei ka a ŋakwapin kec.

Ŋikiru. 65:8

Ekerito ŋulu iboiyete aneni alwanan ŋiticisyo kon ŋulu ka aumokin; Iyaununui iyoŋ alelyanu neni a ŋituŋa a daadaŋ ameun alo Kide tari To.

Ŋikiru. 65:9

Itoodiunit iyoŋ epite ŋolo iminar akwap anainanakin akiru; iwuanakini iyoŋ ebari ŋolo alalan nakwap. Ilelebyanakini iyoŋ ŋakipi naŋololin; itaraenene iyoŋ ŋikinyom anakwap. Epite ŋol iŋes itemonokinio iyoŋ akwap.

Ŋikiru. 66:3

Temasi neni ka Akuj, “Eumokinito nooi ŋituŋa ŋakiro ŋuna itiya iyoŋ! Aŋuna ka apedor kon a ŋina apolon nooi, etiditeunosi ŋimoe kon, aryediko alokiŋaren kon.

Ŋikiru. 67:7

Elipi torubak Akuj ikiterereŋi iwon; elipi kitopoloosi iŋes ŋituŋa daadaŋ.

Awos. 15:14

Iirarete ŋituŋa a ŋakwapin ŋakiro nu tomaranikis make; ikamuni ekabule Ŋipilistin.

Isa. 41:1

Ebala Akuj ebe; “Okoe ŋituŋa ŋulu iboiyete alodiyete anam, kililiŋa, topupokinae ayoŋ. Emaikina ŋituŋa toryamut agogoŋu kec nabo; emaikina ikes potu kiŋaren kaŋ, ido kirworo; emaikina iwon oyakaun kaapei neni etubere ŋakiro.

Isa. 41:6

Iŋaranakini ikes make, ebasi neni a ŋinice ‘Totitinyoto!’

Esek. 26:18

Amaranikis tokona ŋituŋa ŋulu iboiyete alodiyete anam aŋuna eŋolikiniata akoloŋit ŋina ikilemarere iyes. Akadaki ŋituŋa ŋulu iboiyete alodiyete anam iŋolikinete epite ŋolo idaunotor iyes.’

Yos. 2:10

anerae ikidau isua akiirar epite ŋolo kitoonio Ekapolon Akuj anam ŋina enyaritae Anam ŋina Areŋan idolunete iyes nen apaki ŋina irotokinioto anakwap a Ijipit. Ikiirarit nabo epite ŋolo kiaryata iyes Sikon ka Og, ŋirwosi ŋiarei ŋulu a Ŋiamori a ŋulu elomito Kide aŋolol Yorodan.

Yos. 5:1

Ani iirarete ŋirwosi ŋulu a Ŋiamori alo To aŋolol Yorodan kaapei ka ŋulu a Ŋikanaani alokipetotyo ka anam Mediteranian epite ŋolo kitoonio Ekapolon Akuj ŋakipi a Yorodan akitodol ŋina adokaryata Ŋisirael daadaŋ, tobuliyo ikes, tokuryaketa akitijiore Ŋisirael.