Isa. 41:4 - Ebaibul

⁴ Ŋae etiyae ŋun ka ŋae eturubak ŋun itiyasi? Ŋae enyaraununui ŋanyameta ŋinapei anakisyakinet? Ayoŋ Ekapolon, arae ŋolo a ekiŋaren, ayakaun ayoŋ tari apaki ŋina esidyon.

Isa. 41:4 Iomraidhean Croise

Ŋikiru. 102:27

Nai irubakini iyoŋ ikoni nenipei, ido nyedaun akiyar kon.

Ŋikiru. 102:28

Iboikinoi isua ŋiketiyak kon ka ŋidwe kosi emam ŋace, erubakinete ŋipapae kosi iboiyete emam ŋace.

Isa. 40:12

Ŋae epedori akipim ŋakipi a anam a akan keŋ, kori akipim kidiama a akan keŋ? Ŋae epedori akiwuakin ŋalup a akwap daadaŋ nakan keŋ, kori akipim apotis a ŋimoru ka ŋikamukumukui a aratil?

Isa. 40:26

Kireosi kidiama kiŋolikis neni ikoni. Ŋae asubuni ŋiboorei daadaŋ ŋulu eya kidiama? Erae Akuj ŋina iwuakinit ikes esibit ŋajoresyo ka eyeni ekimar kec, enyarit ikes daadaŋ a ŋirorwa kec; anerae egogoŋ iŋes nooi, eyakar apedor ŋina etiron, mam ibore ipei daŋ ŋini icana iŋes.

Isa. 41:20

ikotere iŋolikinete daadaŋ ka toyenut; ikotere etamatamaete ŋituŋa daadaŋ ka toyenut atemar Ekapolon etiya ŋun a apedor keŋ ka eyenunete atemar, Akuj ŋina asegan ŋina a Isirael iŋes emyek ŋun itiyakin.”

Isa. 41:26

Ŋae alimori anakisyakinet ŋakiro ŋun, ikotere isua ikiyenuni, ŋae alimori ikes ekiŋaren,’ ikotere isua ikitemari, ‘Iyookinit iŋes?’ Mam ituŋanan abu tolimu ŋakiro ŋun, mam ituŋanan abu kiserau ŋun, mam ituŋanan abu kiira ŋakiro kus.

Isa. 41:3

Iwuapi iŋes ikes elosi kiŋaren emam ŋace, elosi iŋes ikomae nooi esibit nyipudaete ŋakejen keŋ akwap.

Isa. 42:24

Ŋae epotokini ŋiletok a Yakob neni a ŋikenyasak ka ŋae epotokini ŋiletok a Isirael neni a ŋikademanarak? Pa mono arae Ekapolon ŋolo aponi iwon tosecae neni keŋ a? Ekapolon ŋolo apotu ikes toŋero akiwuap ŋakiro keŋ ka ŋolo apotu ikes nyiwuapa ŋikisila keŋ a?

Isa. 43:10

Ebala Ekapolon, irae iyes ŋisuudae kaŋ ka ŋiketiyak kaŋ ŋulu abu ayoŋ oseu, ikotere iyes ikiyenunete ayoŋ ka ikinupete ayoŋ, ido toyenut atemar ayoŋ bon arae Akuj. Ayoŋ bon arae Akuj, mam akuj ace mam akuj ace ayai ekiŋaren, mam ace jik eyakaun ekaku.

Isa. 43:13

Arae ayoŋ Akuj ka arubakini arae Akuj jik, mam ituŋanan epedori aiun iyes anapedor kaŋ. Ani ketiyak ayoŋ ŋadi, ŋae ekesipiyori ayoŋ akitiya ŋun?

Isa. 46:10

Abu ayoŋ olimu ŋakiro ŋuna esidyok anakisyakinet ka abu ayoŋ alimu anapakio a ŋuna akoloŋ ŋakiro ŋuna ariŋa nyitiyakina otema, ‘Iyookin ŋakiro ŋuna ayeunit ayoŋ ka erikakini akitiya ŋuna acamit kitiyakin.’

Isa. 48:12

Kiirasi ŋakiro kaŋ okoe ŋiletok a Yakob, iyes Ŋisirael ŋulu abu ayoŋ onyarau, arae ayoŋ iŋes; arae ayoŋ ŋina eŋarenon ka arae ayoŋ ŋina esidyon.

Mat. 1:23

“Epotiuni ka idouni apese ŋina nyiryamakina ka ekile ikoku ŋini sapat, enyarao ekeekiro Emmanuel.” (Apolou keŋ atemar, “Ikirukit iwon ka Akuj.”)

Mat. 28:20

Kitatama ikes toyenut ka kiwuapa ŋakiro daadaŋ ŋuna adau ayoŋ akicikakin iyes; ka daŋ toyenete atemar ikirukit ayoŋ ka iyes ŋirwa daadaŋ tari ŋina esalunia akwap.”

Ŋitic. 15:18

Ayoŋ Ekapolon, ŋolo aberakin koloŋ sek akiteyenun ŋakiro nu ŋuna etiyakini.’

Ŋitic. 17:26

Abu Akuj tosub ŋibukui a ŋituŋa daadaŋ alokile ke epei, kisiboik ikes nakwap daadaŋ, kedau atubun apaki ŋina eyaryata ka neni iboikinosi.

Ŋikis. 32:39

Toyenutu tokona atemar ayoŋ arae Akuj, emam Akuj ace mati ayoŋ, aari ayoŋ ka eteyari, awani ayoŋ ka etaŋaleuni, emam ituŋanan elakuni ituŋanan anapedor kaŋ,

Akis. 1:11

Tolimu ebe, “Kigir ibore ŋini iŋolikini iyoŋ daadaŋ lokitaabo, ido kiyakiya natukon ŋunakanikaarei ŋuna a Ŋikristo alo Epeso, Simirina, Perigamo, Tyatira, Sardis, Piladelipia ka Laodikeya.”

Akis. 1:17

Ŋinapei eŋolikinia ayoŋ iŋes, abu oramakin nakejen keŋ ekok ituŋanan ŋini atwan. Abu nai iŋes kiwuak akan keŋ ŋina aloteten neni kaŋ tema, “Nyikuryaniar! Arae ayoŋ ŋolo Eŋarenon ka ŋolo Esidyon.

Akis. 1:8

Ebala Ekapolon Akuj ŋina etiron, ŋina erae ka ŋina arae ka ŋina ebuni, “Arae ayoŋ Alpa ka Omega” (iŋes atemar Akisyakinet ka Asalunet).

Akis. 2:8

“Kigir neni ke emalaika a ŋolo ka atukot a Ŋikristo alo Simirina atemar: “Erae ŋakiro nu ŋuna eponito aneni a ŋolo erae ŋolo Eŋarenon ka ŋolo Esidyon, ŋolo abu totwan ka toyaru nabo.

Akis. 22:13

Arae ayoŋ Alpa ka Omega, ŋolo Eŋarenon ka ŋolo Esidyon--Akisyakinet ka Asalunet.”